'നെതർലൻഡ്സ് ഗ്രാവിറ്റി കനാൽ' പദ്ധതി; ലോകബാങ്കിൻ്റെ 15,000 കോടി സഹായം! ഒരു യൂറോപ്യൻ നഗരത്തിന് തുല്യമായി എല്ലാവിധ അടിസ്ഥാന സൗകര്യങ്ങളുമൊരുക്കി പുതിയ നഗരം ഒരുക്കുകയാണ് ലക്ഷ്യം. സെപ്റ്റബറിൽ വിജയവാഡയിലുണ്ടായ രൂക്ഷമായ വെള്ളപ്പൊക്കം പുതിയ അമരാവതിയുടെ നിലനിൽപ്പിൽ ആശങ്കയുയർത്തിയിരുന്നു. ഈ പ്രശ്നം പരിഹരിക്കാൻ നെതർലൻഡ്സിൻ്റെ ഗ്രാവിറ്റി കനാൽ സംവിധാനത്തിലേക്ക് തിരിയുകയാണ് സർക്കാർ. അമരാവതിയുടെ അടിസ്ഥാന സൗകര്യങ്ങൾക്ക് വൻ പ്രാധാന്യമാണ് ആന്ധ്രാ പ്രദേശ് സർക്കാർ നൽകുന്നത്. അമരാവതി കേന്ദ്രീകരിച്ച് നിരവധി പദ്ധതികൾ സർക്കാർ പ്രഖ്യാപിച്ചു കഴിഞ്ഞു. വെള്ളപ്പൊക്ക സാധ്യത ലഘൂകരിക്കുന്നതിനായി അമരാവതിയുടെ 217 കിലോമീറ്റർ നീളത്തിൽ വിവിധ ജലസംഭരണികൾ നിർമിക്കുന്നുണ്ട്. ഗ്രാവിറ്റി സംവിധാനത്തിൻ്റെ അടിസ്ഥാനത്തിലുള്ള കനാലുകൾ നൂറ്റാണ്ടുകളായി നെതർലാൻഡിനെ സംരക്ഷിക്കുന്നുണ്ട്.
ഈ സംവിധാനം അമരാവതിയുടെ സുരക്ഷയും ശക്തമാക്കുമെന്നും മന്ത്രി പറഞ്ഞു. അമരാവതിയുടെ വികസനത്തിന് ലോകബാങ്ക് 15,000 കോടി രൂപ നൽകുമെന്ന് മുനിസിപ്പൽ അഡ്മിനിസ്ട്രേഷൻ ആൻഡ് അർബൻ ഡെവലപ്‌മെൻ്റ് (എംഎയുഡി) മന്ത്രി പി നാരായണ അറിയിച്ചു. അമരാവതിയിലെ പ്രധാന സ്ഥലങ്ങളിൽ ഗ്രാവിറ്റി കനാൽ റിസർവോയറുകളുടെ നിർമാണം പുരോഗമിക്കുകയാണ്. സെപ്റ്റംബറിൽ വിജയവാഡയിൽ ഉണ്ടായ വെള്ളപ്പൊക്കം അമരാവതി ഉൾപ്പെടെയുള്ള പ്രദേശങ്ങളെ ഗുരുതരമായി ബാധിച്ചു. അമരാവതിയുടെ സുരക്ഷയെ ചോദ്യം ചെയ്യുന്നതായിരുന്നു ഈ സാഹചര്യമെന്ന് മന്ത്രി കൂട്ടിച്ചേർത്തു. മറ്റ് സംവിധാനങ്ങൾ ഉപയോഗിക്കാതെ ഗുരുത്വാകർഷണ രീതിയിൽ വെള്ളം കനാലുകളിലേക്കും റിസർവേയറുകളിലേക്കും എത്തിക്കുന്നതാണ് ഗ്രാവിറ്റി കനാൽ സിസ്റ്റം. പമ്പുകളോ ബാഹ്യ ഊർജ്ജമോ ഇല്ലാതെയാകും വെള്ളം ഇവിടേക്ക് ഒഴുക്കിക്കൊണ്ടു പോകുക.
ഇതനുസരിച്ചാകും കനാലുകളുടെ നിർമാണം. ഉയർന്ന പ്രദേശങ്ങളിൽ നിന്ന് താഴ്ന്ന പ്രദേശങ്ങളിലേക്ക് വെള്ളം ഒഴുകുകയും അധിക ജലം നിയന്ത്രിത കൂറ്റൻ സംഭരണികളിലേക്ക് എത്തിക്കുകയും ചെയ്യും. ഇതോടെ പ്രദേശത്തെ വെള്ളപ്പൊക്ക സാധ്യതകൾ ഇല്ലാതെയാകും. ആന്ധ്രാ പ്രദേശിൻ്റെ മുഖമായി അമരാവതിയെ മാറ്റാനുള്ള ആസൂത്രണത്തിന് ഭീഷണിയാകുന്നത് വെള്ളപ്പൊക്കമാണ്. ഈ പ്രശ്നം പരിഹരിക്കാനുള്ള പദ്ധതിയാണ് സർക്കാർ ഇപ്പോൾ സജ്ജമാക്കുന്നത്. നെതർലൻഡ്‌സിൽ വിജയകരമായി പരീക്ഷിച്ച് വിജയിച്ച ഗ്രാവിറ്റി കനാൽ സംവിധാനം അമരാവതിയിൽ ഒരുക്കാനാണ് തീരുമാനം. ഡച്ച് മാതൃകയിൽ ഗുരുത്വാകർഷണത്തെ അടിസ്ഥാനമാക്കിയുള്ള കനാലുകളാണ് പ്രധാനം.
പദ്ധതിക്ക് വലിയ പണച്ചെലവാണ് പ്രതീക്ഷിക്കുന്നതെങ്കിലും പദ്ധതികൾക്ക് ലോകബാങ്കിൻ്റെ സഹയം ലഭിച്ചു. 15,000 കോടി രൂപയാണ് ലോകബാങ്ക് നൽകുക. കൊണ്ടവീതി, പാലവാഗ് തുടങ്ങിയ സ്ഥലങ്ങളിൽ ഗ്രാവിറ്റി കനാൽ റിസർവോയറുകളുടെ നിർമാണം ആരംഭിച്ചതായി ആന്ധ്രാ പ്രദേശ് ക്യാപിറ്റൽ റീജിയൻ ഡെവലപ്‌മെൻ്റ് അതോറിറ്റി (സിആർഡിഎ). താഴ്ന്ന ഭാഗങ്ങളിലെ വെള്ളക്കെട്ട് ഒഴിവാക്കുന്നതിനും വെള്ളപ്പൊക്കം തടയാനുമായി നീരുകൊണ്ട, കൃഷ്ണായപാലം, സഖാമുരു, വുണ്ടവല്ലി എന്നിവിടങ്ങളിൽ കൂറ്റൻ ജലസംഭരണികളുടെ നിർമാണവും പുരോഗമിക്കുന്നുണ്ട്. ac
Find out more:
click and follow Indiaherald WhatsApp channel