ടൊവിനോയ്ക്ക് പിന്നാലെ മിഥുൻ രമേശിനും നൈല ഉഷയ്ക്കും ഗോൾഡൻ വിസ! യുവതാരം ടൊവിനോ തോമസിനും യുഎഇ സർക്കാർ ഗോൾഡൻ വിസ സമ്മാനിച്ചത്തിനു പിന്നാലെ ഇപ്പോഴിതാ വർഷങ്ങളായി യുഎഇയിൽ സ്ഥിരതാമസമാക്കിയിരിക്കുന്ന മലയാളി താരങ്ങളായ മിഥുൻ രമേശ്, നൈല ഉഷ എന്നിവർക്കും സുവർണ വിസ സമ്മാനിച്ചിരിക്കുകയാണ്. കഴിഞ്ഞ ആഴ്ചയായിരുന്നു മലയാളത്തിൻ്റെ മെഗാസ്റ്റാർ മമ്മൂട്ടിയ്ക്കും താരചക്രവർത്തി മോഹൻലാലിനും യുവതാരം ടൊവിനോ തോമസിനും യുഎഇ സർക്കാർ ഗോൾഡൻ വിസ സമ്മാനിച്ചത്. അതേസമയം ഇരുവരും സോഷ്യൽ മീഡിയയിലൂടെയാണ് തങ്ങൾക്കും ഗോൾഡൻ വിസ സമ്മാനിച്ച വിവരം അറിയിച്ചിരിക്കുന്നത്. ചിത്രം പങ്കുവെച്ചുകൊണ്ട് മിഥുൻ രമേശ് കുറിച്ചതിങ്ങനെയായിരുന്നു. യുഎഇയിലെ ഏറ്റവും വലിയ മീഡിയയായ എആർഎൻൻ്റെ ഭാഗമായി നീണ്ട പതിനേഴ് വർഷങ്ങളായി ഈ സുന്ദരമായ രാജ്യത്ത് താനുണ്ട്.
ഇന്നും അവിടെ തന്നെ തുടരുകയുമാണ്. അങ്ങനെ ഞാനുമൊരു ഗോൾഡൻ വിസക്കാരനായി എന്ന് കുറിച്ചുകൊണ്ടാണ് മിഥുൻ രമേശ് ചിത്രം പങ്കുവെച്ചിരിക്കുന്നത്. വളരെ വിനയാന്വിതനായിട്ടാണ് ഈ അംഗീകാരം എന്നോട് ചേർത്തുവെക്കപ്പെടുന്നത്. കുറച്ച് പേരുടെ പേരുകൾ മാത്രം പറയുന്നത് നീതിയുക്തമാകില്ലെന്നുറപ്പാണ്. പക്ഷേ എങ്കിലും മഹ്മൂദ് അൽ റഷീദിന് ഹൃദയത്തിൽ നിന്നും വലിയൊരു നന്ദിയും കടപ്പാടും അറിയിക്കുകയാണ്. ഒപ്പം തന്നെ ജമാദുസ്മാനും ഗോൾഡൻ വിസയ്ക്കായി എല്ലാത്തിനുമായി എല്ലായിടത്തുമായി ഓടി നടന്ന ചെറിയ മുനീറിനും നന്ദി പറയുന്നു. #goldenvisa #uae #honor #dubai #17yearsinuae എന്നീ ഹാഷ്ടാഗുകളോടെയാണ് മിഥുൻ ചിത്രം പങ്കുവെച്ചിരിക്കുന്നത്. നൈല ഉഷയും ചിത്രം സോഷ്യൽ മീഡിയയിലൂടെ പങ്കുവെച്ച് നന്ദി അറിയിച്ചിട്ടുണ്ട്. എആർഎൻ ഹിറ്റ് 96.7 എഫ്എമ്മിന് നന്ദി. #uaegoldenvisa #mydubai #thebigbreakfastclub എന്നീ ഹാഷ് ടാഗുകളോടെയാണ് പോസ്റ്റ്. ഇവർ രണ്ടു പേരും ഒരേ സ്ഥാപനത്തിലാണ് ജോലി നോക്കി വരുന്നത്.
ഈ സുന്ദരമായ രാജ്യത്തിൻ്റെ ഭാഗത്ത് നിന്നും ഗോൾഡൻ വിസ സ്വീകരിക്കാൻ കഴിഞ്ഞതിൽ തീർത്തും അഭിമാനിക്കുന്നു. മലയാളത്തിലെ മറ്റ് യുവ സൂപ്പർതാരങ്ങൾക്കും ഉടൻ തന്നെ ഗോൾഡൻ വീസ ലഭിച്ചേക്കാൻ സാധ്യതയുണ്ടെന്ന റിപ്പോർട്ടുകൾ നേരത്തേ തന്നെ പുറത്ത് വന്നിരുന്നു. ലോകത്ത് തന്നെ ആദ്യമായാണ് യുഎഇയുടെ കൾചറൽ വീസ ഒരുക്കിയിരിക്കുന്നത്. ബോളിവുഡ് താരങ്ങളായ അമിതാഭ് ബച്ചൻ, ഷാരൂഖ് ഖാൻ തുടങ്ങിയ ചലച്ചിത്ര നടൻമാർക്ക് നേരത്തെ ഗോൾഡൻ വിസ ലഭിച്ചിരുന്നു.
പത്തു വർഷമാണ് ഗോൾഡൻ വിസയുടെ കാലാവധി. സാനിയ മിർസ ഉൾപ്പടെയുള്ള കായിക താരങ്ങൾക്കും ഗോൾഡൻ വിസ നൽകിയിരുന്നു. ഷാരൂഖ് ഖാൻ, സഞ്ജയ് ദത്ത് എന്നിവരാണ് ഇതിനു മുൻപ് ഗോൾഡൻ വിസ നേടിയ ഇന്ത്യൻ സിനിമാതാരങ്ങൾ. യു.എ.ഇ. ഭരണകൂടം വിവിധ മേഖലകളിൽ കഴിവ് തെളിയിക്കുന്ന പ്രതിഭകൾക്ക് നൽകുന്നതാണ് പത്തുവർഷത്തെ ഗോൾഡഇന്ത്യൻ ചലച്ചിത്ര മേഖലക്കുള്ള യു എ ഇ സർക്കാരിന്റെ ആദരമാണിതെന്ന് നേരത്തേ വ്യക്തമാക്കിയിരുന്നു.
Find out more:
click and follow Indiaherald WhatsApp channel