మరో కొత్త ట్రెండ్ కు శ్రీకారం చుట్టిన అల్లు అర్జున్.. అల వైకుంఠపురములో..!
స్టైలిష్ స్టార్ అల్లు అర్జున్ మాటల మాంత్రికుడు త్రివిక్రం కాంబినేషన్ లో వస్తున్న క్రేజీ మూవీ అల వైకుంఠపురములో. పూజా హెగ్దె హీరోయిన్ గా నటిస్తున్న ఈ సినిమాలో సుశాంత్, నివేదా పేతురాజ్, నవదీప్ వంటి స్టార్స్ కూడా నటిస్తున్నారు. ఈ సినిమాకు థమన్ మ్యూజిక్ అందిస్తున్నాడు. 2020 సంక్రాంతికి ఈ మూవీ రిలీజ్ అవుతున్న విషయం తెలిసిందే.
ఈ సినిమా మ్యూజిక్ ఆలం కు స్పెషల్ క్రేజ్ వచ్చిందని చెప్పొచ్చు. సినిమాలోని ఒక్కో సాంగ్ ను రిలీజ్ చేస్తున్న చిత్రయూనిట్ కొత్త ట్రెండ్ కూడా ఫాలో అవుతుంది. ఇన్నాళ్లు స్టార్ సినిమా పాట రిలీజైతే సినిమాలోని ఆ సాంగ్ సీన్స్ తో పాటుగా మేకింగ్ మాత్రమే చూపించే వారు కాని అల వైకుంఠపురములో టీం మాత్రం తన టీం తో తమన్ లైవ్ ఇస్తున్నట్టుగా ఉంది.
సినిమాలో ఎలాగు వీళ్లు కనబడరు కాని సాంగ్ రిలీజ్ టైంలో ఈ సాంగ్ పాడింది ఎవరన్నది ఆడియెన్స్ కు తెలిసేలా చేసిన ఈ కొత్త ప్రయత్నం అందరిని మెప్పిస్తుంది. ఈ సినిమా నుండి ఈ కొత్త ట్రెండ్ మొదలైంది. ఇక మీదట ఇలానే అందరు సినిమాలో సాంగ్ రిలీజ్ టైం లో పాడిన వారితో లైవ్ రికార్డింగ్ ఇప్పిస్తే బెటర్.
ఏదైనా స్టైలిష్ స్టార్ కదా ఎప్పుడూ కొత్తగా చేయాలని అనుకుంటాడు. నా పేరు సూర్య తర్వత అల్లు అర్జున్ చేస్తున్న ఈ సినిమాపై భారీ అంచనాలు ఉన్నాయి. హారిక హాసిని క్రియేషన్స్ తో పాటుగా గీతా ఆర్ట్స్ కలిసి నిర్మిస్తున్న ఈ మూవీతో ఎలాగైనా సూపర్ హిట్ కొట్టాలని చూస్తున్నాడు అల్లు అర్జున్. రిలీజైన రెండు సాంగ్స్ సూపర్ హిట్ అవగా సినిమా కూడా పక్కా హిట్ అనేస్తున్నారు మెగా ఫ్యాన్స్.