ಬೆಂಗಳೂರು: ಸ್ಯಾಂಡಲ್ ವುಡ್ ನ ಒಡೆಯ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ರಾಬರ್ಟ್ ಇಷ್ಟು ದಿನ ಬರೀ ಪೋಸ್ಟರ್ಗಳಲ್ಲೇ ಸೌಂಡ್ ಮಾಡ್ತಿದ್ದು, ಫೈನಲಿ ಟೀಸರ್ ರಿವೀಲ್ ಮಾಡಿ ಧೂಳೆಬ್ಬಿಸಿದೆ. ಸ್ವತ: ದರ್ಶನ್ ಇದು ಜಸ್ಟ್ ಸ್ಯಾಂಪಲ್ ಅಷ್ಟೆ ಅಂದು ಬಿಟ್ಟಿದ್ದಾರೆ. ಇದೀಗ ರಾಬರ್ಟ ದಾಖಲೆಯ ವಿವ್ಸ್ ಪಡೆದುಕೊಂಡಿದೆ.
ಕನ್ನಡ ಚಿತ್ರರಂಗದ ಮೋಸ್ಟ್ ಎಕ್ಸ್ ಪೆಕ್ಟೆಡ್ ಹೈವೋಲ್ಟೇಜ್ ಆ್ಯಕ್ಷನ್ ಎಂಟ್ರಟ್ರೈನರ್ ರಾಬರ್ಟ್. ತರುಣ್ ಸುಧೀರ್ ನಿರ್ದೇಶನದ ರಾಬರ್ಟ್ ಚಿತ್ರಕ್ಕೆ ಉಮಾಪತಿ ಶ್ರೀನಿವಾಸ್ ಬಂಡವಾಳ ಹಾಕಿದ್ದಾರೆ. ಡಿ ಬಾಸ್ ದರ್ಶನ್ ಬರ್ತ್ಡೇ ಸ್ಪೆಷಲ್ಲಾಗಿ ಟೀಸರ್ ರಿವೀಲ್ ಆಗಿದ್ದು, ರಾಬರ್ಟ್ ರಾಕಿಂಗ್ ಅವತಾರಕ್ಕೆ ಅಭಿಮಾನಿಗಳು ಥ್ರಿಲ್ಲಾಗಿದ್ದಾರೆ. ಟೀಸರ್ಗೆ ಟ್ರಮಂಡಸ್ ರೆಸ್ಪಾನ್ಸ್ ಸಿಕ್ಕಿದ್ದು, ಯೂಟ್ಯೂಬ್ ನಲ್ಲಿ ಸಖತ್ ಸೌಂಡ್ ಮಾಡ್ತಿದ್ದು ದಾಖಲೆಯ ವಿವ್ಸ್ ಪಡೆದುಕೊಂಡಿದೆ.
ನಾಯಕಿ ಆಶಾ ಭಟ್ ವಾಯ್ಸ್ ಓವರ್ ಹಿನ್ನಲೆಯಲ್ಲಿ ಶುರುವಾಗೋ ಟೀಸರ್, ನಿಧಾನವಾಗಿ ರಾಬರ್ಟ್ ಪ್ರಪಂಚಕ್ಕೆ ನೋಡುಗನನ್ನ ಸೆಳೆಯುತ್ತೆ. ರಾಮ ಮತ್ತು ರಾವಣನಾಗಿ ಎರಡು ವಿಭಿನ್ನ ಶೇಡ್ಗಳಲ್ಲಿ ದರ್ಶನ ಕೊಟ್ಟಿರೋ ರಾಬರ್ಟ್ ದರ್ಶನ್ ಪ್ರೇಕ್ಷಕರ ಮನ ಗೆದ್ದಿದ್ದಾರೆ. ಬೈಕ್ ಏರಿ, ಬಿರುಗಾಳಿಯಂತೆ ತೂರಿ ಬರೋ ರಾಬರ್ಟ್ ಎದುರಾಳಿ ಪಾಲಿಗೆ ಅಕ್ಷರಶಃ ದಶಕಂಠ ರಾವಣನ ಪರಿಚಯ ಮಾಡಿಸ್ತಾನೆ. ದರ್ಶನ್ ಖದರ್ರು, ಆ್ಯಕ್ಷನ್ ಧಮಾಕ, ಡೈಲಾಗ್ ಡೆಲಿವರಿ, ಗಹಗಹಿಸಿ ನಕ್ಕಿರೋ ಪರಿ ಅಭಿಮಾನಿಗಳಿಗೆ ಹುಚ್ಚು ಹಿಡಿಸಿದೆ. ಇನ್ನು ಮೇಕಿಂಗ್, ಕಲರ್ ಕಾಂಬಿನೇಷನ್, ಅರ್ಜುನ್ ಜನ್ಯಾ ಮ್ಯೂಸಿಕ್ ಸಖತ್ ಕಿಕ್ ಕೊಡುವಂತಿದೆ. ಒಂದೇ ಮಾತಲ್ಲಿ ಹೇಳ್ಬೇಕು ಅಂದ್ರೆ, ರಾಬರ್ಟ್ ಟೀಸರ್ ಅದ್ಭುತವಾಗಿದ್ದು ಚಿತ್ರದ ಮೇಲೆ ಅಭಿಮಾನಿಗಳಿಗಿರುವ ನಿರೀಕ್ಷೆ ಮತ್ತಷ್ಟು ಹೆಚ್ಚುವಂತೆ ಮಾಡಿದೆ.
ದರ್ಶನ್ ಸಿನಿಮಾ ಟೀಸರ್, ಟ್ರೈಲರ್, ಮೋಷನ್ ಪೋಸ್ಟರ್ ಯೂಟ್ಯೂಬ್ನಲ್ಲಿ ಯಾವ ರೇಂಜಿಗೆ ಸೌಂಡ್ ಮಾಡುತ್ತೆ ಅಂತ ಗೊತ್ತೇಯಿದೆ. ರಾಬರ್ಟ್ ಟೀಸರ್ ಗೂ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ಕೇವಲ 24 ಗಂಟೆಗಳಲ್ಲಿ ಬರೋಬ್ಬರಿ 1.2 ಮಿಲಿಯನ್ ವೀವ್ಸ್ ಸಾಧಿಸಿತ್ತು. ವೀವ್ಸ್ ಮಾತ್ರವಲ್ಲ ಲಕ್ಷಾಂತರ ಲೈಕ್ಸ್, ಕಾಮೆಂಟ್ಸ್ ಗಿಟ್ಟಿಸಿಕೊಂಡು ಸದ್ದು ಮಾಡ್ತಿದೆ. ಏಪ್ರಿಲ್ ನಲ್ಲಿ ಚಿತ್ರ ಅಬ್ಬರಿಸಲು ಸಿದ್ಧವಾಗಿದೆ.
click and follow Indiaherald WhatsApp channel