ایم اے سلام
فلم انشا اللہ کے بعد سلمان خان نے ایک اور فلم سے اپنے ہاتھ کھینچ لئے ہے اور یہ انیس بزمی اور بونی کپور کی 14 سال پہلے آئی ”نوانٹری“ کی سیکویل ہے۔ کچھ وقت پہلے اس فلم سے سلمان خان کے چڑنے کی خبر بھی آئی تھی، لیکن جب بونی کپور کے بھائی اور اس کے مین لیڈ ایکٹر انیل کپور سے فلم کو لیکر پوچھا تو انہوں نے صاف لفظوں میں کہہ دیا کہ سلمان اس پراجکٹ کو نہیں کررہے ہیں۔
انیل کپور نے کہا ہم لوگ فی الحال مرکزی کردار یعنی پریم کے لئے دوسرے اداکار کی تلاش میں ہے۔ یہ بات تو صاف ہے کہ سلمان اس فلم میں کوئی رول نہیں کررہے ہیں۔ باقی کرداروں کے لئے بھی کاٹنگ اور پریم کے کردار کے انتخاب کے بعد کی جائے گی۔ کہانی کے مطابق چونکہ اس فلم کے پہلے حصہ کو شائقین کے ایک بڑے گروپ نے پسند کیا تھا تو اس کے سیکویل کی کہانی بھی بتاتے چلیں۔
نوانٹری کے پارٹ 2 کا نام نوانٹری میں انٹری ہے۔ اس کا پلاٹ یقینا پچھلے والے سے بڑا ہے۔ پہلے والی فلم میں تین لڑکیاں اور تین لڑکے تھے۔ اس بار اس میں 10 ہیروئین اور 4 ہیرو ہوں گے۔ یہ پتی پتنی کے کھٹے میٹھے رشتوں کی کہانی ہے۔ کہانی یہ ہوگی کہ شو ہر کتے کی دم ہے اسے سدھرنا نہیں ہے۔ پتنیوں نے ٹھان رکھا ہے کہ یہ اپنے شوہروں کو سدھار کر ہی رہیں گی۔
click and follow Indiaherald WhatsApp channel