സുഡാനിലെ ആഭ്യന്തര യുദ്ധത്തിനും ആഗോളതാപനത്തിനും ഉത്തരവാദിയെ കണ്ടുമട്ടി: ദിലീപിനൊപ്പമുള്ള ചിത്രത്തിന് രാഹുൽ ഈശ്വർ നൽകിയ കുറിപ്പ് ഇങ്ങനെ! നടൻ ദിലീപുമായി ബന്ധപ്പെട്ട വിഷയങ്ങളിൽ ചാനൽ ചർച്ചകളിലെ സജീവ മുഖമായിരുന്നു രാഹുൽ ഈശ്വർ. ഇപ്പോൾ തൻ്റെ ഇൻസ്റ്റഗ്രാമിൽ പങ്കുവെച്ച നടൻ ദിലീപിനൊപ്പമുള്ള ചിത്രത്തിന് രസകരമായ ക്യാപ്ഷനാണ് രാഹുൽ ഈശ്വർ നൽകിയിരിക്കുന്നത്. സമകാലിക വിഷയങ്ങളിൽ തൻ്റെതായ നിലപാടുകൾ തുറന്നു പറയുകയും അത് സമർത്ഥിക്കുകയും ചെയ്തു വാർത്തകളിലും വിവാദങ്ങളിലും നിറഞ്ഞു നിൽക്കുന്നയാളാണ് രാഹുൽ ഈശ്വർ. റഷ്യ ഉക്രെയ്ൻ യുദ്ധത്തിന് ഉത്തരവാദിയായ മനുഷ്യനെ കണ്ടുമുട്ടിയെന്നും സുഡാനിലെ ആഭ്യന്തരയുദ്ധത്തിന് പിന്നിലും ആഗോളതാപനത്തിന് ഉത്തരവാദിയുമാണെന്നും ഇത് മലയാളികളല്ലാത്തവർക്ക് മനസിലാകില്ല എന്നും കുറിച്ച് സ്മൈലി സ്റ്റക്കറുകളോടെയാണ് രാഹുൽ ഈശ്വർ ചിത്രം പങ്കുവെച്ചിരിക്കുന്നത്.
നിരവധി പേർ പോസ്റ്റ് മനസിലാക്കി ചിരിക്കുന്ന സ്മൈലികളും കമൻ്റ് ചെയ്തിട്ടുണ്ട്. ദിലീപുമായി ബന്ധപ്പെട്ട വിഷയത്തിൽ ചാനൽ ചർച്ചകളിലെ പതിവ് മുഖമാണ് രാഹുൽ ഈശ്വർ. നടിയെ ആക്രമിച്ച കേസിൽ നടനും പ്രതിയുമായ ദിലീപാണ് ശരിക്കും ഇരയായത് എന്ന് നേരത്തെ രാഹുൽ ഈശ്വർ പറഞ്ഞിരുന്നു. ആക്ഷേപ ഹാസ്യമെന്നവണ്ണമുള്ള ക്യാപ്ഷനാണ് രാഹുൽ ഈശ്വർ പോസ്റ്റിനു നൽകിയിരിക്കുന്നത്. ദിലീപ് ഇപ്പോൾ സിനിമകളിൽ കൂടുതൽ സജീമനായിരിക്കുകയാണ്. താരത്തിൻ്റെ കരിയറിലെ ബിഗ് ബജറ്റ് ചിത്രം ബാന്ദ്രയുടെ ട്രെയിലർ സോഷ്യൽ മീഡിയയിൽ മികച്ച പ്രതികരണമാണ് നേടിയിരിക്കുന്നത്. രാമലീലയ്ക്കു ശേഷം സംവിധായകൻ അരുൺ ഗോപിയും ദിലീപും ഒന്നിക്കുന്ന ബാന്ദ്രയിൽ തെന്നിന്ത്യൻ താര സുന്ദരി തമന്നയാണ് നായികയായി എത്തുന്നത്.
തമിഴ്, തെലുങ്ക്, ഹിന്ദി ഭാഷകളിൽ നിന്നും വമ്പൻ താരനിരഅണിനിരക്കുന്ന ചിത്രം മുംബൈ അധോലോകത്തെ കഥയാണ് പറയുന്നത്. ഉദയകൃഷ്ണ തിരക്കഥ ഒരുക്കുന്ന ചിത്രം പാൻ ഇന്ത്യൻ റിലീസായിട്ടാണ് തിയറ്ററിലെത്തുന്നത്. ദിലീപിൻ്റെ കൈകൾ ശുദ്ധമാണ്. ഇത്രയും കാലം കാർമേഘം സൂര്യനെ മറച്ചിരുന്നു. ആ കാർമേഘം മാറി സൂര്യൻ ഒരുനാൾ പുറത്തുവരും. മുൻ ഡിജിപിവരെ പോലീസ് അന്വേഷണത്തിൽ ഫോട്ടോഷോപ്പ് പോലുള്ള കൃത്രിമങ്ങൾ നടന്നിട്ടുണ്ടെന്ന് പറഞ്ഞിട്ടുണ്ടെന്നും നാളെ കുറ്റമുക്തമായി ദിലീപ് പുറത്തുവരുമ്പോൾ ഇത് ചെയ്യുന്നവർക്കെതിരെ പൊതുജനങ്ങൾ തിരിയും എന്ന ബോധം എപ്പോഴും വേണമെന്നും രാഹുൽ പറഞ്ഞിട്ടുണ്ട്.
നിയമത്തിൻ്റെ പാതയിലാണെന്നും അദ്ദേഹത്തിന് പറയാനുള്ളത് കോടതി സമക്ഷം ആണ് പറഞ്ഞിട്ടുള്ളതെന്നും അല്ലാതെ പ്രൊപ്പഗാൻ്റെ വർക്കല്ലെന്നും രാഹുൽ ഈശ്വർ നേരത്തെ തന്നെ വ്യക്തിമാക്കിയിട്ടുള്ളതാണ്. ദിലീപിന് എതിരെയാണ് പിആർ വർക്കെന്നും അതിന് കാരണവുമുണ്ടെന്നും ആദ്യം ദിലീപിനെ എല്ലാവരും തെറ്റിധരിച്ചിരുന്നുവെന്നും എന്നാൽ ദിലീപ് നിരപരാധിയാണെന്ന് ഇന്ന് പൊതുസമൂഹത്തിന് ബോധ്യം വന്നെന്നും രാഹുൽ സമർത്ഥിക്കുന്നു. അടൂർ ഗോപാലകൃഷ്ണനെ പോലുള്ള, മധു സാറിനെ പോലുളള, ശ്രീലേഖ ഐപിഎസിനെ പോലുള്ളവർ അതു തുറന്നു പറയുന്നുവെന്നും നേരത്തെ രാഹുൽ ഈശ്വർ വ്യക്തിമാക്കിയിട്ടുള്ളതാണ്.
Find out more:
click and follow Indiaherald WhatsApp channel