കളിയാക്കലുകളിൽ ആദ്യമൊക്കെ കുറച്ച് വിഷമംതോന്നും; സഹപ്രവർത്തകരുടെ പ്രതികരണത്തിൽ ഒമർ ലുലു! ബോക്‌സോഫീസിൽ കോടികൾ വാരിക്കൂട്ടിയ തന്റെ ചിത്രം ചങ്ക്സിനു പോലും നേരിടേണ്ടി വന്നത് വലിയ ട്രോളുകളും കളിയാക്കലുകളും ആണ്. എല്ലാ കളിയാക്കലുകളേയും വിമർശനങ്ങളേയും മുന്നോട്ടുള്ള ഊർജമായി കാണുന്ന താരം ഇപ്പോൾ പങ്കുവെച്ച ഫേസ്ബുക്ക് പോസ്റ്റാണ് ശ്രദ്ധേയമാകുന്നത്. ആരാധരേ ശാന്തരാകുവിൻ എന്ന ഡയലോഗ് സഹപ്രവർത്തകരേ ശാന്തരാകുവിൻ എന്ന് കുറിക്കുകയാണ് ഒമർ ലുലു.മലയാള സിനിമ ഇൻഡസ്ട്രിയിൽ ട്രോളുകളും കളിയാക്കലുകളും ഏറ്റവും കൂടുതൽ നേരിടേണ്ടി വന്ന സംവിധായകനാണ് ഒമർ ലുലു.ഈ പോസ്റ്റ് പങ്കുവെയ്ക്കുന്നതിന് ദിവസങ്ങൾക്ക് മുൻപ് തന്റെ ചിത്രത്തിന്റെ റിലീസ് അടുക്കാറായെന്നും റിലീസ് ദിവസം കൊറിയയിലേയ്ക്ക് പോകാതെ കേരളത്തിൽ തന്നെ നിൽക്കാൻ പറ്റുമെന്നും പ്രതീക്ഷിക്കുന്നതായും ഒമർലുലു മറ്റൊരു പോസ്റ്റിൽ പറഞ്ഞിരുന്നു.
സാറ്റർഡേ നൈറ്റ് എന്ന ചിത്രത്തിന് ശേഷം സംവിധായകൻ റോഷൻ ആൻഡ്രൂസിന്റെ വിവാദമായ പത്രസമ്മേളനത്തെ ട്രോളുന്ന രീതിയിലായിരുന്നു പോസ്റ്റ്. സിനിമയെ വിമർശിക്കുന്നതിനെതിരെയാണ് റോഷൻ ആൻഡ്രൂസ് സംസാരിച്ചത്.ജൂനിയർ മാൻഡ്രേക്ക് സിനിമയിലെ ജഗതി നടു റോട്ടിൽ പായ വിരിച്ചു കിടക്കുന്ന ഫോട്ടോ ഇട്ടുകൊണ്ട് എഴുതിയ വരികൾ ആണ് വൈറൽ ആയികൊണ്ടിരിക്കുന്നത്. തെറിവിളികളും, കളിയാക്കലുകളും ആദ്യമായി കേൾക്കുന്ന എന്റെ സഹപ്രവർത്തകരോട്, ഇതൊന്നും അത്ര കാര്യമായി എടുക്കേണ്ട, ആദ്യം ഒക്കെ ഇച്ചിരി വിഷമമൊക്കെ ഉണ്ടാകും, പിന്നെ അങ്ങട് ശീലമായിക്കോളും' എന്നാണ് ഒമർ ലുലു തന്റെ സോഷ്യൽ മീഡിയയിൽ കുറിച്ചത്.ഒമർ ലുലു തിരക്കഥയിൽ പങ്കാളി കൂടെയായി എത്തുന്ന ചിത്രത്തിന് സിനു സിദ്ദാർഥ് ആണ് ക്യാമറ കൈകാര്യം ചെയ്തിരിക്കുന്നത്. രതിൻ രാധാകൃഷ്ണൻ എഡിറ്റിങ് നിർവഹിച്ചിരിക്കുന്നു.
പ്രിയ വാര്യർ, ഗ്രെസ് ആന്റണി, നൂരിൻ ശരീഫ്, അനു സിതാര, ദൃശ്യ രഗുനാഥ് അടക്കം ഉള്ള താരങ്ങളെ ഇൻഡസ്ട്രിയിലേക്ക് കൊണ്ട് വന്ന വിശാഖ് പിവിയാണ് കാസ്റ്റിംഗ് ഡയറക്ടർ ആയെത്തുന്നത്. നവാഗതരായ ഒട്ടനവധി താരങ്ങളെ മലയാള സിനിമക്ക് നൽകിയ ഒമർ ലുലു ഈ സിനിമയിലൂടെ നവാഗതനായ നിർമാതാവിനും താരങ്ങൾക്കും പുറകെ ഒരു പിടി പുതുമുഖങ്ങളെ ടെക്‌നിക്കൽ സൈഡിലും ഇൻട്രോഡ്യൂസ് ചെയ്യുന്നുണ്ട്.ഒമർ ലുലു തന്റെ അഞ്ചാമത്തെ സിനിമയായ നല്ല സമയത്തിന്റെ റിലീസിന് തയ്യാറെടുക്കയാണ്. ഇർഷാദ് നായകനാകുന്ന ചിത്രത്തിൽ വിജീഷ് മറ്റൊരു പ്രധാന വേഷത്തിൽ എത്തുന്നുണ്ട്.
നീന മധു, ഗായത്രി ശങ്കർ, നോറ ജോൺസൺ, നന്ദന സഹദേവൻ, സുവ എന്നീ അഞ്ചു പുതുമുഖങ്ങൾ ആണ് നായികമാരായെത്തുന്നത്. കൂടാതെ ശാലു റഹീം, ശിവജി ഗുരുവായൂർ, ജയരാജ് വാര്യർ, ദാസേട്ടൻ കോഴിക്കോട് അടക്കമുള്ള താരനിര തന്നെ ചിത്രത്തിൽ സപ്പോർട്ടിങ് വേഷങ്ങളിൽ എത്തുന്നുണ്ട്. കളന്തൂർ എന്റർടൈൻമന്റ്‌സിന്റെ ബാനറിൽ കളന്തൂർ ആദ്യമായി നിർമിക്കുന്ന 'നല്ല സമയത്തിന് 'നവാഗതയായ ചിത്രയാണ് ഒമർ ലുലുവിന്റെ കൂടെ തിരക്കഥ എഴുതിയിട്ടുള്ളത്. സംഗീതം കൈകാര്യം ചെയ്തിരിക്കുന്നതും തിരക്കഥാകൃത്ത് കൂടെയായ ചിത്രയും നവാഗതനായ സിദ്ദാർഥ് ശങ്കറും കൂടെയാണ്.
Find out more:
click and follow Indiaherald WhatsApp channel