ഇനി കേരളത്തിലേക്ക് തിരിച്ചുവരില്ല എന്ന് തീരുമാനിച്ചിരുന്നു എന്ന് ബാല! മലയാളത്തിൽ ബാല തന്നെ ഡബ്ബ് ചെയ്യുന്ന ആദ്യത്തെ സിനിമയാണ് ഷഫീക്കിന്റെ സന്തോഷം. ഇനി മലയാളത്തിലേക്ക് ഇല്ല എന്ന് തീരുമാനിച്ചതിന് ശേഷം തിരിച്ചുവരാനുണ്ടായ കാരണത്തെ കുറിച്ചും, ഷഫീക്കിന്റെ സന്തോഷം എന്ന ചിത്രത്തിലേക്ക് അവസരം വന്നതിനെ കുറിച്ചും ബാല സംസാരിക്കുകയുണ്ടായി.മലയാള സിനിമയിൽ ഏറ്റവും സ്റ്റാർ വാല്യു ഉള്ള നടന്മാരിൽ ഒരാളാണ് ബാല എന്ന് കഴിഞ്ഞ കുറച്ച് നാളുകളായി സോഷ്യൽ മീഡിയ തെളിയിച്ചുകൊണ്ടിരിയ്ക്കുകയാണ്. ഇപ്പോഴിതാ പുതിയ ചിത്രമായ ഷഫീക്കിന്റെ സന്തോഷം റിലീസ് ആവുന്നതിന്റെ ത്രില്ലിലാണ് ബാല.ഉണ്ണി മുകുന്ദനാണ് ഷഫീക്കിന്റെ സന്തോഷം എന്ന സിനിമയിലേക്ക് എന്നെ വിളിച്ചത്.
പക്ഷെ ഞാൻ ഫോൺ എടുത്തില്ല, എലിസബത്ത് ആണ് ഫോൺ എടുത്തത്. എടുക്കേണ്ട എന്ന് ഞാൻ പറഞ്ഞിരുന്നു. അവന്റെ കല്യാണത്തിന് ക്ഷണിക്കാൻ വിളിക്കുന്നതായിരിയ്ക്കും, അതിനാണെങ്കിൽ ഞാൻ പോവില്ല. ഇതുവരെ ഒരു കല്യാണത്തിനും ഞാൻ പോയില്ല എന്ന് പറഞ്ഞപ്പോഴാണ് എലിസബത്ത് ഫോൺ എടുത്തത്. നോക്കിയപ്പോൾ സിനിമയ്ക്ക് വേണ്ടിയാണ്.എന്നെ വച്ച് കോമഡി ചെയ്യുക എന്നത് സംവിധായകനും വലിയ വെല്ലുവിളിയായിരുന്നു. ആദ്യത്തെ ഷോട്ട് എടുക്കുന്നത് വരെ അനൂപിന് ടെൻഷനായിരുന്നു. ജീവിതത്തിൽ ഞാൻ എങ്ങിനെയാണോ അങ്ങിനെ തന്നെ സിനിമയിൽ അവതരിപ്പിക്കാനാണ് അവർ ശ്രമിച്ചത്. ആദ്യത്തെ ഒരു രംഗം അഭിനയിച്ചപ്പോൾ തന്നെ അനൂപ് എന്നെ കെട്ടി പിടിച്ചു. അതോടെ എനിക്ക് ബോധ്യമായി സിനിമ സൂപ്പർ ആയിരിയ്ക്കും എന്ന്.ഒരു സാധാരണ ഓട്ടോ ഡ്രൈവറാണ് എന്റെ കഥാപാത്രമായ അമീർ. ഓട്ടോറിക്ഷയുടെ പേര് അമീർ ഖാൻ എന്നാണ്.
ഇതുവരെ ഞാൻ ചെയ്യാത്ത ഗെറ്റപ്പിലാണ് സിനിമയിൽ എത്തുന്നത്. മറ്റൊരു തമിഴ് ചിത്രത്തിന് വേണ്ടിയാണ് ഞാൻ താടിയും മുടിയും വളർത്തിയിരുന്നത്. എന്നാൽ ഈ സിനിമയിൽ അത് ഉപകാരപ്പെട്ടു. മുഴുനീള ഒരു കോമഡി റോളാണ് എന്റേത്. ചിരിപ്പിയ്ക്കുക എന്നാൽ വളരെ പ്രയാസമാണ്.നാന് ഉണ്ണി മുകുന്ദൻ എന്ന ട്രോൾ ഹിറ്റായതിന് ശേഷം മമ്മൂക്ക വരെ പറഞ്ഞിട്ടുണ്ട്, ബാല നിനക്ക് കോമഡി നന്നായി ഇണങ്ങും എന്ന്. എനിക്കും കോമഡി ചെയ്യാൻ വലിയ ഇഷ്ടമാണ്. ഞാൻ ബിഗ്ഗ് ബി ചെയ്യുന്ന സമയത്ത് എല്ലാവരും പറഞ്ഞു ചോക്ലേറ്റ് പയ്യനാണ് എന്ന്. പുതിയ മുഖം ചെയ്തപ്പോൾ പറഞ്ഞു, സുന്ദരനായ വില്ലൻ എന്ന്. ഇനി കോമഡി റോൾ ചെയ്തത് കൊണ്ട് അതും മാറും- ബാല പറഞ്ഞു.ജീവിതത്തിൽ എനിക്ക് വളരെ അധികം വിഷമം വരുന്ന ഒരു സംഭവം കൂടെ ഉണ്ടായി, ഞാൻ കേരളം വിട്ട് ചെന്നൈയിലേക്ക് പോയിരുന്നു.
ഇനി കേരളത്തിലേക്ക് തിരിച്ചു പോകില്ല എന്ന് അമ്മയോട് പറഞ്ഞതും ആണ്. പക്ഷെ ആ സമയത്ത് ആണ് 'നാന് ഉണ്ണി മുകുന്ദൻ' എന്ന ട്രോൾ ഹിറ്റാകുന്നതും, എനിക്കിപ്പോഴും കേരളത്തിൽ സ്റ്റാർ വാല്യു ഉണ്ട് എന്ന് മനസ്സിലാവുന്നതും. അതുകൊണ്ട് ഞാൻ തിരിച്ചു വന്നു. സ്‌നേഹിച്ചാൽ തിരിച്ചും സ്‌നേഹം കിട്ടും എന്നതാണ് എന്റെ കാഴ്ചപാട്.എനിക്ക് ഇഷ്ടപ്പെടുന്ന കഥാപാത്രങ്ങൾ മാത്രമേ ഇനി ചെയ്യുകയുള്ളൂ. സിനിമ വിജയിക്കുന്നതും പരാജയപ്പെടുന്നതും പ്രേക്ഷകരുടെ കൈയ്യിലാണ്. ഒരു സിനിമ അട്ടർ ഫ്‌ളോപ് ആണെങ്കിലും, അതിലെ നായകനെ ജനങ്ങൾ ഇഷ്ട്‌പ്പെട്ടാൽ അയാൾക്ക് മുന്നോട്ട് ഭാവി ഉണ്ടാവും. അത് എനിക്ക് കിട്ടിയിട്ടുണ്ട് - ബാല പറഞ്ഞു.
Find out more:
click and follow Indiaherald WhatsApp channel