ஜிவி பிரகாஷ் நடிப்பில் தற்போது 'கடவுள் இருக்கான் குமாரு', 'ப்ரூஸ்லீ' ஆகிய இருதிரைப்படங்களும் வெளிவர தயாராக உள்ளன. இதையடுத்து அவர் சசி இயக்கத்தில், சித்தார்த் உடன் இணைந்து ஒரு புது படத்திலும், 'அடங்காதே' என்ற படத்திலும், ராஜீவ் மேனன் இயக்கவுள்ள படத்திலும் நடிக்க ஒப்பந்தமாகியுள்ளார்.
இந்நிலையில் அவர் 'லொள்ளு சபா' நிகழ்ச்சியின் இயக்குனர் ராம்பாலா இயக்கவுள்ள புது திரைப்படத்தில் நடிக்க உள்ளார். ராம்பாலா, சமீபத்தில் சந்தானம் நடிப்பில் வெளிவந்த 'தில்லுக்கு துட்டு' திரைப்படத்தை இயக்கியவர் என்பது குறிப்பிடத்தக்கது.
மேலும் இந்த புது படத்தை ஸ்டீவ்ஸ் கார்னர் நிறுவனத்தின் சார்பில் ஸ்டீபன் என்பவர் தயாரிக்கவுள்ளார். இதன் படப்பிடிப்பு வரும் நவம்பர் மாதம் தொடங்கவுள்ளது. இதில் நடிக்கவுள்ள நடிகர், நடிகை மற்றும் தொழில்நுட்ப கலைஞர்கள் குறித்த தகவல்கள் விரைவில் வெளிவரும் என எதிர்ப்பார்க்கப்படுகிறது.
click and follow Indiaherald WhatsApp channel