అది ఎన్టీఆర్ స్టామినా అంటే..!
యంగ్ టైగర్ ఎన్టీఆర్ కసితో చేస్తున్న సినిమా జనతా గ్యారేజ్.. బ్యాక్ టు బ్యాక్ హిట్స్ తో రైటర్ కం డైరక్టర్ గా జోరుమీదున్న కొరటాల శివ దర్శకత్వంలో ఎన్టీఆర్ నటిస్తున్న సినిమా జనతా గ్యారేజ్. సినిమా మొదలైన నాటినుండి భారీ అంచనాలతో ఏర్పరచిన ఈ సినిమా నుండి రిలీజ్ అయిన టీజర్ సరికొత్త టాలీవుడ్ రికార్డులను సృష్టించింది.
కేవలం టీజర్ రిలీజ్ అయిన 6 గంటల్లోనే 1 మిలియన్ వ్యూయర్ కౌంట్ వచ్చిందంటే జూనియర్ ఎంత ఫైర్ మీదున్నాడో అర్ధం చేసుకోవచ్చు. తమ అభిమాన నటుడికి బ్లాక్ బస్టర్ హిట్ ఇవ్వాలనే ఆలోచనతో ఎన్టీఆర్ ఫ్యాన్స్ కూడా మంచి ఉత్సాహంలో ఉన్నారు. ఇక టీజర్ నిన్న సాయంత్రం 6 గంటలకు రిలీజ్ అయితే అతి తక్కువ టైంలో మిలియన్ మార్క్ టచ్ చేసి సరికొత్త రికార్డుల పరంపర కొనసాగిస్తున్నడు తారక్.
కొరటాల మాట.. ఎన్టీఆర్ వేట ఇలా రెండు కలిసి ఓ బలహీనుణ్ని బలవంతుడిని చేయబోతున్నాయన్న మాట. జనతా గ్యారేజ్ లో తారక్ లుక్ కూడా ఎంతో ఫ్రెష్ గా ఉంది. తనలోని ఫైర్ ను మరింత కసిగా చూపించిన తారక్ చూస్తుంటే ఈ సినిమా తెలుగు సినిమా బాక్సాఫీస్ షేక్ చేస్తుందనే అనిపిస్తుంది. నాన్నకు ప్రేమతోతో జస్ట్ 50 కోట్లు టచ్ చేసిన జూనియర్ ఈ గ్యారేజ్ తో అంతకు డబుల్ అంటే 100 కోట్లు కొల్లగొట్టినా ఆశ్చర్యపోవాల్సిన పనిలేదు.
మైత్రి మూవీ మేకర్స్ నిర్మిస్తున్న ఈ సినిమాకు దేవి శ్రీ ప్రసాద్ మ్యూజిక్ అందిస్తున్నాడు. సమంత, నిత్యా మీన హీరోయిన్స్ గా నటిస్తున్న జనతా గ్యారేజ్ లో మలయాళ సూపర్ స్టార్ మోహన్ లాల్ ప్రత్యేక పాత్ర చేస్తున్నారు. ఇక ఇక్కడే కాదు జనతా గ్యారేజ్ టీజర్ మలయాళంలో కూడా రికార్డులను సృష్టిస్తుంది.