ಕಲ್ಯಾಣ್ ಜ್ಯುವೆಲರ್ಸ್ ಅಂದ್ರೆ ಯಾರಿಗೆ ತಾನೆ ಗೊತ್ತಿಲ್ಲ ಹೇಳಿ. ಶಿವರಾಜ್ ಕುಮಾರ್ ಅಮಿತಾಬ್ ಬಚ್ಚನ್, ಮೋಹನ್ ಲಾಲ್, ಜಯರಾಂ ಮುಂತಾದವರು ಒಂದೇ ಕಡೆ ಸೇರಿದ್ದಾರೆ. ಈ ಬಗ್ಗೆ ಇನ್ಸ್ಟಾಗ್ರಾಂ ನಲ್ಲಿ ಫೋಟೋ ಶೇರ್ ಮಾಡಿರುವ ಶಿವರಾಜ್ ಕುಮಾರ್ ಕಲ್ಯಾಣ್ ಜ್ಯುವೆಲರ್ಸ್ ಕುಟುಂಬದೊಂದಿಗೆ ಈ ಬಾರಿಯ ದಸರಾ ಹಬ್ಬವನ್ನು ಆಚರಿಸಿಕೊಂಡಿದ್ದಾಗಿ ಬರೆದು ಕೊಂಡಿದ್ದಾರೆ.
ಯಾವುದೇ ಹಬ್ಬ ಬಂತೆಂದರೆ ಸೆಲೆಬ್ರಿಟಿಗಳಿಗೆ ಒಂದು ರೀತಿಯ ರಿಲ್ಯಾಕ್ಸ್ ಇದ್ದಂತೆ. ತಮ್ಮ ಶೂಟಿಂಗ್, ತಿರುಗಾಟವನ್ನೆಲ್ಲ ಬದಿಗೊತ್ತಿ ತಮ್ಮ ಸ್ನೇಹಿತರು, ಕುಟುಂಬದೊಂದಿಗೆ ಕಾಲ ಕಳೆಯುತ್ತಾರೆ. ಆದರೆ, ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಹೊಸ ಕುಟುಂಬದೊಂದಿಗೆ ಈ ಬಾರಿಯ ನವರಾತ್ರಿ ಆಚರಿಸಿದ್ದಾರೆ. ಅರೇ ಇದೇನಪ್ಪಾ ಅಂತ ಆಶ್ಚರ್ಯವಾಯ್ತಾ. ಅದು ಏನಂತ ನಾವು ಹೇಳ್ತೀವಿ ಮುಂದೆ ಓದಿ.
ಈ ವರ್ಷ ತೆರೆಕಂಡ 'ಕವಚ', 'ರುಸ್ತುಂ' ಸಿನಿಮಾಗಳಲ್ಲಿ ನಟಿಸಿದ್ದ ಶಿವರಾಜ್ ಕುಮಾರ್ 'ದ್ರೋಣ', 'ಆಯುಷ್ಮಾನ್ಭವ', 'ಭಜರಂಗಿ 2' ಸಿನಿಮಾಗಳಲ್ಲಿ ನಟಿಸುತ್ತಿರುವುದು ತಿಳಿದೇ ಇದೆ. ಕಲ್ಯಾಣ್ ಜ್ಯುವೆಲರ್ಸ್ಗೆ ಬ್ರಾಂಡ್ ಅಂಬಾಸಿಡರ್ ಆಗಿರುವ ಶಿವರಾಜ್ ಕುಮಾರ್ ಮಲೆಯಾಳಂ, ತಮಿಳು, ತೆಲುಗು, ಹಿಂದಿ ಭಾಷೆಯ ಅಂಬಾಸಿಡರ್ಗಳನ್ನು ಭೇಟಿಯಾಗಿದ್ದಾರೆ. ಕಲ್ಯಾಣ್ ಜ್ಯುವೆಲರ್ಸ್ನ ಅಂಬಾಸಿಡರ್ಗಳಲ್ಲಿ ಒಬ್ಬರಾದ ಬಾಲಿವುಡ್ ಬಿಗ್ಬಿ ಅಮಿತಾಭ್ ಬಚ್ಚನ್ ಅವರನ್ನು ಸಹ ಭೇಟಿಯಾಗಿದ್ದಾರೆ.
ಈ ಬಗ್ಗೆ ಇನ್ಸ್ಟಾಗ್ರಾಂನಲ್ಲಿ ಫೋಟೋ ಹಾಕಿಕೊಂಡಿರುವ ಶಿವರಾಜ್ ಕುಮಾರ್, 'ಎಲ್ಲರಿಗೂ ನವರಾತ್ರಿ ಹಬ್ಬದ ಶುಭಾಶಯಗಳು. ನವರಾತ್ರಿ ಸಂಭ್ರಮವನ್ನು ನನ್ನ ಕಲ್ಯಾಣ್ ಕುಟುಂಬದೊಂದಿಗೆ ಆಚರಿಸಿಕೊಳ್ಳುತ್ತಿದ್ದೇನೆ' ಎಂದು ಅಮಿತಾಭ್ ಬಚ್ಚನ್ ಜೊತೆಗಿನ ಫೋಟೋ ಹಂಚಿಕೊಂಡಿದ್ದಾರೆ. ಈ ವೇಳೆ ಕಲ್ಯಾಣ್ ಜ್ಯುವೆಲರ್ಸ್ ಜಾಹೀರಾತಿನಲ್ಲಿ ಕಾಣಿಸಿಕೊಳ್ಳುವ ನಟರಾದ ಮೋಹನ್ ಲಾಲ್, ಜಯರಾಂ, ಅಖಿಲ್ ನಾಗಾರ್ಜುನ ಮುಂತಾದವರು ಒಂದೇ ಕಡೆ ಸೇರಿದ್ದಾರೆ. ಬಚ್ಚನ್ ಕುಟುಂಬದ ಜೊತೆ ಆಪ್ತ ಸಂಬಂಧ ಹೊಂದಿರುವ ರಾಜ್ಕುಮಾರ್ ಕುಟುಂಬದ ಸ್ನೇಹ ಪರತೆಗೆ ಟ್ವಿಟ್ಟರ್ನಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ. ಇನ್ಸ್ ಟಾ ಗ್ರಾಂ ನಲ್ಲಿ ಸಾವಿರಗಟ್ಟಲೆ ಲೈಕ್ಸ್ ಸಿಕ್ಕಾಪಟ್ಟೆ ಕಾಮೆಂಟ್ ಗಳು ಸಹ ಹರಿದು ಬಂದಿವೆ.
click and follow Indiaherald WhatsApp channel