ایم اے سلام
ہاوز فلم سیریز کا چوتھا حصہ سب سے زیادہ کامیاب ثابت ہوا۔ فلم کو بھلے ہی تنقیدوں کا نشانہ بنایا گیا ہو لیکن فلم کو برابر شائقین ملتے رہے اور اب اس کا کلکشن 200 کروڑ سے زیادہ کے ہندسہ کو پار کر گیا ہے۔ فلم کی کامیابی نے پروڈیوسر ساجد نڈیاڈ والا کو بیحد خوش کردیا ہے اور انہوں نے ہاوز فلم سیریز کے پانچویں حصہ کی تیاریاں بھی شروع کردی ہیں۔ ذرائع کا کہنا ہے کہ ساجد نے فرہاد سمجھی سے پانچویں حصہ کی کہانی اور اسکرپٹ لکھنے کو کہا ہے۔ ساجد چاہتے ہیں کہ جلد سے جلد فلم کا پانچواں حصہ شروع ہو ہاوز فلم 5 سال 2021 کے آخر یا 2022 کی شروعات میں ریلیز ہو ہاوز فلم 5 کے اداکار کون ہوں گے۔ یہ تو طے نہیں ہے لیکن یہ بات طے ہے کہ اس میں اکشے کمار ضرور ہوں گے۔
آخر اکشے کے بنا ہاوز فلم سیریز کا خیال بھی نہیں لایا جاسکتا۔ اکشے کمار کو ہاوز فل 5 کی کاسٹ سے اس لئے بھی الگ نہیں کیا جاسکتا کیوں کہ اس سیریز کی پچھلی فلم ہاوز فلم 4 نے سوکروڑ کلب میں انٹری لیکر اپنے ہندسے کو اور بھی آگے بڑھا لیا ہے لیکن ہاوز فل 5 کی شروعات کب ہوں گی یہ کہا نہیں جاسکتا کیونکہ اکشے کمار کے پاس فی الحال چار بڑی فلمیں موجود ہیں جن میں وہ لکشمی بم، بچن پانڈے اور پرتھوی راج کو جلد سے جلد مکمل کرنا چاہتے ہیں۔
ایسے میں اتنا کہنا غلط نہ ہوگا کہ اکشے کمار کے ساتھ ہاوز فل 5 شروع ہوتی ہے تو اکشے اس فلم کی شوٹنگ کے لئے سال 2020 کے وسط یا پھر اواخر میں تاریخیں دے سکتے ہیں۔ اب یہ اندازہ لگانا مشکل نہیں کہ ان کی یہ فلم نئے سال کے بعد ہی ریلیز ہو پائے گی۔
click and follow Indiaherald WhatsApp channel