വിഎഫ്എക്‌സ് ഇത്ര ഗംഭീരമാക്കിയത് ഇവരാണ്; ലിയോയുടെ വിജയത്തിന്റെ കാരണത്തിനു പിന്നിൽ! ആക്രമണകാരിയായ മൃഗം മാത്രമല്ല ഹൈനയെന്ന് സിനിമ കണ്ടവർക്കറിയാം. സിനിമ കാണാത്തവർ ട്രെയ്ലറിലെങ്കിലും ഹൈനയെ കണ്ടിട്ടുണ്ടാവും. വിഎഫ്എക്‌സ് ഉപയോഗിച്ച് ചെയ്തെടുക്കുന്ന മൃഗങ്ങളെ സിനിമയിൽ ഉപയോഗിക്കുമ്പോൾ അത് ഒറിജിനലാണെന്ന് ഫീൽ ചെയ്യിപ്പിക്കുക ചെറിയ കാര്യമല്ല. അവിടെയാണ് ലിയോയിലെ വിഎഫ്എക്‌സ് വർക്കുകൾ മികച്ചുനിൽക്കുന്നത്. ലിയോ കണ്ടിറങ്ങിയവരുടെ മനസിൽ തങ്ങിനിൽക്കുന്ന ഒന്നായിരിക്കും നാടിനെ വിറപ്പിക്കാനെത്തിയ ഹൈന. ട്രെയ്ലർ വന്നപ്പോഴും ഹൈനയുടെ സീനുകൾ അമ്പരപ്പിച്ചിരുന്നു. ഇന്ത്യൻ സിനിമയിൽ ആർ ആർ ആർ എന്ന ചിത്രത്തിന് വേണ്ടിയാണ് മുൻപ് MPC ഫിലിംസ് ടീം വർക്ക് ചെയ്തിട്ടുള്ളത്. അതിനെയും വെല്ലുന്ന വർക്കാണ് ലിയോയിൽ ചെയ്തിരിക്കുന്നത് എന്നതിൽ ആർക്കും തർക്കമുണ്ടാവില്ല.
ലിയോയിലെ ഹൈനയുമായുള്ള രംഗങ്ങൾ കാണുമ്പോഴൊക്കെ ഇതൊരു വിഎഫ്എക്‌സ് വർക്കാണെന്ന് പ്രേക്ഷകർ മറന്നുപോകുന്നുണ്ട്. MPC ഫിലിംസിന്റെ ക്വാളിറ്റി തന്നെയാണ് അതിനു കാരണം. ലയൺ കിങിനും ജംഗിൾ ബുക്കിനുമൊക്കെ വേണ്ടി ഇവർ മുൻപും ഹൈനയെ ഉണ്ടാക്കിയിട്ടുണ്ട്. അതുകൊണ്ട് തന്നെയാവണം ഇത്രയും ഒറിജിനാലിറ്റിയോടെ ഹൈനയെ അവതരിപ്പിക്കാൻ കഴിഞ്ഞത്. വെറുതെ ഒരു വൈൽഡ് അനിമലിനെ കഥയിലേക്ക് ചേർക്കുകയല്ല, മറിച്ച് കഥാപരിസരത്തോടും ചേർന്ന് നിൽക്കുന്ന രീതിയിലാണ് ലോകേഷ് ഹൈനയെ പ്ലേസ് ചെയ്തിരിക്കുന്നത്. Moving Picture Company എന്നാണ് MPC ഫിലിംസിന്റെ മുഴുവൻ പേര്. 3 തവണ ഓസ്കർ നേടിയിട്ടുണ്ട്. അതിലൊന്ന് എന്ന 1917 ചിത്രമാണ്. മറ്റൊന്ന് ജംഗിൾ ബുക്കും മൂന്നാമത്തേത് ലൈഫ് ഓഫ് പൈയുമാണ്.
MPC യുടെ ഹെഡ് ക്വാർട്ടേഴ്സ് ലണ്ടനിലാണ്. ബാംഗ്ലൂരിലും ബ്രാഞ്ചുണ്ട്. അവിടെയാണ് ലോകേഷ് ലിയോ ചെയ്യിപ്പിച്ചിരിക്കുന്നത്. മൂവായിരത്തിലധികം പേരാണ് വിവിധ സിനിമകൾക്കായി ഇവരുടെ 9 ഓഫീസുകളിലായി ജോലി ചെയ്യുന്നത്. ഒത്ത വലുപ്പമുള്ള ഒരു ആൺ ഹൈനയെയാണ് ലിയോയിൽ കാണിക്കുന്നത്. പൊതുവെ ആൺ ഹൈനയ്ക്കാണ് പെൺ ഹൈനയെക്കാൾ വലിപ്പമുണ്ടാവുക. ഹൈനയുടെ ചോരയൊലിക്കുന്ന മുഖം പലതവണ ലിയോയിൽ എടുത്തുകാണിക്കുന്നുണ്ട്. ബലമുള്ള പല്ലുകളും കീഴ്ത്താടിയെല്ലും ആണ് ഹൈനകൾക്ക് സാധാരണയായി ഉണ്ടാവുക. അത് വ്യക്തമാക്കുന്ന രീതിയിൽ തന്നെയാണ് ഹൈനയ്ക്കൊപ്പമുള്ള വിജയുടെ ഫൈറ്റിൽ ഹൈന കട്ടിയുള്ള ഒരു തടിക്കഷ്ണം കടിച്ചുപിടിക്കുന്നതും അത് കടിച്ചുപൊട്ടിക്കുന്നതുമെല്ലാം ചെയ്‌തെടുത്തിരിക്കുന്നത്.ഹൈനയുടെ വലുപ്പത്തിനും കൃത്യമായ പ്രാധാന്യം വിഷ്വൽ എഫക്ട്‌സിൽ നൽകിയിട്ടുണ്ട്.
ലിയോയിൽ വിഎഫ്എക്‌സ് ചെയ്തിരിക്കുന്നത് MPC ഫിലിംസാണ്. ഈ ടീം ചില്ലറക്കാരല്ല. ദി ലയൺ കിംഗ്, ജംഗിൾ ബുക്ക്, ഹാരി പോട്ടർ, ലൈഫ് ഓഫ് പൈ, ബാറ്റ്മാൻ, ഫാസ്റ്റ് ആൻഡ് ഫ്യൂരിയസ്, ഗോഡ്സില്ല, ട്രാൻസ്‌ഫോർമേഴ്സ് തുടങ്ങി ലോകത്തെ വിസ്മയിപ്പിച്ച ഒട്ടേറെ സിനിമകളുടെ വിഎഫ്എക്‌സ് ചെയ്ത ടീമാണ് MPC ഫിലിംസ്. ഏറ്റവും കൂടുതൽ അനിമേഷനും വിഎഫ്എക്സും ആവശ്യമുള്ള ഡിസ്‌നി ഫാന്റസി ചിത്രങ്ങളും ഇവർ ചെയ്തിട്ടുണ്ട്. ഗെയിം ഓഫ് ത്രോൺസ് പോലെയുള്ള വമ്പൻ സീരീസുകളുടെ പിന്നിലും ഈ ടീമുണ്ട്. ഈ സിനിമകളും സീരീസുമെല്ലാം വിഎഫ്എക്സിന്റെ അനന്തസാധ്യതകളിലൂടെ പ്രേക്ഷകരെ അത്ഭുതപ്പെടുത്തുകയും ത്രില്ലടിപ്പിക്കുകയും ചെയ്തിട്ടുണ്ട്.
Find out more:
click and follow Indiaherald WhatsApp channel