ಸ್ಯಾಂಡಲ್ ವುಡ್ ನಲ್ಲಿ ಬಹುದಿನಗಳ ನಂತರ ಭರ್ಜರಿ ಡಬ್ಬಲ್ ಮೀನಿಂಗ್ ಡೈಲಾಗ್ಸ್ ನೊಂದಿಗೆ ತೆರೆಗೆ ಅಪ್ಪಳಿಸು ತ್ತಿರುವ ಚಿತ್ರವೇ ಬ್ರಹ್ಮಚಾರಿ. ಹೌದು, ಇದೀಗ ತಾನೆ ಟ್ರೈಲರ್ ಬಿಡುಗಡೆಯಾಗಿ ಭರ್ಜರಿ ಸದ್ದು ಮಾಡುತ್ತಿದೆ. 'ಬ್ರಹ್ಮಚಾರಿ' ಟ್ರೈಲರ್ನಲ್ಲಿರುವ ಪಂಚಿಂಗ್ ಡಬಲ್ ಮೀನಿಂಗ್ ಡೈಲಾಗ್ಗಳು ಪ್ರೇಕ್ಷಕರಗಿಗೆ ಇಷ್ಟವಾಗಿದೆ. ಸಿನಿಮಾದಲ್ಲಿ ಮತ್ತಷ್ಟು ಮಸಾಲೆ ಭರಿತವಾಗಿರಲಿದೆ ಎನ್ನುವ ನಿರೀಕ್ಷೆ ಪ್ರೇಕ್ಷಕಯಿದೆ.
‘ಅಯೋಗ್ಯ’ ಹಾಗೂ ‘ಚಂಬಲ್’ ಯಶಸ್ಸಿನ ನಂತರ ನೀನಾಸಂ ಸತೀಶ್ ‘ಬ್ರಹ್ಮಚಾರಿ’ಯಾಗಿದ್ದು ಸಖತ್ ಸುದ್ದಿಯಾಗಿತ್ತು. ಪೋಸ್ಟರ್, ಟೀಸರ್ ಮೂಲಕ ಗಮನಸೆಳೆದಿದ್ದ ಈ ಚಿತ್ರದ ಟ್ರೈಲರ್ ನ.4ರಂದು ರಿಲೀಸ್ ಆಗಿತ್ತು. ಚಿತ್ರದ ಟ್ರೈಲರ್ಗೆ ಜನ ಮೆಚ್ಚುಗೆ ವ್ಯಕ್ತವಾಗಿದ್ದು, 1 ಮಿಲಿಯನ್ ವೀಕ್ಷಣೆಯತ್ತ ‘ಬ್ರಹ್ಮಚಾರಿ’ ದಾಪುಗಾಲು ಹಾಕುತ್ತಿದ್ದು, ಚಿತ್ರತಂಡ ಫುಲ್ ಖುಷ್ ಆಗಿದೆ. ‘ಹಾಗೇ ಇರ್ತೀನಿ, ಹಾಗೇ ಬದಕ್ತೀನಿ, ಹಾಗೇ ಬಾಳ್ತೀನಿ, ಇದು ಸತ್ಯ’ ಎನ್ನುವುದರಿಂದ ಟ್ರೈಲರ್ ಆರಂಭಗೊಳ್ಳುತ್ತದೆ. ಗೃಹಸ್ಥನಾಗಿ ನೀನಾಸಂ ಸತೀಶ್ ಕಾಣಿಸಿಕೊಂಡಿದ್ದಾರೆ. ಅದಿತಿ ಪ್ರಭುದೇವ ಸಿನಿಮಾದ ನಾಯಕಿ. ಈ ಚಿತ್ರದಲ್ಲಿ ಸತೀಶ್ಗೆ ಮದುವೆಯೇನೋ ಆಗಿರುತ್ತದೆ. ಆದರೆ, ಮದುವೆ ನಂತರವೂ ಅವರು ಬ್ರಹ್ಮಚಾರಿ ರೀತಿ ಬದುಕಬೇಕಾದ ಪರಿಸ್ಥಿತಿ ಬಂದೊದಗುತ್ತದೆ ಎನ್ನುವುದನ್ನು ಟ್ರೈಲರ್ನಲ್ಲಿ ಹಾಸ್ಯಮಯವಾಗಿ ಹೊಟ್ಟೆ ನೋವು ಬರುವಷ್ಟು ನಗಿಸುತ್ತದೆ.
ಸತೀಶ್ ನೀನಾಸಂ ಅವರು ಈ ಮೊದಲಿನಿಂದಲೂ ಕಾಮಿಡಿ ಯಲ್ಲಿ ಬಹು ಖ್ಯಾತಿ ಪಡೆದವರು. ಇದೀಗ ಮತ್ತೇ ಈ ರೀತಿಯ ಪಂಚಿಂಗ್ ಡೈಲಾಗ್ಸ್ ಗಳಿಂದ ತೆರೆ ಮೇಲೆ ಮೋಡಿ ಮಾಡಲು ರೆಡಿಯಾಗಿದ್ದಾರೆ. ಚಿತ್ರವೂ ಕಲರ್ ಫುಲ್ ಆಗಿ ಸೆಟ್ಟೇರಿದೆ ಎಂಬುದು ಟೀಸರ್ ಮೂಲಕವೇ ತಿಳಿದು ಬರುತ್ತಿದೆ. ಈ ಎಲ್ಲ ಕಾರಣಕ್ಕೆ ‘ಬ್ರಹ್ಮಚಾರಿ’ ಟ್ರೈಲರ್ ನಿರೀಕ್ಷೆ ಹೆಚ್ಚಿಸಿದೆ. ಸಿನಿಮಾದಲ್ಲಿ ದತ್ತಣ್ಣ, ಶಿವರಾಜ್ ಕೆಆರ್ ಪೇಟೆ, ಅಚ್ಯುತ್ ಕುಮಾರ್ ಮೊದಲಾದವರು ನಟಿಸಿದ್ದು, ಸಿನಿಮಾದ ತೂಕ ಹೆಚ್ಚಿಸಿದ್ದಾರೆ. ಚಂದ್ರ ಮೋಹನ್ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಧರ್ಮಾ ವಿಶ್ ಸಿನಿಮಾಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಇದೀಗ ಬ್ರಹ್ಯಚಾರ್ಯಕ್ಕಾಗಿ ಸಿನಿ ರಸಿಕರು ಸಾವಿರ ಕಣ್ಣುಗಳಿಂದ ಎದುರು ನೋಡುತ್ತಿದ್ದಾರೆ.
click and follow Indiaherald WhatsApp channel