സെറ്റിൽ വച്ച് ദേഷ്യം വരാനുള്ള കാരണം വെളിപ്പെടുത്തി മമ്മൂട്ടി, എന്നെ തട്ടിക്കളയാൻ മലയാള സിനിമയ്ക്കാകില്ല! മമ്മൂട്ടിയോട് അടുത്ത് സംസാരിക്കാനും, ഇടപഴകാനും പേടിയാണെന്നാണ് പലരും പറഞ്ഞിട്ടുള്ളത്. ചോദിയ്ക്കുന്നതിനെല്ലാം ദേഷ്യത്തിലാവും മമ്മൂക്ക മറുപടി തരുന്നത്, സെറ്റിൽ വച്ച് മിണ്ടാൻ പേടിയാണ്. പെട്ടന്ന് ദേഷ്യം വരും എന്നൊക്കെ ഇഷ്ടമുള്ളവർ പോലും പറഞ്ഞിട്ടുണ്ട്. അത് കേട്ട് മമ്മൂട്ടിയ്ക്ക് തലക്കനമാണെന്ന തരത്തിൽ ഗോസിപ്പുകളും വന്നിട്ടുണ്ട്. മലയാളത്തിന്റെ മെഗാസ്റ്റാർ, ഇന്നും സിനിമയോടുള്ള അടങ്ങാത്ത ആർത്തിയാണ് തനിക്ക് എന്ന് മമ്മൂട്ടി തന്നെ പലതവണ പറഞ്ഞിട്ടുണ്ട്. യാതൊരു ക്വാളിഫിക്കേഷനും ഇല്ലാതെ നിലനിന്നു പോകാൻ പറ്റുന്ന ഇന്റസ്ട്രിയാണ് സിനിമ എന്നാണ് പലരുടയും ധാരണ. പക്ഷെ അതല്ല.
ഒരേ സമയം നമ്മൾ രണ്ട് വ്യക്തികളാകണം. ഒരു കഥാപാത്രമായി മാറുമ്പോൾ, നമ്മൾെ യഥാർത്ഥ നമ്മളെ മാറ്റി വച്ച്, ആ കഥാപാത്രത്തിന്റെ വികാരങ്ങൾ ഉൾക്കൊള്ളണം. ശരീരം കൊണ്ടും മനസ്സുകൊണ്ടും അതായി തീരണം. ദേഷ്യവും സ്‌നേഹവും എല്ലാം ആക്ഷൻ - കട്ട് പറയുന്നതിനുള്ളിൽ വന്ന് പോകണമെങ്കിൽ അഭിനയത്തോട് അത്രയും ഡെഡിക്കേറ്റഡ് ആയിരിക്കണം. കഥാപാത്രത്തെ അത്രയും ഉൾക്കൊള്ളണം. ഞാൻ ഗ്ലിസറിനിട്ട് അഭിനയിച്ചിട്ട് 25 വർഷങ്ങളായി. അനുഭവമാണ്. കണ്ണൂർ സ്‌ക്വാഡ് എന്ന തന്റെ പുതിയ ചിത്രത്തിന്റെ പ്രമോഷനുമായി ബന്ധപ്പെട്ട അഭിമുഖത്തിൽ സംസാരിക്കവെ ഈ രണ്ട് കാര്യങ്ങളെ കുറിച്ചും മമ്മൂട്ടി തന്നെ സംസാരിച്ചു. സിനിമയോടുള്ള തന്റെ അടങ്ങാത്ത മോഹത്തെ കുറിച്ചും, തനിക്ക് തലക്കനമാണെന്ന് മറ്റുള്ളവർ പറയുന്നതിനെ കുറിച്ചുമാണ് മമ്മൂട്ടി ഇപ്പോൾ തുറന്ന് സംസാരിച്ചിരിയ്ക്കുന്നത്.
അതെ എനിക്ക് സിനിമ എന്നാൽ ഭ്രാന്തായിരുന്നു. ഇപ്പോഴും അതെ. സിനിമയെ ഒരുപാട് മോഹിച്ച്, ആഗ്രഹിച്ചാണ് ഞാൻ സിനിമയിലെത്തിയത്. അതുകൊണ്ട് മലയാള സിനിമയ്ക്ക് എന്നെ തട്ടിക്കളയാൻ കഴിയില്ല. എന്നെ പോലെ സിനിമയെ ആഗ്രഹിക്കുന്ന ചെറുപ്പക്കാർ ഇപ്പോഴുമുണ്ടാവും. പക്ഷെ ആഗ്രഹിച്ചാൽ മാത്രം പോര, അതിന് വേണ്ടി കഷ്ടപ്പെടുകയും വേണം. ആഗ്രഹത്തിന്റെ പുറത്ത്, ഭാഗ്യം കൊണ്ട് ഒരു സിനിമ കിട്ടിയേക്കാം. പക്ഷെ നിലനിന്ന് പോകുക എന്നതാണ് ഏറെ ശ്രമകരം. അതിന് കഷ്ടപ്പെടുക തന്നെ വേണം- മമ്മൂട്ടി പറഞ്ഞു.
ആ കഥാപാത്രത്തിന് വേണ്ടി നമ്മൾ അത്രയും മാറുന്നത് ഒരു മാനസിക തയ്യാറെടുപ്പാണ്. അതിനിടയിൽ ബിപി കൂടും. എനിക്ക് ഇപ്പോഴും ഒരു കഥാപാത്രം ചെയ്യുമ്പോൾ പേടിയാണ്, ടെൻഷനാണ്. ആ പേടി ഇന്നും വിട്ടു പോയിട്ടില്ല. അങ്ങനെ ആ കഥാപാത്രമായി മാറുന്നതിന്റെ ഘട്ടത്തിൽ പേടിച്ച് നിൽക്കുമ്പോൾ ചുറ്റിൽ നിന്നും ഇറിട്ടേറ്റ് ചെയ്യുന്ന കാര്യങ്ങൾ സംഭവിച്ചാൽ ദേഷ്യം വരും. അതിനാണ് എല്ലാവരും തലക്കനം, കാൽക്കനം എന്നൊക്കെ പറയുന്നത്- മമ്മൂട്ടി പറഞ്ഞു.
Find out more:
click and follow Indiaherald WhatsApp channel