തൃക്കാക്കര പ്രചാരണത്തിലും പാളിച്ചയുണ്ടായി; ബിജെപിയിൽ വിമർശനം ശക്തം! വോട്ട് വിഹിതത്തിൽ വർദ്ധനവുണ്ടാക്കുമെന്ന പ്രതീക്ഷിച്ച മണ്ഡലത്തിൽ ബി ജെ പിയ്ക്ക് തിരിച്ചടി നേരിടേണ്ടി വന്നിരുന്നു. ഈ സാഹചര്യത്തിലാണ് തെരഞ്ഞെടുപ്പ് പ്രവർത്തനത്തിൽ വീഴ്ച സംഭവിച്ചെന്ന വിലയിരുത്തൽ. തൃക്കാക്കര ഉപതെരഞ്ഞെടുപ്പിൽ വലിയ വീഴ്ച്ച സംഭവിച്ചെന്ന് ബി ജെ പിയിൽ വിമർശനം. കഴിഞ്ഞദിവസം ചേർന്ന അവലോകന യോഗത്തിലാണ് വിമർശനം ഉയർന്നത്. പല മേഖലകളിലും വോട്ട് ചോർന്നെന്നും വിമർശനം ഉണ്ട്. നേരത്തെ വോട്ടെടുപ്പ് കഴിഞ്ഞതിന് പിന്നാലെ വൻതിരിച്ചടിയുണ്ടാകുമെന്ന തരത്തിൽ പല ബിജെപി നേതാക്കളും സംസാരിച്ചിരുന്നു.
മത്സരിക്കാൻ തനിക്ക് ആദ്യം താൽപ്പര്യമില്ലായിരുന്നെന്ന് ഫലപ്രഖ്യാപനത്തിന് പിന്നാലെ എ എൻ രാധാകൃഷ്ണനും പറഞ്ഞിരുന്നു. പ്രചാരണത്തിൽ പാളിച്ച ഉണ്ടായി. മുതിർന്ന നേതാവായിട്ടും വ്യക്തിപരമായി വോട്ട് ശേഖരിക്കാൻ സ്ഥാനാർഥിയായിരുന്ന എ എൻ രാധാകൃഷ്ണന് കഴിഞ്ഞില്ലെന്നും വിമർശനമുണ്ടെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു. ഇത്രയും പിറകോട്ട് പോകുമെന്ന് കരുതിയില്ലെന്നും എൻ ഡി എ സ്ഥാനാർഥി നേരത്തെ പറഞ്ഞിരുന്നു. ഇതിന് പിന്നാലെയാണ് ബി ജെ പി അവലോകന യോഗത്തിലും തെരഞ്ഞെടുപ്പ് പ്രചാരണത്തെക്കുറിച്ച് വിമർശനം ഉയർന്നത്. ബി ജെ പി സംസ്ഥാന ഉപാധ്യക്ഷൻ കൂടിയായ രാധാകൃഷ്ണന് തെരഞ്ഞെടുപ്പിൽ ലഭിച്ചത് 12, 957 വോട്ടുകൾ മാത്രമായിരുന്നു.
ഇതോടെ കെട്ടിവച്ച കാശ് പോലും അദ്ദേഹത്തിന് നഷ്ടമായി. താൻ മത്സരിച്ചാൽ മാറ്റമുണ്ടാകുമെന്ന് പാർട്ടിയാകെ ചൂണ്ടിക്കാട്ടിയതിൻറെ അടിസ്ഥാനത്തിലാണ് മത്സരിച്ചത്. ഉപതെരഞ്ഞെടുപ്പിൽ പ്രതീക്ഷിച്ച വോട്ടുകൾ എൻഡിഎയ്ക്ക് ലഭിച്ചില്ല. 18,000 വോട്ട് വരെ ബി ജെപി പ്രതീക്ഷിച്ചു. പക്ഷേ, പാർട്ടിയ്ക്ക് വന്ന് ചേരേണ്ട വോട്ടുകളും സി പിഎം വിരോധത്തിൽ യു ഡി എഫിലേക്ക് പോയെന്നായിരുന്നു എ എൻ രാധാകൃഷ്ണൻറെ പ്രതികരണം. പോസ്റ്റൽ വോട്ടടക്കം 1,35,349 വോട്ടുകളാണ് തൃക്കാക്കരയിൽ ആകെ പോൾ ചെയ്തത്.
ഇതിൻറെ ആറിലൊന്നായ 22,551 വോട്ടുകൾ നേടിയെങ്കിൽ മാത്രമേ കെട്ടിവച്ച കാശ് തിരികെ ലഭിക്കൂ. എൻ ഡി എ സ്ഥാനാർഥിയ്ക്ക് 9.57% വോട്ടുകൾ മാത്രമായിരുന്നു ലഭിച്ചത്. ആകെ പോൾ ചെയ്യുന്ന വോട്ടുകളുടെ ആറിലൊന്ന് (16.7%) നേടിയില്ലെങ്കിൽ കെട്ടിവച്ച കാശ് നഷ്ടമാകുമെന്നാണ് തെരഞ്ഞെടുപ്പ് കമ്മീഷൻ നിയമം.
Find out more:
click and follow Indiaherald WhatsApp channel