19 కేంద్రాలలో 175 రోజులు పూర్తిచేసుకుంది. అలాగే పశ్చిమగోదావరి జిల్లాలోని ఏలూరులోను మినీ.. అంబికా థియేటర్ నరసింహనాయుడు సినిమాతో ప్రారంభమైంది. అప్పటివరకు అంబికా థియేటర్ ఉండగా.. అదే కాంప్లెక్స్ లో మినీ అంబికా థియేటర్‌ను ప్రముఖ పరిశ్రామిక వేత్త బాలయ్యకు అత్యంత సన్నిహితుడు అయిన నిర్మాత అంబికా కృష్ణ.. అంబికా మినీ థియేటర్ కట్టారు. నరసింహనాయుడు సినిమాతోనే ఈ థియేటర్ ప్రారంభమైంది. ఈ సినిమా 50 రోజుల వరకు ప్రతిరోజు 6 నుంచి 7 షోలు విజయవంతంగా ప్రదర్శించారు. ఒక్కోసారి అర్థరాత్రి ఆటలు, ఉదయం 6 షోలు కూడా ప్రత్యేకంగా వేసేవారు.
50 రోజుల వరకు అసలు టిక్కెట్లు దొరకలేదు. అలా 100, 150, 200, 275 రోజులు చివరకు 300 రోజులు మినీ అంబికా థియేటర్లో నరసింహనాయుడు సినిమా విజయవంతంగా ప్రదర్శితమైంది. ఆ తర్వాత ఈ సినిమా ఆడుతుండగానే అదే కాంప్లెక్స్‌లో అంబికా లిటిల్ పేరుతో మరో థియేటర్ కొత్తగా నిర్మించి అందులోకి షిఫ్ట్ చేశారు. అలా అంబికా కాంప్లెక్స్ లో విజయవంతంగా ఏడాది పాటు ఆడిన నరసింహనాయుడు.. ఆ తర్వాత ఏలూరులోని అప్పుడు టూటౌన్‌లో ఉన్న రమా మహల్ థియేటర్ కు షిఫ్ట్ చేశారు. ఆ థియేటర్లో కూడా 40 రోజులపాటు ఆడింది. అక్కడ నుంచి వేదరాజ్ థియేటర్‌కు మార్చారు. ఓవరాల్‌గా ఏలూరులో నరసింహనాయుడు సినిమా 400 కు పైగా రోజులు ప్రదర్శితమైంది. ఏలూరు చరిత్రలో ఇదో అద్భుతమైన రికార్డుగా నిలిచిపోయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి