അതെങ്ങനെ ഒഴിവാക്കാം എന്നു മാത്രമാവും പിന്നീടുള്ള ചിന്ത. ചിലരിതിനെ സാധൂകരിക്കുമ്പോൾ മറ്റു ചിലർ അത് തെറ്റാണെന്ന് വാദിക്കുന്നു. യഥാർത്ഥത്തിൽ പാലും അതിന്റെ ഉപോൽപ്പന്നങ്ങളും ഒരാൾക്ക് മുഖക്കുരു ഉണ്ടാക്കാൻ കാരണമാകുന്ന ഒരു ഭക്ഷണമാണോ ? അതോ ഇത് വെറുമൊരു മിഥ്യാധാരണയാണോ? ഇന്ന് നമുക്കതിനുള്ള ഉത്തരം കണ്ടെത്താം.ഇക്കാര്യത്തിൽ പലർക്കുമുള്ള ഒരു സംശയങ്ങളിൽ ഒന്നാണ് പാലുൽപന്നങ്ങൾ കഴിക്കുന്നത് മുഖക്കുരുവിന് കാരണമാകുമോ എന്നത്. പലർക്കും കാര്യത്തിൽ വിഭിന്ന അഭിപ്രായങ്ങൾ ആണുള്ളത്. തീർച്ചയായും പാലുത്പ്പന്നങ്ങളുടെ ഉപഭോഗം ചില ആളുകൾക്ക് മുഖക്കുരുവിന് കാരണമാകും എന്നതിൽ സംശയമില്ല.
എന്നാലിത് എല്ലാവരിലും ഒരു പോലെ ആകണമെന്നില്ല. ഇത് ഓരോ വ്യക്തിയുടെയും ശരീരപ്രകൃതിയെ ആശ്രയിച്ച് വ്യത്യാസപ്പെടുകയും ചെയ്യാം. സാധാരണഗതിയിൽ കൊഴുപ്പ് കൂടുതൽ അടങ്ങിയ ഭക്ഷണങ്ങൾ കഴിക്കുമ്പോഴാണ് മിക്കവാറും പേർക്കും മുഖക്കുരുവിൻ്റെ ലക്ഷണങ്ങൾ ഉണ്ടാകുന്നത്. പാലിലും പാലുൽപ്പന്നങ്ങളിലുമെല്ലാം കൊഴുപ്പിൻ്റെ അളവ് ഉയർന്നതാണെന്ന വസ്തുത നമുക്കറിയാം. അതുകൊണ്ടുതന്നെ ഇവയുടെ ഉപയോഗം ഒരാളിൽ മുഖക്കുരു സാധ്യതകൾ ഉണ്ടാക്കുന്നതുമായി ബന്ധപ്പെട്ടിരിക്കുന്നു എന്നതാണ് യാഥാർത്ഥ്യം. ചുരുക്കി പറഞ്ഞാൽ നിങ്ങൾ കഴിക്കുന്ന ചീസ് അധികം ചേർത്ത ഒരു ബർഗറോ, അല്ലെങ്കിൽ ഒരു ഐസ്ക്രീമോ എന്തിന് ഒരു നേരത്തെ ഒരു കപ്പ് പാൽചായ പോലും നിങ്ങൾക്ക് മുഖക്കുരു സമ്മാനിക്കാനുള്ള സാധ്യതയുണ്ടെന്ന് പറയാം.