കടപ്പുറത്തുകൂടി തുണിയുടുത്തു നടക്കണോ വേണ്ടയോ എന്ന് ഇനി നിങ്ങൾക്ക് തീരുമാനിക്കാം. . തീരുമാനം നിങ്ങളുടേതാണ്. ചില ബീച്ചുകളില്‍ അതത് സര്‍ക്കാരുകള്‍ നഗ്നരായി നടക്കാന്‍ അനുമതിയും നല്‍കിയിട്ടുണ്ട്. കുട്ടികളടങ്ങുന്ന കുടുംബവുമൊത്ത് ആരും ഇവിടങ്ങളില്‍ സണ്‍ ബാത്തിനോ കടലില്‍ കുളിക്കാനോ പോവാറില്ല. കുട്ടികള്‍ കാണാന്‍ പാടില്ലാത്ത കാഴ്ച്ചകളായിരിക്കും എങ്ങും.
പാര്‍ട്ടികളും ബാറുകളും റിസോര്‍ട്ടുകളും റെസ്റ്ററന്റുകളുമൊക്കെയായി ആകെ മൊത്തം ആഘോഷത്തിമിര്‍പ്പിലായിരിക്കും ഈ ബീച്ചുകളും. കിലോമീറ്ററുകളോളം നീണ്ടു നിവര്‍ന്നു കിടക്കുന്ന വെള്ള നിറത്തിലുള്ള കടപ്പുറം മണലിലൂടെ നടക്കാനും വെയില്‍ കായാനും കടലില്‍ മുങ്ങിക്കുളിക്കാനും വോളിബോള്‍ കളിക്കാനുമാണ് പ്രധാനമായും ആള്‍ക്കാര്‍ ന്യൂഡ് ബീച്ചുകള്‍ സന്ദര്‍ശിക്കുക. ന്യൂഡ് ബീച്ചുകളിലെത്തിയാല്‍ ആണ് പെണ്‍ വ്യത്യാസമില്ലാതെ എല്ലാവരും അല്‍പ്പവസ്ത്രധാരികളായിരിക്കും. ചിലപ്പോള്‍ അതും ഉണ്ടാകില്ല.
ലോകത്തിന്റെ വിവിധ ഭാഗങ്ങളില്‍ ന്യൂഡ് ബീച്ച് എന്ന പേരില്‍ പ്രശസ്തമായ ചില ബീച്ചുകളുണ്ട്. അവയില്‍ ചിലത് ഇതാ.പേരു സൂചിപ്പിക്കുന്നതു പോലെ സ്വര്‍ഗീയ തുല്യമായാണ് ഈ ബീച്ചിനെ സന്ദര്‍ശകര്‍ കരുതുന്നത്. അടിച്ചുപൊളിക്കാനും പാര്‍ട്ടികള്‍ നടത്താനുമൊക്കെ അനുയോദ്യമാണ്. പാര്‍ട്ടികള്‍, റെസ്റ്ററന്റുകള്‍, ബാറുകള്‍, നൈറ്റ്‌ലൈഫ് തുടങ്ങിയവയുമായി ഗ്രീസിലെ ഈ ബീച്ച് സജ്ജീവമാകും. അവധിക്കാലം അടിച്ചുപൊളിക്കാന്‍ ആഗ്രഹിക്കുന്നവരുടെ ഇഷ്ടബീച്ചുകളിലൊന്നു കൂടിയാണ്. എന്നാല്‍ പാരഡൈസ് ബീച്ചിനെ പ്രശസ്തമാക്കുന്നത് ഇതൊന്നുമല്ല.
ലോകത്തുള്ള ഏറ്റവും പ്രശസ്തമായ നഗ്നതാ ബീച്ചുകളിലൊന്നുകൂടിയാണിത്. അതായത്, ഈ ബീച്ചില്‍ വസ്ത്രം പോലും ഉപേക്ഷിച്ചാണ് സഞ്ചാരികള്‍ ബീച്ചിലിറങ്ങുക. ഗേ ബീച്ച് എന്ന നിലയിലും പാരഡൈസ് ബീച്ച് പ്രശസ്തി പിടിച്ചുപറ്റിയിട്ടുണ്ട്.
പേരു പോലെ അത്ര ചെറുതല്ല ഹവായില്‍ സ്ഥിതി ചെയ്യുന്ന ഈ ബീച്ച്. ന്യൂഡ് ബീച്ച് എന്ന നിലയിലാണ് പ്രശസ്തമായത്. ഹവായില്‍ നഗ്നമായി നടക്കുന്നത് നിയമവിരുദ്ധമാണെങ്കിലും ഈ ബീച്ചില്‍ ആ നിയമത്തിന് വിലയില്ലാത്തതു പോലെ തേന്നും. വെയില്‍ കായാനും കടലില്‍ അടിച്ചുപൊളിക്കാനും അനുയോജ്യമാണ്.
നന്നായി വസ്ത്രധാരണം ചെയ്ത് ലിറ്റില്‍ ബീച്ചിലെത്തിയാല്‍ നിങ്ങള്‍ ഒറ്റപ്പെട്ടതു പോലെയാകും. നഗ്നരായി സഞ്ചാരികള്‍ ബീച്ചിലൂടെ നടക്കുന്നതും കടലില്‍ കുളിക്കുന്നതും കണ്ടാല്‍ അതിശയപ്പെടേണ്ടതില്ല. ഇവിടെ ഇങ്ങനെയാണ്.സിഡ്‌നിയില്‍ നിന്ന് അധികം അകലെയല്ലാതെ സ്ഥിതി ചെയ്യുന്ന ബീച്ചാണ് സാമുറായ് ബീച്ച്. സിഡ്‌നിയില്‍ നിന്ന് രണ്ടോ മൂന്നോ മണിക്കൂര്‍ ഡ്രൈവ് ചെയ്താല്‍ ഇവിടെയെത്തിച്ചേരാം. കുടംബവുമൊത്ത് പോകാന്‍ കഴിയാത്ത ബീച്ചാണിത്.
നേക്കഡ് ബീച്ച് എന്ന നിലയിലാണ് സാമുറായ് ബീച്ചും പ്രശസ്തമായത്. ബീച്ചില്‍ വോളിബോള്‍ അടക്കമുള്ള കായികവിനോദങ്ങളില്‍ ഏര്‍പ്പെട്ടിരിക്കുന്നവര്‍ വസ്ത്രത്തിന്റെ കാര്യത്തില്‍ തീരെ ശ്രദ്ധ കാണിക്കില്ല എന്നു വേണമെങ്കില്‍ പറയാം. നേക്കഡ് വോളിബോള്‍ ഇവിടെ സാധാരണമാണ്.വടക്കേ അമേരിക്കയിലെ ഏറ്റവും പഴയതും വലുതുമായ ന്യൂഡ് ബീച്ച് എന്ന നിലയ്ക്കാണ് കാനഡയിലെ വാന്‍കൂവറില്‍ സ്ഥിതി ചെയ്യുന്ന റെക്ക് ബീച്ച് അറിയപ്പെടുന്നത്.
വസ്ത്രം ധരിച്ചോ ധരിക്കാതെയോ കടലില്‍ ഇറങ്ങാനുള്ള ഒപ്ഷന്‍ സന്ദര്‍ശകര്‍ക്ക് നല്‍കിയ അമേരിക്കയിലെ ആദ്യത്തെ ബീച്ച് കൂടിയാണിത്. കാനഡയിലെ ഏഴ് അത്ഭുതങ്ങളുടെ പട്ടികയിലും ഈ ബീച്ച് ഇടംപിടിച്ചിട്ടുണ്ട് എന്നതും വിചിത്രമായ സംഭവമാണ്. മദ്യവും മറ്റുമൊക്കെ കച്ചവടം ചെയ്യുന്നവരെയും ചിലപ്പോള്‍ അര്‍ദ്ധനഗ്നരായോ പൂര്‍ണ നഗ്നരായോ കണ്ടേക്കാം.കാലിഫോര്‍ണിയയിലുള്ളവര്‍ എല്ലാം മറന്ന് അര്‍മാതിക്കാന്‍ എത്തിച്ചേരാറുള്ള ബീച്ചാണ് സാന്‍ ഡീഗോയിലുള്ള ബ്ലാക്‌സ് ബീച്ച്.
സണ്‍ ബാത്തും കടലിലെ കുളിയുമൊക്കെയായി സമയം കടന്നു പോകും. ഏതു സമയം ഈ ബീച്ച് സന്ദര്‍ശിച്ചാലും ഒരു വേനല്‍ക്കാലത്താണ് നിങ്ങള്‍ എത്തിച്ചേര്‍ന്നതെന്ന് തോന്നിപ്പിക്കും. കാലിഫോര്‍ണിയയില്‍ നിന്നുള്ളവര്‍ക്കു പുറമെ ദൂരസ്ഥലങ്ങളില്‍ നിന്നുപോലും നിരവധിപേര്‍ വന്നു പോകുന്ന ബീച്ച് കൂടിയാണിത്.
മിയാമിയില്‍ നഗ്നരായി നടക്കാന്‍ ആഗ്രഹമുണ്ടെങ്കില്‍ ഹൗളോവര്‍ ബീച്ചിലേക്ക് വിടാം. ഗവണ്‍മെന്റ് അംഗീകരിച്ചിട്ടുള്ള ന്യൂഡ് ബീച്ചാണിത്. ലോകത്തിന്റെ വിവിധ ഭാഗങ്ങളില്‍ നിന്ന് ഇവിടേക്ക് ആള്‍ക്കാര്‍ അവധിക്കാലം അടിച്ചുപൊളിക്കാന്‍ എത്താറുണ്ട്.
ഒരു ദിവസം ഈ ബീച്ചില്‍ 7000ത്തോളം പേര്‍ സന്ദര്‍ശനം നടത്താറുണ്ടെന്നാണ് കണക്കുകള്‍ സൂചിപ്പിക്കുന്നത്. ഒറ്റയ്ക്ക് പോയിരിക്കാന്‍ പറ്റിയ സ്ഥലമാണിതെന്ന് ഒരിക്കലും തെറ്റിദ്ധരിക്കരുത്. എല്ലാം മറന്ന് അടിച്ചുപൊളിക്കാനാണ് ഈ ബീച്ച് തേടി ആള്‍ക്കാര്‍ എത്താറുള്ളത്.
click and follow Indiaherald WhatsApp channel