ایم اے سلام
بالی ووڈ ایکٹر رنویر سنگھ پچھلے کافی وقت سے ایک کے بعد ایک سوپر ہٹ فلمیں دیتے چلے آرہے ہیں۔ ایسے میں بڑھتے وقت کے ساتھ ان کے سامنے ایک چیلنج لگاتار بنا ہوا ہے اور وہ چیلنج ہر بار سے سے بہتر اسکرپٹس کے انتخاب کی ہے۔ اب تک رنویر نے ہر بار کچھ الگ طرح کا کرنے کی کوشش کی ہے۔ ہم نے اب تک ریتک روشن اور ٹائیگر شراف کے سوپر ہیرو کو کردار میں دیکھا ہے۔ خبر یہ ہے کہ رنویر سنگھ بھی ایک سوپر ہیرو مووی کرنے جارہے تھے، لیکن بعد میں انہوں نے اس سے انکار کردیا۔ بتایا یہ جارہا ہے کہ رنویر کے سوپر ہیرو مووی کرنے میں دلچسپی تو تھی لیکن انہیں یہ اسکرپٹ ہی پسند نہیں آئی جس کی وجہ انہوں نے یہ مووی کرنے سے انکار کردیا۔
ایک رپورٹ میں ذرائع کے حوالے سے لکھا ”رنویر یہ فلم کرنے جارہے تھے لیکن ٹیم اس آئیڈیا کے ساتھ ہی خوش نظر نہیں آئی اس لئے فلم کو آگے نہیں بنایا جاسکا۔ ٹیم چاہتی تھی کہ وہ کچھ تیار کرکے رنویر سنگھ کے سامنے پیش کریں۔ یہ ایک میگا پراجکٹ ہونا تھا اور میکرز اچھے خاصے پیسے لگانے کو تیار تھے، لیکن رنویر کی نہ کے بعد یہ پراجکٹ آگے نہیں جاسکا۔
اس کے علاوہ رنویر سنگھ نے کہا کہ اس وقت اپنے باقی پراجکٹس میں اتنے زیادہ مصروف ہیں کہ وہ کسی سوپر ہیرو فلم کو وقت نہیں دے سکیں گے۔ بتادیں کہ رنویر سنگھ فی الحال اب تک روہت شیٹی کی پولیس اسٹوری سیریز کا حصہ بنے ہوئے ہیں۔ جسے روہت میگا سطح پر پراجکٹ کرنا چاہتے ہیں۔ موجودہ اور پراجکٹس کی بات کریں تو رنویر فلم 83 کے بعد دیونگ ٹھاکر کی فلم جیش بھائی زور دار میں بھی مصروف ہیں۔ رنویر سنگھ کے لئے کبیر خان کے ڈائرکشن میں بن رہی فلم 83 میں سے زیادہ اہمیت کی حامل ہے جس میں رنویر سنگھ ہندوستانی کرکٹ ٹیم کی جانب سے سال 1983 میں جیتی گئی ورلڈ کپ ٹرافی پر مبنی ہے، جس میں رنویر سنگھ کپل دیو کا کردار نبھا رہے ہیں۔ اس فلم میں رنویر کے مقابل دیپیکا پڈوکون، رنویر سنگھ کی پتنی کا کردار نبھا رہی ہیں۔
click and follow Indiaherald WhatsApp channel