ఈ సినిమా సంచలన విజయాన్ని అందుకోవడమే కాకుండా ఆస్కార్ అవార్డును సైతం కైవసం చేసుకుంది. తెలుగు సినిమా స్థాయిని ప్రపంచవ్యాప్తంగా పరిచయం చేసిన దర్శకుడు రాజమౌళి. ప్రస్తుతం ఇతను సూపర్ స్టార్ మహేష్ బాబుతో సినిమా చేస్తున్నాడు. మహేష్ బాబు, రాజమౌళి సినిమాపై ఇప్పటికే ప్రేక్షకుల్లో భారీ అంచనాలను నెలకొన్నాయి. మహేష్ బాబుతో జక్కన్న ఎలాంటి సినిమా చేస్తున్నారనేది ప్రతి ఒక్కరికి ఆసక్తిగా ఉంది. ఈ సినిమా షూటింగ్ అతి త్వరలోనే ప్రారంభం కానుంది.
ఇదిలా ఉండగా.... రజనీకాంత్-రాజమౌళి కాంబినేషన్లో రావాల్సిన సినిమా మిస్ అయిందట. కొన్నాళ్ల క్రితం రజినీకాంత్ తో సినిమా తీయాలని రాజమౌళి కథ చెప్పారట. ఆ సినిమా కథ విన్న వెంటనే రజినీకాంత్ ఓకే చేశారట. ఈ సినిమాకు సంబంధించిన ప్రీ ప్రొడక్షన్ పనులన్నీ జరుగుతున్న సమయంలో దర్శకుడు శంకర్ రజినీకాంత్ ను కలిసి రోబో సినిమా కథ చెప్పారట. ఆ సినిమా కథను షారుక్ ఖాన్ కు వినిపించగా రిజెక్ట్ చేశాడట.
ఇక కథ నచ్చడంతో రాజమౌళి సినిమాను రజనీకాంత్ పక్కన పెట్టేసి రోబో సినిమాకు ఓకే చెప్పారు. దీంతో కొంత ప్రీ ప్రొడక్షన్ పనులు జరిగిన ఆ సినిమా అర్ధాంతరంగా మధ్యలోనే ఆగింది. యువ హీరోలకు దీటుగా సినిమాలను తీసుకుంటూ వెళ్తున్న రజినీకాంత్ తో రాజమౌళి సినిమా కనుక వచ్చుంటే అది ఇండస్ట్రీ రికార్డులను బద్దలు కొట్టేదనడంలో ఎలాంటి సందేహం లేదు. వీరిద్దరి కాంబోలో సినిమా మిస్ అయిందని తెలిసి రజనీకాంత్ అభిమానులు బాధపడుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి