ഒരു മറവത്തൂർ കനവിന് 25 വയസ്; ഓർമകൾ പുതുക്കി ലാൽ ജോസ്! ഇന്നത് മാറി, ഒരു സിനിമയിൽ പോലും പ്രവർത്തിച്ച് പരിചയമില്ലെങ്കിലും മനസിലുള്ള സിനിമയെ പ്രേക്ഷകരുടെ മുന്നിലെത്തിക്കാൻ പുതുമുഖ സംവിധായകർക്ക് കഴിയുന്നുണ്ട്. അവിടെയാണ് തൻ്റെ ആദ്യ സിനിമ കാൽ നൂറ്റാണ്ട് പിന്നിടുന്ന അനുഭവം സംവിധായകൻ ലാൽ ജോസ് പങ്കുവെയ്ക്കുന്നത്. സീനിയർ സംവിധായകൻ്റെ അസോസിയേറ്റായി പ്രവർത്തിച്ച് വർഷങ്ങളുടെ അനുഭവ പാഠങ്ങളിലൂടെയായിരുന്നു ഒരു കാലം വരെ ഓരോ സംവിധായകനും തൻ്റെ ആദ്യ സിനിമയിലേക്കെത്തിയിരുന്നത്. ഉടനടി ഒരു തീരുമാനത്തിന് ധൈര്യമില്ലാത്തതിനാൽ ശ്രീനിയേട്ടനോ ലോഹിസാറോ തിരക്കഥയെഴുതിതന്നാൽ സംവിധാനം ചെയ്യാം എന്നൊരു അതിമോഹം പറഞ്ഞു. വധു ഡോക്ടറാണ് എന്ന ചിത്രത്തിൻ്റെ സെറ്റിലുണ്ടായിരുന്ന ശ്രീനിയേട്ടൻ്റെ ചെവിയിലും ഈ വിവരം അവർ എത്തിച്ചു. ഞെട്ടിച്ചു കൊണ്ട് ശ്രീനിയേട്ടൻ്റെ മറുപടി - ലാൽ ജോസാണെങ്കി ഞാൻ എഴുതാം. ആ വാക്കിൻ്റെ മാത്രം ബലത്തിൽ ഒരു പ്രൊജക്ടിന് ചിറക് മുളച്ചു.
രണ്ട് കൊല്ലം ശ്രീനിയേട്ടനൊപ്പം പല സെററുകളിൽ കഥാ ചർച്ച. അതിനിടെ ഉദ്യാനപാലകനിൽ അസോസിയേറ്റായി പണിയെടുക്കുന്ന എന്നോട് മമ്മൂക്കയുടെ കുശലപ്രശ്നം - ആരാണ് നിൻ്റെ പടത്തിലെ നായകൻ. കഥ ആലോചനകൾ നടക്കുന്നേയുളളൂ എന്ന് എൻ്റെ മറുപടി. കഥയായി വരുമ്പോ അതിലെ നായകന് എൻ്റെ ഛായയാണെന്ന് നിനക്ക് തോന്നിയാൽ ഞാൻ അഭിനയിക്കാമെന്ന് മമ്മൂക്ക. ഇപ്പോൾ ചിത്രത്തിന്റെ 25 -ാം വയസിൽ തൻ്റെ ആദ്യ സിനമയെക്കുറിച്ച് ഫേസ്ബുക്കിൽ കുറിപ്പ് പങ്കുവെച്ചിരിക്കുകയാണ് ലാൽ ജോസ്. "ഏപ്രിൽ 8 - എൻ്റെ ആദ്യ സിനിമ, മറവത്തൂർ കനവ് റിലീസായിട്ട് ഇന്ന് കാൽനൂറ്റാണ്ട് തികയുന്നു. ഒരു പിടി വലിയ മനുഷ്യരുടെ സന്മനസ്സാണ് എന്നെ വഴിനടത്തുന്നത്. ഈ ദിവസം ഞാൻ അവരെയെല്ലാം നന്ദിയോടെ ഓർക്കുന്നു.
തൊണ്ണൂറുകളുടെ രണ്ടാം പാതിയിൽ വധു ഡോക്ടറാണ് എന്ന സിനിമയുടെ അസോസിയേററായി സെറ്റിൽ ഓടി പായുമ്പോൾ ആ ചിത്രത്തിൻ്റെ നിർമ്മാതാക്കളായിരുന്ന അലക്സാണ്ടർ മാത്യു പൂയപ്പളളിയും ഡോക്ടർ ബ്രൈറ്റുമാണ് അവരുടെ അടുത്ത പടത്തിലൂടെ എന്നെ സ്വതന്ത്ര സംവിധായകനാക്കാം എന്ന ഓഫർ വയ്ക്കുന്നത്.മീശമാധവൻ, ചാന്ദ്പൊട്ട്, ക്ലാസ്മേറ്റ്സ്, അറബിക്കഥ, എൽസമ്മ എന്ന ആൺകുട്ടി, ഡയമണ്ട് നെക്ലേസ്, അയാളും ഞാനും തമ്മിൽ, ഇമ്മാനുവേൽ, പുള്ളിപ്പുലികളും ആട്ടിനകുട്ടിയും, വിക്രമാദിത്യൻ തുടങ്ങിയ ഒരുപിടി മികച്ച വിജയങ്ങൾ സൃഷ്ടിക്കാൻ ലാൽ ജോസിനു സാധിച്ചു. ഇന്നു നിർമാതാവ്, വിതരണക്കാരൻ, നടൻ എന്നി നിലകളിലും ലാൽ ജോസ് മലയാള സിനിമയിൽ മേൽവിലാസം സൃഷ്ടിച്ചുകഴിഞ്ഞു. ശീനിയേട്ടന്റെ വാക്ക്, മമ്മൂട്ടിയുടെ ഓഫർ, അലക്സാണ്ടർ മാത്യുവിൻ്റെയും ഡോക്ടർ ബ്രൈറ്രിൻ്റെയും ഉത്സാഹം, ലാൽജോസെന്ന ചെറുപ്പക്കാരനിൽ ഇവരെല്ലാം ചേർന്ന് നിറച്ച് തന്ന ഊർജ്ജമാണ് ‘ഒരു മറവത്തൂർ കനവാ’യി മാറിയത്. 1997 ഡിസംബറിൽ ഷൂട്ട് തുടങ്ങി, 1998 ഏപ്രിൽ എട്ടിന് റിലീസായി.
എന്നെ സഹസംവിധായകനായി കൂടെ കൂട്ടിയ കമൽ സാർ, എന്നെ വിശ്വസിച്ച് എൻ്റെ ആദ്യ സിനിമയക്ക് തിരക്കഥയെഴുതി തന്ന ശ്രീനിയേട്ടൻ, പുതുമുഖ സംവിധായകൻ്റെ നായകനായ മഹാനടൻ, സിനിമ വലുതായപ്പോ നിർമ്മാണവും വിതരണവും ഏറ്റെടുത്ത സിയാദ് കോക്കർ - നന്ദി പറയേണ്ടവരുടെ പട്ടിക തീരുന്നില്ല. അതെൻ്റെ ജീവനോളം വലിയ ഒരു സുദീർഘ ലിസ്റ്റാണ്. അവരോടെല്ലാമുളള കടപ്പാട് എന്നും എൻ്റെ ഹൃദയത്തിൽ മിടിക്കുന്നുണ്ടെന്ന് മാത്രം പറയട്ടെ. ഇരുപത്തിയഞ്ച് വർഷത്തിനിടെ ഞാൻ ചെയ്ത ഇരുപത്തിയേഴ് സിനിമകളെ ഏറ്റെടുത്ത പ്രേക്ഷകർ.. തങ്ങളുടെ കുടുംബത്തിലെ ഒരംഗത്തെ പോലെ എന്നെ സ്നേഹിക്കുന്നവർ. നന്ദി പറഞ്ഞ് ഞാൻ ചുരുക്കുന്നില്ല - സ്നേഹത്തോടെ ഓർക്കുന്നു. ഏവർക്കും ഈസ്റ്റർ - വിഷു ആശംസകൾ! ലാൽ ജോസിൻ്റെ വാക്കുകൾ ഇങ്ങനെയാണ്.
Find out more:
click and follow Indiaherald WhatsApp channel