ఈ సందర్భంగా ఆమె మాట్లాడుతూ... ‘‘జయం రవి, నేను కలిసి ‘బ్రదర్‌’ సినిమా కోసం వర్క్‌ చేయడం జరిగింది. ఆ సినిమా ప్రమోషన్స్‌లో భాగంగా చిత్రబృందం రిలీజ్ చేసిన ఫొటో అది. అందులో మేమిద్దరం మెడలో పూలదండలు వేసుకుని ఉంటాం. అది చూసి చాలామంది మాకు ఎంగేజ్‌మెంట్‌ అయిందనుకున్నారు. ఇది నిజమే అనుకోని టాలీవుడ్‌లోని నా స్నేహితులు కాల్స్‌ చేశారు. కంగ్రాట్స్‌ కూడా చెప్పారు. దాంతో అసలు ఏం జరుగుతుందో నాకు అర్థంకాలేదు? పూర్తి విషయం తెలుసుకుని అది కేవలం సినిమాలోని స్టిల్‌ మాత్రమేనని క్లారిటీ ఇచ్చాను. ఆ తర్వాత మా మూవీ టీమ్‌ను తిట్టుకున్నా. వేరే ఫొటో ఏదైనా రిలీజ్ చేయొచ్చు కదా!’’ అని వారిని అడిగాను అని ప్రియాంక మోహన్‌ తెలిపారు.
కాగా ఈ సందర్భంగా మాట్లాడిన ఈ అమ్మడు, ఈ సంఘటన తనకు ఎప్పటికీ గుర్తుండిపోతుందన్నారు. ‘నానీస్‌ గ్యాంగ్‌లీడర్‌’తో టాలీవుడ్‌లోకి ఎంట్రీ ఇచ్చిన ప్రియాంక మోహన్‌ గురించి అందరికీ తెలిసిందే. ప్రస్తుతం ఆమె తెలుగు, తమిళంతో పాటుగా మలయాళంలో కూడా నటిస్తున్నట్టు వార్తలు వస్తున్నాయి. ఇటీవల విడుదలైన ‘సరిపోదా శనివారం’ ఎలాంటి విజయం అందుకుందో తెలిసిందే. ఇందులో భాగం కావడం ఆనందంగా ఉందని ప్రియాంక చెప్పారు. తమ కష్టానికి తగిన ఫలితాన్ని ప్రేక్షకులు కలెక్షన్స్‌ రూపంలో అందించారన్నారు. ప్రస్తుతం ఆమె తెలుగులో ‘ఓజీ’ కోసం వర్క్‌ చేస్తున్న సంగతి విదితమే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి