ഇരട്ട കുഞ്ഞുങ്ങളിൽ ഒരാൾ ജനിച്ചപ്പോൾ തന്നെ മരണപ്പെട്ടു, അമ്മയുടെ മരണം മാനസികമായി തളർത്തി, പഴയ വീട്ടിൽ ഒറ്റയ്ക്ക്; നദി കണ്ണകിയുടെ പുതിയ വിശേഷങ്ങൾ! കനകലത അന്തരിച്ചു എന്ന വാർത്തകൾ വന്നപ്പോൾ മുതൽ മലയാളികളിൽ പലരും തെറ്റിദ്ധരിച്ചത് നടി കനക ആണ് അന്തരിച്ചത് എന്നായിരുന്നു. പലരും ഫേസ്ബുക്ക് ഗ്രൂപ്പുകളും പേജുകളും ഉൾപ്പെടെ സമൂഹമാധ്യമങ്ങളിൽ എല്ലാം കനകയുടെ ഫോട്ടോ പോസ്റ്റ് ചെയ്തുകൊണ്ട് ആദരാഞ്ജലികൾ എന്ന് പറയുകയും ചെയ്തു. ഇതിനു ശേഷമാണ് ആരാധകർക്കിടയിൽ വലിയ രീതിയിൽ കനക ഇപ്പോൾ എവിടെ ആണ് എന്ന രീതിയിൽ ആണ് ചർച്ചകൾ കൂടുതലും നടക്കുന്നത്. കഴിഞ്ഞ ദിവസം ആണ് മലയാളത്തിൽ നിരവധി സിനിമകളിൽ അഭിനയിച്ചിരുന്ന നായികമാരിൽ ഒരാളായി തിളങ്ങിയ കനകലത അന്തരിച്ചത്. കനകയുടെ അച്ഛൻ ദേവദാസും അമ്മ ദേവികയും തമ്മിൽ അകന്നു കഴിയുന്നവർ ആയിരുന്നു.
അതുകൊണ്ട് തന്നെ അമ്മയുടെ സംരക്ഷണത്തിൽ വളർന്ന കനകയ്ക്ക് അച്ഛനുമായി അത്ര അടുപ്പമൊന്നും ഉണ്ടായിരുന്നില്ല. ദേവിക പ്രസവിച്ച ഇരട്ടക്കുഞ്ഞുങ്ങളിൽ ഒരാളാണ് കനക. ഒരാൾ പ്രസവസമയത്ത് തന്നെ മരണപ്പെട്ടിരുന്നു. അതുകൊണ്ട് തന്നെ അമ്മ അത്രയേറെ ലാളിച്ചു വളർത്തിയ മകളാണ് കനക. അമ്മയുടെ അപ്രതീക്ഷിത മരണം ഏർപ്പെടുത്തിയ ആഘാതം ആണ് കനകയെ മാനസികമായി തകർത്തത് എന്ന് റിപ്പോർട്ടുകൾ ഉണ്ടായിരുന്നു. ലൈം ലൈറ്റിൽ നിന്നും മാറി നിൽക്കുന്ന കനകയെ കുറിച്ച് അവസാനം ആരാധകർക്ക് ലഭിച്ച വിവരണങ്ങൾ നൽകിയത് നടി കുട്ടി പത്മിനി ആയിരുന്നു. അയല്പക്കത്തുള്ളവരുമായി പോലും ബന്ധമില്ലാതെ അമ്മ വാങ്ങിയ പഴയ വീട്ടിൽ ഒറ്റപ്പെട്ടു കഴിയുകയാണ് കനക എന്നാണ് കുട്ടി പദ്മിനി പറഞ്ഞത്.
ഏകദേശം 13 കോടിയോളം വില വരുന്ന ആ പ്രോപ്പർട്ടി ആണ് കനകയ്ക്കുള്ള ആകെ സ്വത്ത്. വിവാഹം കഴിച്ചിട്ടില്ല, മക്കളില്ല, സഹോദരങ്ങൾ ആരും ഇല്ല, ബന്ധുക്കൾ ഇല്ല എന്നിങ്ങിനെ എല്ലാ രീതിയിലും ഒറ്റപ്പെട്ടു കഴിയുന്ന കനകയോട് ഈ പ്രോപ്പർട്ടി വിറ്റശേഷം ഒരു ഫ്ലാറ്റ് വാങ്ങി അവിടേക്ക് താമസം മാറി നല്ലൊരു ജീവിതം നയിച്ചൂടെ എന്ന് താൻ ഉപദേശിച്ചതായും കുട്ടി പദ്മിനി പറഞ്ഞിരുന്നു. കനക ഇപ്പോഴും ജീവിച്ചിരിക്കുന്നുണ്ട്, മരിച്ചു എന്ന് മുൻപും പല തവണ വ്യാജ വാർത്ത കനകയെ കുറിച്ച് വന്നിട്ടുള്ളതുകൊണ്ട് തന്നെ ഇനിയെങ്കിലും ഈ വ്യാജവാർത്തകൾ ഒഴിവാക്കണം എന്നും ആരാധകർ പറയുന്നുണ്ട്. ഒരുകാലത്ത് സിനിമാ രംഗത്ത് തിളങ്ങി നിന്ന കനക മലയാളി, തമിഴ് പ്രേക്ഷകർക്ക് ഒരുപോലെ പ്രിയപ്പെട്ട നടിയാണ് കനക.
ഗോഡ്ഫാദർ, വിയറ്റ്നാം കോളനി തുടങ്ങിയ സിനിമകളിലൂടെ മലയാളത്തിൽ ജനപ്രീതി നേടിയ കനക തമിഴകത്ത് ഏറെ ശ്രദ്ധിക്കപ്പെട്ടത് കരകാട്ടക്കാരൻ എന്ന സിനിമയിലൂടെയാണ്. അമ്മ ദേവിക ആയിരുന്നു കനകയുടെ ലോകം. കനകയ്ക്ക് വേണ്ടി സിനിമകൾ തിരഞ്ഞെടുക്കുന്നത് പോലും ദേവിക ആയിരുന്നു. അമ്മയുടെ മരണശേഷമാണ് കനക സിനിമയിൽ നിന്നും മാറി നിൽക്കാൻ തുടങ്ങിയതും മാധ്യമങ്ങൾക്ക് മുന്നിൽ പോലും പ്രത്യക്ഷപെടാത്ത തരത്തിൽ ഒളിവ് ജീവിതം നയിക്കാൻ തുടങ്ങിയതും.
Find out more:
click and follow Indiaherald WhatsApp channel