సంక్రాంతికి రిలీజ్ అవుతున్న సినిమాల్లో మహేష్ సరిలేరు నీకెవ్వరు. అల్లు అర్జున్ అల వైకుంఠపురములో సినిమాలు పోటాపోటీగా వస్తున్నాయి. జనవరి 11న మహేష్, 12న అల్లు అర్జున్ వరుసగా రెండు రోజులు సందడి చేయనున్నారు. ఇక ఈ సినిమాలతో పోటీగా నందమూరి హీరో కళ్యాణ్ రాం కూడా వస్తున్నాడు. సతీష్ వేగేశ్న డైరక్షన్ లో ఎంత మంచివాడవురా సినిమాతో వస్తున్నాడు కళ్యాణ్ రాం.
శతమానం భవతి సినిమాతో సూపర్ హిట్ అందుకుని శ్రీనివాస కళ్యాణంతో అంచనాలు అందుకోలేని సతీష్ వేగేశ్న మరోసారి తన మ్యాజిక్ క్రియేట్ చేయాలని చూస్తున్నారు. సాఫ్ట్ టైటిల్ తో అంతే సాఫ్ట్ కథ కథనాలతో రాబోతున్నారు. అయితే రెండు పెద్ద సినిమాల మధ్య వస్తున్న ఈ సినిమాతో కళ్యాణ్ రాం రిస్క్ చేస్తున్నాడని చెప్పొచ్చు.
మహేష్ సరిలేరు నీకెవ్వరు సినిమా ప్రీ రిలీజ్ ఈవెంట్ కు మెగాస్టార్ చిరంజీవి గెస్ట్ గా వస్తున్న విషయం తెలిసిందే. ఇక అల్లు అర్జున్ అల వైకుంఠపురములో సినిమా ప్రీ రిలీజ్ ఈవెంట్ కు పవర్ స్టార్ పవన్ కళ్యాణ్ గెస్ట్ గా వస్తున్నారు. ఇద్దరు మెగా హీరోలు సంక్రాంతికి వస్తున్న రెండు సినిమాలను ప్రమోట్ చేస్తూ నందమూరి హీరో సినిమాను రిస్క్ లో పడేస్తున్నారు. అందుకే కళ్యాణ్ రాం కూడా తారక్ తో తన సినిమాకు గ్రాండ్ ఈవెంట్ ప్లాన్ చేస్తున్నారట.
ప్రమోషన్స్ లో మహేష్, బన్నిలకు ఏమాత్రం పోటీ ఇవ్వట్లేదు కళ్యాణ్ రాం. ఇక ఈ సినిమాలతో పాటుగా సూపర్ స్టార్ రజినికాంత్ దర్బార్ సినిమా కూడా రిలీజ్ అవుతుంది. మరి ఈ సినిమాల ఫైట్ లో ఎవరు ఎలా ఆడియెన్స్ ను మెప్పిస్తారో చూడాలి. సంక్రాంతి అంటే పందెం కోళ్లు జరుగుతాయి.. ఈసారి పందెం కోళ్ల పోటీ కన్నా వెండితెర మీద సినిమాల ఫైట్ రసవత్తరంగా మారనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి