ایم اے سلام
بالی ووڈ ایکٹر کارتک آرین کی فلم ”لو آجکل“ کو لیکر کافی خبریں ہیں۔ دراصل فلم کے ڈائرکٹر امتیاز علی نے کارتک کا مقابلہ شاہ رخ خان سے کیا ہے۔ ڈائرکٹر نے کارتک کی محنت اور ہلپنگ نیچر کی جم کر تعریف کی ہے۔ 2009 میں بنی رومانٹک فلم ”لو آجکل“ پر مبنی اس فلم کو امتیاز علی نے اسی نام سے بنایا ہے۔ فلم میں کارتک آرین اور سارا علی خان نے اہم کردار نبھائے ہیں۔ فلم کے پروموشن کے دوران کارتک نے شاہ رخ خان سے مقابلہ پر کہا کہ اور کنگ آف رومانس کے درمیان کوئی مقابلہ نہیں ہے اور نہ ہی وہ وہ ان کے برابر ہیں۔
انہوں نے کہا کہ شاہ رخ کے ساتھ کام کرچکے امتیاز علی کی جانب سے انکا مقابلہ کیا جانا ان کے لئے اعزاز کی بات ہے۔ فلم میں رول دینے کے لئے کارتک نے امتیاز علی کا شکریہ ادا کیا۔ انہوں نے کہا کہ فلم میں وہ رومانس کرنے والے دو کرداروں کو نبھا رہے ہیں۔ غور طلب ہے کہ امتیاز علی نے سال 2009 میں ”لو آجکل“ نام سے ایک رومانٹک فلم بنائی تھی جس میں سیف علی خان اور دیپیکا پڈوکون مرکزی کرداروں میں تھے۔
اس فلم نے اچھا بزنس کیا تھا۔ امتیاز علی کی اس فلم کو بھی عوام کا اچھا رسپانس حاصل ہو رہا ہے۔ اس فلم میں کارتک آرین کی اداکاری کو بھی سراہا جارہا ہے۔ کارتک آرین کوفی الحال بالی ووڈ کے فلمسازوں کا پسندیدہ اداکار کہا جارہا ہے۔ کارتک کو بہت ساری فلمیں مل رہی ہیں۔ بالخصوص فلمساز اکشے کمار کے پاس فلموں کی بہتات کی وجہ اپنی فلموں میں اکشے کی جگہ کارتک کو کاسٹ کررہے ہیں، کارتک نے پچھلے دنوں ہی بھول بھلیاں 2 بھی سائن کی ہے۔
click and follow Indiaherald WhatsApp channel