கடந்த சில தினங்களுக்கு முன்பு, விக்ரம் நடித்த 'இருமுகன்' திரைப்படம் வெளிவந்தது. இந்த படம் தற்போது உலகம் முழுவதும் வெற்றி அடைந்து, நல்ல வசூலை பெற்று வருகிறது.
இந்நிலையில் விக்ரம் தற்போது ஒரு புதிய படத்தில் நடிக்க ஒப்பந்தமாகியுள்ளார். அவர் 'இருமுகனை' அடுத்து, ஹரி இயக்கவுள்ள 'சாமி 2' திரைப்படத்தில் நடிப்பார் என முன்பு அறிவிக்கப்பட்டிருந்தது.
ஆனால் இயக்குனர் ஹரி இன்னும் சூர்யா நடிக்கும் 'சிங்கம் 3' திரைப்படத்தை முடிக்காததால், 'சாமி-2' ஒத்திவைக்கப்பட்டுள்ளது. அதனால் விக்ரம் தனது அடுத்த படத்தில் நடிக்க முடிவு எடுத்துள்ளார்.
சசிகுமார் நடித்த 'பிரம்மா' திரைப்படத்தை இயக்கிய சாக்ரடிஸ் இந்த படத்தை இயக்கவுள்ளார். இதில் ஹீரோயினாக காஜல் அகர்வால் நடிக்கவுள்ளார்.
மேலும் இப்படத்தில் நடிக்கவுள்ள நடிகர், நடிகை மற்றும் தொழில்நுட்ப பணியாளர்கள் குறித்த அதிகார பூர்வ தகவல்கள் விரைவில் வெளிவரும் என எதிர்ப்பார்க்கப்படுகிறது.
click and follow Indiaherald WhatsApp channel