మొదటి సినిమానే శ్రీకాంత్ ఓదెల తన టాలెంట్ చూపించాడు. దసరా హిట్ తర్వాత నాని మళ్లీ అదే మార్క్ మాస్ సినిమా చేస్తాడని అనుకోగా తిరిగి తన రెగ్యులర్ ఫార్మెట్ లో సినిమా చేస్తున్నాడు. శౌర్యువ్ అనే కొత్త దర్శకుడితో నాని సినిమా చేస్తున్నాడు. ఈ సినిమాను వైరా ప్రొడక్షన్స్ నిర్మిస్తుంది. సినిమా లో మృణాల్ ఠాకూర్, శృతి హాసన్ లు హీరోయిన్స్ గా నటిస్తున్నారు. సినిమాలో నాని ఫాదర్ రోల్ లో కనిపిస్తారని తెలుస్తుంది. నాని 30వ సినిమాలో ఒక చిన్న పాప పాత్ర కూడా హైలెట్ గా ఉంటుందని తెలుస్తుంది.
నాని 30వ సినిమా కు టైటిల్ గా హాయ్ నాన్న, హాయ్ డాడీ, హలో డాడీ, హలో నాన్న టైటిల్స్ పరిశీలనలో ఉన్నాయట. వీటిలో ఏదో ఒకటి త్వరలో ఫైనలైజ్ చేస్తారని తెలుస్తుంది. జెర్సీ సినిమాలో కూడా నాని తండ్రి పాత్రలో కనిపించాడు. ఇప్పుడు మరోసారి అలాంటి సెంటిమెంట్ సినిమాతోనే వస్తున్నాడు. దసరా తర్వాత ఇలాంటి సినిమా రిస్క్ అని తెలిసినా కథ ఎమోషనల్ గా కనెక్ట్ అవుతుందని నాని నమ్మడం వల్ల ఈ సినిమా చేస్తున్నాడు. నాని 30వ సినిమా డిసెంబర్ 23న రిలీజ్ ఫిక్స్ చేశారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి