'ஜெயம்' திரைப்படத்தில் நடித்து தமிழ்சினிமாவிற்கு அறிமுகமான ஜெயம் ரவி தற்போது முன்னணி நடிகர்களுள் ஒருவராக வலம் வருகிறார். இவர் நடிப்பில் தற்போது 'போகன்', 'டிக் டிக் டிக்', 'குமரி காண்டம்' மற்றும் பெயரிடப்படாத சில படங்கள் உருவாகி வருகின்றன.
தமிழ்சினிமாவில் இவர் நடிகராக அறிமுகமாகுவதற்கு முன்பு, இயக்குனர் சுரேஷ் கிருஷ்ணாவிடம் உதவியாளராக பணிபுரிந்தார். உலகநாயகன் கமல் ஹாசன் நடித்த 'ஆளவந்தான்' திரைப்படத்தில், ஜெயம் ரவி உதவி இயக்குனராக பணியாற்றியுள்ளார் என்பது குறிப்பிடத்தக்கது.
இதையடுத்து ஜெயம் ரவி இன்று தனது பிறந்தநாளை மகிழ்ச்சியாக கொண்டாடி வருகிறார். இவருக்கு திரைத்துறை நண்பர்கள், ரசிகர்கள், குடும்பத்தினர் உள்ளிட்ட அனைவரும் வாழ்த்துக்கள் தெரிவித்து வருகின்றனர். இவரது டிவிட்டர் கணக்கில், ரசிகர்களின் வாழ்த்துக்கள் தற்போது குவிந்து வருகின்றன.
மேலும் இன்று பிறந்தநாள் காணும் ஜெயம்ரவி, நீண்ட ஆயுளுடன் மகிழ்ச்சியாக வாழ, தமிழ் ஹெரால்டு சார்பில் பிறந்தநாள் வாழ்த்துக்கள்.
click and follow Indiaherald WhatsApp channel