'വായ്ക്കുരവ പോരാ',ഇനി നായർ കല്യാണങ്ങൾക്ക് മംഗള ഗാനവും! നായർ സമുദായാംഗങ്ങളുടെ വിവാഹത്തിന് ആലപിക്കാനുള്ള മംഗള ഗാനം കൊല്ലം ജില്ലയിലെ പുനലൂർ ആസ്ഥാനമാക്കി പ്രവർത്തിക്കുന്ന പത്തനാപുരം താലൂക്ക് എൻഎസ്എസ് കരയോഗം യൂണിയനാണ് തയ്യാറാക്കിയിരിക്കുന്നത്. എൻഎസ്എസ് കരയോഗം പുതിയൊരു ആചാരത്തിന് തുടക്കമിടുകയാണ്. മംഗള ഗാനം പാടിക്കൊണ്ടായിരിക്കും ഇനി മുതൽ കരയോഗാംഗങ്ങളുടെ വിവാഹങ്ങൾ ആശീർവദിക്കുക.ഗാനരചയിതാവ് ബി കെ ഹരിനാരായണൻ രചിച്ച ഗാനം സംഗീത സംവിധായകനും ഗായകനുമായ എം ജയചന്ദ്രൻ എൻഎസ്എസ് പ്രവർത്തകർക്ക് ചൊല്ലിക്കൊടുത്തു.148 കരയോഗങ്ങളിലെ അംഗങ്ങൾ പങ്കെടുത്ത സമ്മേളനത്തിലാണ് മംഗള ഗാനം പുറത്തിറക്കിയിരിക്കുന്നത്.
നായർ സമുദായത്തിലെ വിവാഹങ്ങൾക്ക് പ്രാർത്ഥനാ ഗാനമില്ലെന്നും വായ്ക്കുരവ മാത്രമാണുള്ളതെന്നും മനസിലാക്കിയാണ് ഗാനം ചിട്ടപ്പെടുത്തിയത്. മറ്റ് പല സമുദായങ്ങൾക്കും പ്രാർത്ഥനാ ഗാനം ഉണ്ടെന്നു മനസിലാക്കിയാണ് പുതിയ ആചാരത്തിന് തുടക്കം കുറിക്കുന്നതെന്ന് എം ജയചന്ദ്രൻ പറഞ്ഞു. "പൈതൃകത്തിൽ കിട്ടിയ പാട്ടുപോലെയും എവിടെയോ കേട്ടു മറന്ന പോലെയും നമ്മുടെ കൂടെയുണ്ടായിരുന്ന പാട്ടുപോലെയും ഇപ്പോൾ ഒന്നുകൂടി കേൾക്കുന്നതുപോലെയുമായിരിക്കണം പാട്ടിന്റെ ഈണം." സംഗീത സംവിധാനം നിർവഹിക്കവെ ഇതായിരുന്നു തന്റെ മനസിൽ ഉണ്ടായിരുന്നതെന്ന് ജയചന്ദ്രൻ പറയുന്നു. പാട്ടിന്റെ രചയിതാവുമായി കൂടിയാലോചിച്ച ശേഷമാണ് സംഗീത സംവിധാനം നിർവഹിച്ചതെന്ന് ജയചന്ദ്രൻ പറഞ്ഞു.
എൻഎസ്എസ് നേതൃത്വത്തിന്റെ അനുമതിയോടെയാണ് സമുദായാംഗങ്ങളുടെ ഇടയിൽ ഈ പാട്ട് പ്രചരിപ്പിക്കുന്നത്. സമൂഹമാധ്യമങ്ങളിലൂടെ ലോകമെമ്പാടുമുള്ള നായർ സമുദായാംഗങ്ങളുടെ ഇടയിലേക്ക് പാട്ട് എത്തിക്കാൻ ശ്രമം നടത്തുമെന്നും ഗണേഷ് കുമാർ പറഞ്ഞു. പ്രതിഫലമില്ലാതെയാണ് ഗാനരചയിതാവും സംഗീത സംവിധായകനും മംഗള ഗാനം തയ്യാറാക്കിയതെന്ന് തലൂക്ക് യൂണിയൻ പ്രസിഡന്റ് കെ ബി ഗണേഷ് കുമാർ എംഎൽഎ പറഞ്ഞു.പാട്ടിന്റെ വരികൾ ഇങ്ങനെ; വിഘ്നേശ്വരം ഗുരുവും ആദിത്യനഗ്നിയും, വാണിയും ബ്രഹ്മനും തുണയേകണം, സമൂർത്തമാക്കേണമീ മംഗളം, സദ്ഗുരു ശുഭ തീർത്ഥമാകട്ടെ മംഗളം.
ഉമയോട് പരമേശനെന്ന പോലെ
ഹരിയോട് രമ വാണിടുന്ന പോലെ
ഇരുപേരും ഒന്നിച്ച് കാലമേറെ
നലമോടെ വാഴട്ടെ ജയമംഗളം
രഘുരാമസീതാ സമം സദസ്സിൽ
വധുവുമൊത്ത് വിധുവായ് വരനിരിക്കെ
ഇരു കുടുംബം തമ്മിൽ ഇതളുചേരും
ഹൃദയങ്ങളോതിടും ജയമംഗളം. കുരവയിട്ടാമോദമൊഴികിടുമ്പോൾ
ഉയിരോടുയിർ ചേർന്ന് താലിചാർത്തും വരണമാല്യത്തോടെ വലതുവെയ്ക്കെ
അരുളട്ടെ മംഗളം പത്മനാഭം
ശ്രീ പദ്മനാഭൻ....
Find out more:
click and follow Indiaherald WhatsApp channel