14 വർഷങ്ങൾക്ക് ശേഷം സിനിമയിലേക്ക് നിത്യ ദാസ് തിരിച്ചെത്തുന്നു! ശ്വേത മേനോൻ മുഖ്യ വേഷത്തിൽ എത്തുന്ന സൈക്കോ ഹൊറർ ത്രില്ലർ ചിത്രമാണ് "പള്ളിമണി". 14 വർഷങ്ങൾക്ക് ശേഷമാണ് നിത്യ വീണ്ടും സിനിമയിൽ സജീവമാകുന്നത്. 2007-ൽ പുറത്തറങ്ങിയ സൂര്യ കിരീടം എന്ന സിനിമയിലാണ് താരം ഒടുവിലായി അഭിനയിച്ചത്. ശ്വേത മേനോൻ, നിത്യ ദാസ് എന്നിവരെ പ്രധാന കഥാപാത്രങ്ങളാക്കി ശ്രദ്ധേയ കലാ സംവിധായകനും ബ്ലോഗറുമായ അനിൽ കുമ്പഴ സംവിധാനം ചെയ്യുന്ന "പള്ളിമണി" എന്ന ചിത്രത്തിൻറെ മോഷൻ പോസ്റ്റർ ശ്രദ്ധേയ സിനിമാ താരങ്ങളുടെ ഫേസ്ബുക്ക് പേജിലൂടെ റിലീസ് ചെയ്തു.
കൈലാഷ്, ദിനേശ് പണിക്കർ, ഹരികൃഷ്ണൻ എന്നിവരാണ് മറ്റു പ്രമുഖ താരങ്ങൾ. എൽ എ പ്രൊഡക്ഷൻസിൻറെ ബാനറിൽ അഹമ്മദാബാദിലെ മലയാളി ദമ്പതികളായ ലക്ഷ്മി അരുൺ മേനോൻ എന്നിവർ ചേർന്ന് നിർമ്മിക്കുന്ന ഈ സിനിമയുടെ ഛായാഗ്രഹണം അനിയൻ ചിത്രശാല നിർവ്വഹിക്കുന്നു.കഥ തിരക്കഥ സംഭാഷണം കെ വി അനിൽ എഴുതുന്നു. നായിക പദവിയിലേക്കുള്ള നിത്യ ദാസിൻറെ തിരിച്ചു വരവ് കൂടിയാണ് ഈ ചിത്രം. നാരായണൻറെ വരികൾക്ക് ശ്രീജിത്ത് രവി സംഗീതം പകർന്ന് വിനീത് ശ്രീനിവാസൻ ആലപിച്ച മനോഹരമായ ഗാനവും ഈ ചിത്രത്തിൻറെ പ്രത്യേകതയാണ്.
ഭയം പെയ്തിറങ്ങുന്ന ഒരു രാത്രിയിൽ തീർത്തും അപരിചിതമായ സ്ഥലത്ത് ഒറ്റപ്പെട്ടു പോകുന്ന ദമ്പതികളുടെയും അവരുടെ രണ്ടു ചെറിയ കുട്ടികളുടെയും അതിജീവനത്തിൻറെ കഥയാണ് 'പള്ളിമണി' എന്ന ചിത്രത്തിൽ ദൃശ്യവൽക്കരിക്കുന്നത്. ചിത്രത്തിൻറെ മുഖ്യ ആകർഷണങ്ങളിൽ ഒന്നാണ് നാല്പത് ലക്ഷം രൂപ ചിലവിട്ട് നിർമ്മിക്കുന്ന മൂന്നു നിലകളുള്ള പള്ളി. ചിത്രാഞ്ജലിയിൽ പണി പൂർത്തിയായി കൊണ്ടിരിക്കുന്ന ഈ ബ്രഹ്മാണ്ഡ സെറ്റിൽ ഡിസംബർ പതിമൂന്നിന് ചിത്രീകരണം ആരംഭിക്കും.
വാർത്ത പ്രചരണം എ എസ് ദിനേശ്. കലാസംവിധാനം സജീഷ് താമരശ്ശേരി, വസ്ത്രാലങ്കാരം ബ്യൂസി ബി ജോൺ,മേക്കപ്പ് പ്രദീപ് വിധുര, എഡിറ്റിംഗ് ആനന്ദു എസ് വിജയി, സ്റ്റിൽസ് ശാലു പേയാട്, ത്രിൽസ് ഗെരോഷ്, പ്രൊജക്റ്റ് ഡിസൈനർ രതീഷ് പല്ലാട്ട്,അനുകുട്ടൻ, ജോബിൻ മാത്യു, ഡിസൈനർ സേതു ശിവാനന്ദൻ. 14 വർഷങ്ങൾക്ക് ശേഷമാണ് നിത്യ വീണ്ടും സിനിമയിൽ സജീവമാകുന്നത്. 2007-ൽ പുറത്തറങ്ങിയ സൂര്യ കിരീടം എന്ന സിനിമയിലാണ് താരം ഒടുവിലായി അഭിനയിച്ചത്.
Find out more:
click and follow Indiaherald WhatsApp channel