ایم اے سلام
بالی ووڈ میں اپنی کامیڈی فلموں سے لوگوں کو ہنسانے والے فلم میکر پریہ درشن نے بتایا کہ وہ اور اکشے کمار ایک بار پھر شائقین کو ہنسانے کے لئے ساتھ آرہے ہیں۔ اکشے کمار کو کامیڈی فلموں کا بیحد بھروسہ مندنام بنانے کا اعزاز پریہ درشن کو ہی جاتا ہے۔ پریہ درشن اور اکشے کمار کی جوڑی نے ”ہیرا پھیری“ گرم مسالہ، بھول بھلیاںاور ”دے دھنادھن“ جیسی کامیڈی فلمیں دی ہیں۔ اس فلم پر وہ اگلے سال سے کام شروع کریں گے۔ پریہ درشن نے ہندوستانی انٹرنیشنل فلم فیسٹیول میں بتایا کہ یہ کامیڈی فلم ہوگی فی الحال میں اسے لکھ رہا ہوں اور ہم اگلے سال ستمبر اکتوبر تک اس پر کام شروع کریں گے۔
انہوں نے کہا کہ اچھی بات یہ ہے کہ اکشے زیادہ کامیڈی فلمیں نہیں کررہے ہیں۔ انہوں نے فلم ”ہاوز فل 4“ کی لیکن وہ جیسا چاہتے تھے ویسا نہیں بن پائی۔ ان دنوں پریہ درشن فلم ہنگامہ 2 پر کام کررہے ہیں۔ انہوں نے کہا کہ یہ سال 2003 میں آئی فلم کا سیدھے سیدھے سیکویل نہیں ہے۔ ہنگامہ 2 کے راستے شلپا شیٹی فلموں میں واپسی کررہی ہے۔
بتایا جارہا ہے کہ شلپا شیٹی کی فلم ہنگامہ سے پہلے ان کی فلم نکما ریلیز ہوگی اور یہ فلم شلپا کی دوسری پاری والی پہلی فلم ہوگی۔ شلپا شیٹی سال 2007 میں فلم اپنے کے بعد فلموں سے دور ہوگئی تھیں اور اس فلم کی ریلیز کے 13 سال بعد وہ پھر سے فلموں میں واپسی کرنے جارہی ہیں۔ شلپا شیٹی نے اپنے کیریئر میں کئی ہٹ فلمیں کی ہیں۔ شادی کے بعد وہ فلموں سے دور ہوگئی تھیں لیکن وہ فٹنس پروگرامس کے علاوہ ٹی وی کے ریالٹی شوز میں بطور جج دیکھی جارہی تھیں۔
click and follow Indiaherald WhatsApp channel