ఇప్పుడు మరో ఫ్యామిలీ నుండి వారసుడు హీరోగా అరంగేట్రం చేయడానికి సిద్ధంగా ఉన్నాడు. దగ్గుబాటి ఫ్యామిలీ నుండి ఇప్పటికే వెంకటేష్ మరియు రానాలు నటులుగా వచ్చి సక్సెస్ అయ్యి దూసుకుపోతున్నారు. ఇప్పుడు రానా తమ్ముడు దగ్గుబాటి అభిరామ్ హీరోగా కొన్ని రోజుల్లో మన ముందుకు రానున్నాడు. సెన్సిబిల్ డైరెక్టర్ తేజ ఇతనిని వెండితెరకు పరిచయం చేస్తున్నాడు. ఈ సినిమాకు అహింస అనే క్యాచీ టైటిల్ ను ఖరారు చేశారు. ఎప్పటిలాగే తేజ సినిమాకు ఆర్ పి పట్నాయక్ సంగీతాన్ని అందించాడు. ఇతను అందించిన పాటల వలనే ఈ సినిమాకు కొంత అయినా పాపులారిటీ వచ్చింది .
అయితే తమ్ముడు సినిమా ఖచ్చితంగా హిట్ అవ్వాలన్న ఉద్దేశ్యంతో రానా చొరవ తీసుకుంటున్నాడట. ఈ సినిమాను ఎప్పుడు రిలీజ్ చెయ్యాలి అన్న విషయంపై దగ్గుబాటి సురేష్ బాబు తో చర్చిస్తున్నాడట. ఈ సినిమా ప్రీ రిలీజ్ ఈవెంట్ ను కూడా పెద్ద స్థాయిలో ప్లాన్ చేస్తున్నారట. మరి తమ్ముడి సినిమా కోసం రానా ప్రయత్నాలు ఫలిస్తాయా అన్నది తెలియాలంటే అహింస రిలీజ్ అయ్యే వరకు వెయిట్ చేయాల్సిందే .
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి