ایم اے سلام
ایشمان کھرانہ کی فلم ڈریم گرل کمائی کے معاملہ میں سوپر ہٹ رہی ہے۔ فلم کی کہانی اور ایشمان کی ایکٹنگ دونوں کو شائقین نے خوب پسند کیا ہے ڈریم گرل کی کامیابی کے بعد ایشمان کے اس فلموں کے آفر بھی بھرمار ہے۔ اب ایشمان فلم ”بالا“ میں نظر آنے والے ہیں۔ اپنے بزی شیڈول سے ہٹ کر ایشمان لمبا بریک لینے کی تیاری کررہے ہیں۔ ایشمان کی فلم ”بالا“ نومبر میں ریلیز ہوگی اس دوران ایشمان کھرانہ نے نومبر میں لمبا بریک لینے کا فیصلہ کیا۔ ایشمان اب اپنی پتنی اور دو بچوں کے ساتھ وقت گذارنا چاہتے ہیں۔ ایشمان نے بتایا مجھے نہیں پتہ بریک کتنا لمبا ہوگا یہ دو تین مہینے یا اس سے بھی لمبا ہوسکتا ہے۔ پچھلے سال یا زیادہ تر سال میں نے شوٹنگ کرتے ہوئے گذارے لیکن اب میں اس کا خیال رکھو نگا۔ میں نومبر سے اپنے افراد خاندان کے ساتھ وقت گذاروں گا۔
اب جب ایشمان نے بریک پر جانے کا فیصلہ کرہی لیا ہے تو انہیں بریک پر جانے سے پہلے سبھی لمبے پراجکٹس کو پورا کرنا ہوگا۔ ”بالا“ 22 نومبر کو ریلیز ہو رہی ہے اور ”شبھ منگل زیادہ سودھان“ مارچ 2020 میں ریلیز ہوگی۔ ایشمان نے کہا کہ میں نے بالا کے بعد کوئی فلم سائن نہیں کی ہے 15 نومبر کے بعد میں اپنے خاندان کے ساتھ وقت گذارونگا مجھے لگتا ہے کہ میرے بچے بڑے ہو رہے ہیں اور مجھے بیوی کے ساتھ وقت گذارنا چاہئے میں وقت وقت پر کام کرنے کے لئے ایک نظام بنا رہا ہوں۔
لگاتار ہٹ دے رہے ایشمان کھرانہ کی حالیہ ریلیز فلم ڈریم گرل نے تو کامیابی کے ریکارڈس قائم کرلئے ہیں ایک سنگر اور ساتھے ساتھ ٹی وی شوز کی میزبانی کرنے والے ایشمان کھرانہ فلموں میں داخلہ لینے والی نئی نسل کے لئے بھی ایک مثال بنکر ابھرے ہیں ان کی فلمیں نہ صرف لگاتار کامیابی حاصل کر دینی ہے بلکہ ان کو ایوارڈز بھی دلا رہی ہے انہوں نے اپنے مختصر سے کیریئر میں ابھی تک تین فلم فیر اور ایک نیشنل ایوارڈ حاصل کرلیا ہے۔ سال 2008 میں طاہرہ کیشپ سے شادی کے بعد وہ فلموں میں آئے فی الحال ان کی فلم بالا ریلیز کے لئے تیار ہے اور شبھ، منگل زیادہ سودھان اور گلابو سیتابو حال ہی میں مکمل ہوئی ہیں چندی گڑھ سے تعلق رکھنے والے ایشمان کو آج بالی ووڈ کا مصروف اور کامیاب اداکار کہا جاسکتا ہے۔
click and follow Indiaherald WhatsApp channel