ప్రస్తుతం ఈ కుర్రాడు నటుడిగా పలు సీరియల్స్‌లో, చిత్రాల్లో, వెబ్ సిరీస్‌లలో అలరిస్తున్నాడు. ఇతగాడికి ఫ్యాన్ ఫ్యాలోయింగ్ కూడా బాగానే ఉందండోయ్. అతడు మరెవరో కాదు… బుల్లితెర హీరో 'మానస్ నాగులపల్లి'. ఈయన ప్రస్తుతం ట్రెండింగ్‌లో ఉన్న 'బ్రహ్మముడి' సీరియల్లో హీరోగా నటిస్తున్నాడు. ఇక ఈ హీరోకి అమ్మాయిల ఫాలోయింగ్ కూడా తక్కువేం కాదు. మానస్ చైల్డ్ ఆర్టిస్టుగా మొదటిగా 2004లో మహేష్ బాబు, శ్రియ జంటగా నటించిన 'అర్జున్' లో బాలనటుడిగా వెండితెరకు పరిచయమైయ్యాడు. ఆ తర్వత నరసింహనాయుడు సినిమాలో చైల్డ్ ఆర్టిస్టుగా మెరిశాడు.
కట్ చేస్తే, 2015లో హీరోగా 'ఝలక్' మూవీతో ఎంట్రీ ఇవ్వడం జరిగింది. ఈ క్రమంలో కాయ్ రాజా కాయ్, అతను, ప్రేమికుడా, గోలి సోడా, మొదలైన చిత్రాల్లో నటించి మెప్పించాడు. ఇక వెండితెరపై అలరించిన మానస్ ఆ తర్వాత బుల్లితెరని కూడా విడిచిపెట్టలేదు. భలే ఛాన్సులే, కోయిలమ్మా, కార్తీకదీపం వంటి ధారావాహికల్లో నటించి మెప్పించాడు. దీని తర్వాత తెలుగు బిగ్ బాస్ సీజన్ 5లో కూడా ఎంట్రీ ఇచ్చి ఫ్యాన్స్ బేస్ పెంచుకున్నాడు. ఇటీవలే మాన్షన్ అనే వెబ్ సిరీస్‌లో కూడా నటించాడు. ఈ హీరో గత ఏడాది అనగా, 2023 నవంబర్ 22న శ్రీజ అనే యువతిని పెళ్లి చేసుకున్నాడు. ఫ్యామిలీ లైఫ్ హ్యాపీగా లీడ్ చేస్తూ.. మరోవైపు ప్రొఫిషినల్‌గా కూడా రాణిస్తున్నాడు మానస్. త్వరలో తెలుగులో రెండు బడా సినిమాలలో కీ రోల్స్ చేయబోతున్నాడట!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి