പ്രിയനും ദിലീഷ് പോത്തനും ജിസ് ജോയിയും ലാലും കെജിഎഫ് സംവിധാനം ചെയ്താൽ എങ്ങനെ ഇരിക്കും? നിരവധി വിമർശനാത്മകഹാസ്യ വീഡിയോകളും മറ്റുമൊരുക്കി സോഷ്യൽമീഡിയയിൽ ഏറെ ശ്രദ്ധിക്കപ്പെട്ട ശ്രീകാന്ത് കെജിഎഫ് എന്ന ഹിറ്റ് കന്നഡ ചിത്രം മലയാളം സംവിധായകർ ഒരുക്കിയാൽ ഏതുരീതിയിലായിരിക്കും എന്നതാണ് നർമ്മം കലർത്തി അവതരിപ്പിച്ചിരിക്കുന്നത്. വൈറൽ 'ചളു' മീമുകളും കോമഡി വീഡിയോകളുമൊക്കെ ഒരുക്കി ചുരുങ്ങിയ കാലം കൊണ്ട് ശ്രദ്ധ നേടിയ ശ്രീകാന്ത് വെട്ടിയാർ ഒരുക്കിയിരിക്കുന്ന പുതിയ വീഡിയോ വൈറലാകുന്നു.പോത്തേട്ടൻസ് ബ്രില്ല്യൻസ് റോക്കി ഭായിയുടെ പ്രതികാരം എന്ന പ്രതികാരം എന്ന ടൈറ്റിലിലെത്തിയാൽ ഗരുഡനെ റോക്കി ഭായിയൊതുക്കി എന്ന പാട്ടും തോക്ക് കൊണ്ട് മുട്ടപൊട്ടിക്കലും തേങ്ങപൊട്ടിക്കലുമൊക്കെയായി ഒരു മോൺസ്റ്ററിൻറെ പൂണ്ടുവിളയാടലാണ് വീഡിയോയിലുള്ളത്.
ദിലീഷ് പോത്തൻ, ജിസ് ജോയ്, പ്രിയദർശൻ, ലാൽ ജോസ് ഇവർ കെജിഎഫ് എങ്ങനെ അവതരിപ്പിക്കുമെന്നതാണ് നർമ്മം ചാലിച്ച് ശ്രീകാന്ത് വീഡിയോയിലൂടെ അവതരിപ്പിച്ചിരിക്കുന്നത്.സത്യത്തിൽ എല്ലാവരും പാവങ്ങളാണെന്നും കൊല്ലാൻ വരുന്നവൻറെ ഉള്ളറിയണം എന്നൊക്കെയുള്ള ചങ്കിൽ കൊള്ളുന്ന ഡയലോഗുകളും സെൻറി പാട്ടുകളുമൊക്കെയായൊരു വേർഷൻ.ജിസ്സേട്ടൻസ് ഫീൽഗുഡ് റോക്കിി സൂപ്പറും ഗരുഡ പൗർ‍ണ്ണമിയും എന്ന പേരിലെത്തി മൊത്തം ഫീൽഗുഡ് വാരിവിതറും. ലാൽ ജോസ് മാജിക് റോക്കി മാധവൻ എന്ന പേരിലെത്തുമ്പോൾ പ്രഭയെ കല്യാണമാലോചിച്ചെത്തുന്ന റോക്കിഭായിയും ശേഷം പ്രഭയും റോക്കിയും ചേർന്നുള്ള രണ്ടുമാസം കൂടെനിന്നാൽ എൽഡൊറാഡോ സ്വന്തമാക്കും എന്ന പാട്ടുമൊക്കെയായി ആഘോഷമാണ് വീഡിയോ.
പ്രിയൻസ് കൺഫ്യൂഷനിൽ റോക്കികുയിലിലെ കൺഫ്യൂഷൻ സീനുകളാണ്. ഗരുഡനെ കൊല്ലാൻ റോക്കി ഭായിയെ ഏൽപ്പിക്കാൻ ജയിലിൽ കഴിയുന്ന ആൻഡ്രൂസ് നേരിടുന്ന പെടാപ്പാടുകളാണ് വീഡിയോയിലുള്ളത്. റോക്കിഭായി എന്നും വെട്ടിയാർ അണ്ണന് രാശിയാണെന്നും ഒരു സിനിമ സംവിധാനം ചെയ്യാൻ ഉള്ള എല്ലാ യോഗ്യതയും ആയി, മിന്നാരത്തീന്നുള്ള കെജിഎഫ് ട്രാൻസ്ഫോർമേഷൻ പൊളിച്ചു, റോക്കി ഭായിയാണ് വെട്ടിയാർ ജീയുടെ സ്ഥിരം വേട്ടമൃഗം തുടങ്ങി നിരവധി കമൻറുകളാണ് വീഡിയോയ്ക്ക് താഴെ വന്നിട്ടുള്ളത്. സ്ക്രിപ്റ്റ്, ക്രിയേറ്റീവ് ഡയറക്ഷ ശ്രീകാന്ത് വെട്ടിയാർ, സംവിധാനം ശിവശങ്കർ ശിവ, ക്യാമറ ഗോകുൽ ജി കൃഷ്ണ, എഡിറ്റ്, ലിറിക്സ്, ബിജിഎം നോയൽ തോമസ് തുടങ്ങിയവരാണ് നിർവ്വഹിച്ചിരിക്കുന്നത്.
അതേസമയം മനുഷ്യനെ ചിരിപ്പിച്ചു കൊല്ലാൻ ശപഥം എടുത്ത മനസാണ് വെട്ടിയാർജിയുടേത്, നമ്മൾക്ക് തടയാൻ ആവില്ലെന്ന് ആരാധകർ അഭിപ്രായപ്പെടുന്നത്. റോക്കിഭായി എന്നും വെട്ടിയാർ അണ്ണന് രാശിയാണെന്നും ഒരു സിനിമ സംവിധാനം ചെയ്യാൻ ഉള്ള എല്ലാ യോഗ്യതയും ആയി, മിന്നാരത്തീന്നുള്ള കെജിഎഫ് ട്രാൻസ്ഫോർമേഷൻ പൊളിച്ചു, റോക്കി ഭായിയാണ് വെട്ടിയാർ ജീയുടെ സ്ഥിരം വേട്ടമൃഗം തുടങ്ങി നിരവധി കമൻറുകളാണ് വീഡിയോയ്ക്ക് താഴെ വന്നിട്ടുള്ളത്. സ്ക്രിപ്റ്റ്, ക്രിയേറ്റീവ് ഡയറക്ഷ ശ്രീകാന്ത് വെട്ടിയാർ, സംവിധാനം ശിവശങ്കർ ശിവ, ക്യാമറ ഗോകുൽ ജി കൃഷ്ണ, എഡിറ്റ്, ലിറിക്സ്, ബിജിഎം നോയൽ തോമസ് തുടങ്ങിയവരാണ് നിർവ്വഹിച്ചിരിക്കുന്നത്.
Find out more:
click and follow Indiaherald WhatsApp channel