ശ്രദ്ധ നേടി വേറിട്ട ഫസ്റ്റ് ലുക്ക് ടീസർ, നവരസയുടെ റിലീസ് തീയ്യതി പുറത്ത് ! വിഖ്യാത സംവിധായകൻ ഭരത് ബാലയുടെ പ്രത്യേക കൺസെപ്റ്റിലൊരുക്കിയിരിക്കുന്ന ഫസ്റ്റ് ലുക്ക് ടീസറാണ് പുറത്ത് വിട്ടിരിക്കുന്നത്. ആന്തോളജി ചിത്രത്തിലെ ഒൻപത് കഥകളിലെയും പ്രധാന താരങ്ങൾ വഹിക്കുന്ന ഇമോഷൻസിലൂടെയാണ് ടീസർ പ്രേക്ഷകരെ കൊണ്ടുപോകുന്നത്. തമിഴ് ആന്തോളജി ചിത്രം നവരസയുടെ ഫസ്റ്റ് ലുക്ക് ടീസർ പുറത്ത് വിട്ടു. ചിത്രത്തിൻ്റെ റിലീസ് തീയ്യതി അടക്കമാണ് ടീസർ പുറത്ത് വിട്ടിരിക്കുന്നത്. ഓഗസ്റ്റ് ആറിന് ചിത്രം നെറ്റ്ഫ്ലിക്സിലെത്തും.ഒമ്പത് രസങ്ങളെ അടിസ്ഥാനമാക്കി ഒമ്പത് കഥകൾ ഒമ്പത് സംവിധായകർ സംവിധാനം ചെയ്യുന്നു എന്നതാണ് നവരസയുടെ പ്രത്യേകത. പ്രിയദർശൻ, ഗൗതം മേനോൻ, അരവിന്ദ് സ്വാമി, ബിജോയ് നമ്പ്യാർ, അരവിന്ദ് സ്വാമി, സർജുൻ, രതിന്ദ്രൻ പ്രസാദ്, കാർത്തിക് സുബ്ബരാജ്, വസന്ത് എന്നീ സംവിധായകരാണ് ചിത്രം ഒരുക്കുന്നത്.
സംവിധായകൻ മണിരത്‌നത്തിന്റെയും ജയേന്ദ്ര പഞ്ചപകേശന്റെയും നിർമാണത്തിൽ ഒരുങ്ങുന്ന ആന്തോളജി ചിത്രമാണ് നവരസ. മണിരത്‌നത്തിൻറെ മദ്രാസ് ടാക്കീസിൻറെയും ജയേന്ദ്ര പഞ്ചപകേശൻറെ ക്യൂബ് സിനിമ ടെക്നോളജീസിൻറെയും ബാനറിൽ നിർമിക്കുന്ന ഈ തമിഴ് ആന്തോളജിയുടെ നിർമാണത്തിൽ ജസ്റ്റ്‌ടിക്കറ്റിന്റെ ബാനറിൽ എ.പി. ഇന്റർനാഷണൽ, വൈഡ് ആംഗിൾ ക്രിയേഷൻസും പങ്കാളികൾ ആണ്. ശൃംഗാരം, കരുണം, വീരം, രൗദ്രം, ഹാസ്യം, ഭയാനകം, ബീഭത്സം, അത്ഭുതം, ശാന്തം എന്നീ നവരസങ്ങളെ അടിസ്ഥാനമാക്കിയാണ് നവരസ ഒരുങ്ങിയിരിക്കുന്നത്ഇതിനായി നവരസയിലെ താരങ്ങളും അണിയറപ്രവർത്തകരും പ്രതിഫലം വാങ്ങാതെ സൗജന്യമായാണ് സിനിമയിൽ പ്രവർത്തിച്ചത്.
തമിഴ് ചലച്ചിത്രമേഖലയെ സഹായിക്കാനും പിന്തുണയ്ക്കാനുമുള്ള ശക്തമായ പ്രേരണയിൽ നിന്നാണ് നവരസ എന്ന ആശയം ജനിച്ചതെന്ന് ചിത്രത്തിനെ കുറിച്ച് മണിരത്നവും ജയന്ദ്ര പഞ്ചപകേശനും പറഞ്ഞു.ചിത്രത്തിന് ലഭിക്കുന്ന വരുമാനം തമിഴ് സിനിമാപ്രവർത്തകരുടെ സംഘടന ഫെപ്‌സി മുഖേന കൊവിഡ് പ്രതിസന്ധിയിൽപെട്ട സിനിമാതൊഴിലാളികൾക്ക് നൽകും. "ഈ മഹാമാരി കാലം ഏറ്റവും കൂടുതൽ ബാധിച്ചത് തങ്ങളുടെ മേഖലയെ ആണെന്ന് മനസ്സിലാക്കി, ഞങ്ങളുടെ സ്വന്തം ആളുകൾക്കായി എന്തെങ്കിലും ചെയ്യാനുള്ള ശക്തമായ ആഗ്രഹം ഞങ്ങൾക്ക് അനുഭവപ്പെട്ടു. തമിഴ് ചലച്ചിത്രമേഖലയെ സഹായിക്കാനും പിന്തുണയ്ക്കാനുമുള്ള ശക്തമായ പ്രേരണയിൽ നിന്നാണ് നവരസ എന്ന ആശയം ജനിച്ചത്.
ഈ ആശയം ഉപയോഗിച്ച് ഞങ്ങൾ സിനിമയിലെ സംവിധായകർ, എഴുത്തുകാർ, അഭിനേതാക്കൾ, സാങ്കേതിക വിദഗ്ധർ എന്നിവരെ സമീപിച്ചു." പ്രണയത്തെ അടിസ്ഥാനമാക്കി 'ഗിത്താർ കമ്പി മേലെ നിന്ദ്രു', സംവിധാനം- ഗൗതം മേനോൻ, അഭിനേതാക്കൾ- സൂര്യ, പ്രയാഗ മാർട്ടിൻ, വീരം പ്രമേയമാക്കി 'തുനിന്ദ പിൻ', സംവിധാനം - സർജുൻ അഭിനേതാക്കൾ - അഥർവ, അഞ്ജലി, കിഷോർ, രൗദ്രത്തെ അടിസ്ഥാനമാക്കി 'രൗതിരം', സംവിധാനം - അരവിന്ദ് സ്വാമി അഭിനേതാക്കൾ - റിത്‌വിക, ശ്രീറാം, രമേശ് തിലക്, കരുണം ആസ്‌പദമാക്കി 'എതിരി' സംവിധാനം - ബിജോയ് നമ്പ്യാർ അഭിനേതാക്കൾ - വിജയ് സേതുപതി, പ്രകാശ് രാജ്, രേവതി, അശോക് സെൽവൻ, ഹാസ്യം പ്രമേയമാക്കി
'സമ്മർ ഓഫ് 92', സംവിധാനം - പ്രിയദർശൻ അഭിനേതാക്കൾ - യോഗി ബാബു, രമ്യ നമ്പീശൻ, നെടുമുടി വേണു. അത്ഭുതത്തെ ആസ്‌പദമാക്കി 'പ്രോജക്റ്റ് അഗ്നി', സംവിധാനം - കാർത്തിക് നരേൻ അഭിനേതാക്കൾ - അരവിന്ദ് സ്വാമി, പ്രസന്ന, പൂർണ, ഭയാനകം അടിസ്ഥാനമാക്കി 'ഇൻമയ്', സംവിധാനം - രതിന്ദ്രൻ പ്രസാദ്, അഭിനേതാക്കൾ - സിദ്ധാർത്ഥ്, പാർവതി തിരുവോത്ത്, ശാന്തം ആസ്‌പദമാക്കി ഒരുക്കുന്ന 'സമാധാനം', സംവിധാനം - കാർത്തിക് സുബ്ബരാജ് അഭിനേതാക്കൾ - ഗൗതം മേനോൻ, സിംഹ, സനന്ത്, ബീഭത്സം പ്രമേയമാക്കി 'പായസം' സംവിധാനം - വസന്ത് അഭിനേതാക്കൾ - ഡൽഹി ഗണേഷ്, രോഹിണി, അദിതി ബാലൻ.
Find out more:
click and follow Indiaherald WhatsApp channel