നടൻ വിജയ് വ‍‍‍ർമയെ നദി തമന്ന ചുംബിച്ചതായും, ആലിംഗനം ചെയ്തതായും പ്രചരിക്കുന്ന വീഡിയോ ശരിയോ? വാർത്തയും വീഡിയോയും പ്രചരിച്ചെങ്കിലും ഇതു സംബന്ധിച്ചു തമന്നയും വിജയ് വർമയും പ്രതികരിച്ചിട്ടില്ല. ഗോവയിൽ ന്യൂ ഇയർ ആഘോഷത്തിനു ഒരു കൂട്ടം ആളുകളുടെ ഇടയിൽ ചുംബിക്കുന്ന തമന്നയും വിജയ് വർമയും എന്നു കരുതുന്ന വീഡിയോയാണ് സമൂഹ മാധ്യമങ്ങളിൽ പ്രചരിച്ചത്. തെന്നിന്ത്യൻ താര സുന്ദരി തമന്ന ഭാട്ടിയയുടെ പിന്നാലെയാണ് പാപ്പരാസികൾ. പുതുവത്സരാഘോഷത്തിനുള്ള താരത്തിൻ്റെതായി പ്രചരിക്കുന്ന വീഡിയോ പോലും പാപ്പരാസികൾ പ്രചരിപ്പിച്ചതാണ്. അവരുടെ കണ്ടെത്തലുകളിൽ തമന്നയും നടൻ ബോളിവുഡ് നടൻ വിജയ് വർമയും പ്രണയത്തിലാണ് എന്നതാണ്.തമന്നയുടെ ജന്മദിനമായ ഡിസംബർ 21ന് വിജയ് വ‍ർമ തമന്നയുടെ വസതിയിൽ എത്തിയെന്ന വാർത്തയാണ് പ്രണയ കഥയുടെ ആരംഭം. പിന്നീട് വിമാനത്താവളത്തിലും ദിൽജിത് ദോസഞ്ജിൻറെ സംഗീത പരിപാടിയിലും ഇരുവരേയും ഒരുമിച്ചു കണ്ടു.
ഇതിനു പിന്നാലെയാണ് പ്രണയ വാർത്തയുടെ സ്ഥിരീകരണം പോലെ ഗോവയിലെ പുതുവത്സരാഘോഷത്തിൽ ചുംബിക്കുന്ന ഇരുവരുടെയും വീഡിയോ വൈറലാകുന്നത്.നടൻ വിജയ് വർമ്മയും തമന്നയും തമ്മിൽ പ്രണയം സംബന്ധിച്ച് സിനിമാ ലോകത്തും സമൂഹ മാധ്യമങ്ങളിലും വാർത്തകളുണ്ട്. സെക്കൻഡുകൾ മാത്രം ദൈർഘ്യം മാത്രമുള്ള വൈറൽ വീഡിയോയിൽ വ്യക്തത കുറവുണ്ടെങ്കിലും തമന്നയുടെ പിങ്ക് നിറത്തിലുള്ള വസ്ത്രവും വിജയുടെ വെള്ള ഷർട്ടും ആരാധകർ തിരിച്ചറിയുന്നു. ന്യൂ ഇയർ ആഘോഷത്തിനുള്ള കരിമരുന്ന് പ്രയോഗം കാണിക്കുന്ന വീഡിയോയിൽ ക്യാമ പാൻ ചെയ്യുമ്പോഴാണ് തമന്നയും വിജയും ചുംബിക്കുന്ന ദൃശ്യങ്ങൾ പതിഞ്ഞത്. തമന്നയുടെ ഫാൻ പേജുകളിലും ദൃശ്യങ്ങൾ വ്യാപകമായി പ്രചരിക്കുന്നുണ്ട്. ന്യൂ ഇയർ ആഘോഷത്തിന് ഗോവയിലെ റസ്‌റ്റോറൻ്റിൽ ഇരുവരും ഒന്നിച്ചുള്ളതായി പ്രചരിച്ച വീഡിയോയിൽ മുഖം വ്യക്തമല്ലെങ്കിലും ധരിച്ചിരിക്കുന്ന വസ്ത്രത്തിൻ്റെ നിറത്തിൽ നിന്ന് അത് തമന്നയും വിജയ് വ‍മയുമാണെന്ന നിഗമനത്തിലാണ് സോഷ്യൽ മീഡിയ.
പുതിയ റിപ്പോർട്ടുകൾ പ്രകാരം ലസ്റ്റ് സ്റ്റോറീസ് രണ്ടാം ഭാഗത്തിൽ ഇരുവരും ഒന്നിച്ചെത്തുന്നു. ഔദ്യോഗിക സ്ഥിരീകരണം പുറത്തു വന്നിട്ടില്ല. ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ട് ഓഫ് ഇന്ത്യയിൽ നിന്ന് ബിരുദം നേടിയ വിജയ് വർമ്മ 2012-ൽ ചിറ്റഗോങ്ങ് എന്ന ചിത്രത്തിലൂടെയാണ് ബോളിവുഡിലേക്ക് എത്തുന്നത്. പിങ്ക്, മൺസൂൺ ഷൂട്ടൗട്ട്, മാൻറോ, ഗള്ളി ബോയ്, ഗോസ്റ്റ് സ്റ്റോറീസ് എന്നീ ചിത്രങ്ങളിലെ വിജയുടെ റോളുകൾ ശ്രദ്ധിക്കപ്പെട്ടിരുന്നു. സമീപകാലത്ത് നെറ്റ്ഫ്ലിക്സ് സിനിമ ഡാർലിംഗ്സിലൂടെയും പ്രശംസ നേടിയിരുന്നു. ദ ഡിവോഷൻ ഓഫ് സസ്പെക്റ്റ് എക്‌സാണ് പുതിയ ചിത്രം. ബോളിവുഡിൽ നിന്നും ഏറെ ശ്രദ്ധ നേടിയ ആന്തോളജി ചിത്രമായിരുന്നു ലസ്റ്റ് സ്റ്റോറീസ്.
ചിത്രത്തിനു രണ്ടാം ഭാഗം ഒരുക്കുന്നതിനുള്ള തയാറെടുപ്പിലാണ് അണിയറ പ്രവർത്തകർ. പാപ്പരാസികളും സോഷ്യൽ മീഡിയയും പ്രണയ കഥകളുമായി പിന്നാലെയുണ്ടെങ്കിലും തമന്ന ഒന്നിനോടും പ്രതികരിക്കാൻ തയാറായിട്ടില്ല. താരം ബോളിവുഡ് അടക്കമുള്ള നിരവധി ഭാഷാ ചിത്രങ്ങളുടെ തിരക്കിലാണ്. തമന്ന ആദ്യമായി മലയാളത്തിൽ അഭിനയിക്കുന്ന ചിത്രത്തിൻ്റെ ഷൂട്ടിംഗ് പുരോഗമിക്കുകയാണ്. രാമലീലയ്ക്കു ശേഷം അരുൺ ഗോപി സംവിധാനം ചെയ്യുന്ന ബാന്ദ്രയിലാണ് ദിലീപിൻ്റെ നായികയായി തമന്ന മലയാളത്തിലേക്ക് എത്തുന്നത്.
Find out more:
click and follow Indiaherald WhatsApp channel