ایم اے سلام
جان ابراہام ایک بار پھر ایکشن تھرلر فلم کے ساتھ سنیما گھروں میں دستک دینے کے لئے تیار ہے۔ اس بار جان ایکشن کے روپ میں فلم ”اٹیک“ میں دکھائی دیں گے۔ اب اس فلم کی ریلیز تاریخ کا اعلان بھی ہوچکا ہے۔ یہ فلم 14 اگست 2020 کے دن سنیما گھروں میں ریلیز کی جائے گی۔ اس فلم کو پن اسٹوڈےوز اجئے کپور اور جان ابراہام کی ہوم پروڈکشن جئے انٹرٹینمنٹ نے پروڈیوس کیا ہے۔ فلم کے بارے میں بات کرتے ہوئے جان نے کہا اٹیک ایک دلچسپ تھر لر فلم ہے جس کی اسٹوری لائن اورزونر مجھے پسند آیا۔ یہ فلم آزادی کے موقع پر ریلیز ہوگی جس سے لوگوں میں اس کی دلچسپی اور بڑھ جائے گی۔
جئے انٹرٹیمنٹ کے ذریعہ ہماری کوشش ہے کہ ہم تفریح کے ساتھ ہی لوگوں کے لئے اہم موضوعات کو بھی اٹھائیں۔ اس فلم کو نئے ڈائرکٹر لکشے راج آنند نے ڈائرکٹ کیا اور لکھا ہے۔ فلم کی کہانی سچے واقعات پر مبنی ہے۔ فلم ایک ایسے واقعہ پر مبنی ہے جس میں دہشت گردوں کی جانب سے بنائے گئے منصوبہ پر ملک لاچار ہوگیا تھا۔ فلم میں جان ابراہام کے علاوہ جیکلین فرنانڈیز اور راکل پریت سنگھ اہم کرداروں میں دکھائی دیں گے۔
واضح ہو کہ جان ابراہام گینگسٹر فلموں میں مرکزی کردار کے لئے پسندیدہ اداکار ہے اس سے قبل جان نے شوٹ اوٹ ایٹ وڈالا کی تھی۔ ان کے ساتھ اب سنجے گپتا ممبئی ساگا نام سے فلم بنا رہے ہیں جس کا موضوع بھی گینگسٹر ہے جان کی یہ فلم بامبے سے ممبئی تک کے سفر کی کہانی ہوگی جس مےں جان ابراہام پھر ایک بار دھانسو رول میں دیکھے جائیں گے جان ابراہام کی فلم ”ایٹک“ کے بارے میں خبر ہے کہ وہ اب تکمیل کے مراحل میں قدم رکھنے جارہی ہے جو سمجھا جاتا ہے کہ نئے سال کے وسط میں مکمل کرلی جائیگی۔ اس طرح ایٹک میں جان ابراہام اور جیکلین فرنانڈیز کی جوڑی کو پہلی بارسور اسکرین پر دیکھا جائے گا۔
click and follow Indiaherald WhatsApp channel