తన తాజా సినిమాల ఫలితాలు అనుకున్నంతగా రాని కారణంగా, హీరో రామ్ తన నెక్స్ట్ సినిమా ఎంపిక విషయంలో చాలా జాగ్రత్తగా వ్యవహరిస్తున్నాడు. ప్రస్తుతం ఆయన పి. మహేష్ బాబు పచ్చిగొల్ల అనే కొత్త డైరెక్టర్ తో చేతులు కలిపాడు. ఈ నెక్స్ట్ సినిమాలో రామ్ ఒక సైకిల్ పట్టుకుని ఉన్న పోస్టర్ ఇప్పటికే విడుదలైంది. ఈ సినిమాలో ఒక సీనియర్ హీరో కీలక పాత్ర పోషిస్తున్నారు. ఆయన ఈ కథ విని చాలా ఇష్టపడి, తప్పకుండా ఈ సినిమాలో నటించాలని నిర్ణయించుకున్నారట. ఈ సినిమా ఒక ప్రయాణం గురించి ఉంటుందని తెలుస్తోంది.
రామ్ పోతినేని నటిస్తున్న సినిమా కథ అప్పుడే సోషల్ మీడియాలో లీక్ అయినట్లుగా తెలుస్తోంది. దీనిని విన్న ప్రేక్షకులకు తమిళంలో వచ్చిన 'సత్యం... సుందరం' సినిమా గుర్తుకు వస్తోంది. కార్తి, అరవింద్ స్వామి నటించిన ఈ సినిమా కూడా ఇద్దరు హీరోల మధ్య స్నేహాన్ని చూపించింది. రామ్ సినిమా పోస్టర్, కథ కూడా ఈ సినిమాను పోలి ఉందని అభిమానులు అనుకుంటున్నారు. కొంతమంది ఈ సినిమా తెలుగు రీమేక్ అయ్యే అవకాశం ఉందని కూడా అనుమానిస్తున్నారు. 'సత్యం... సుందరం' సినిమా చాలా బాగా ఆడింది. అలాంటి సినిమాను రామ్ కూడా చేస్తున్నాడని తెలిసి అభిమానులు చాలా ఆనందంగా ఉన్నారు. కానీ ఈ సినిమాని ఇప్పటికే చాలామంది చూసి ఉంటారు మళ్ళీ ఇలాంటి సినిమాని చూడడానికి ప్రేక్షకుల ఆసక్తి చూపిస్తారా అనేది దృష్టిలో ఉంచుకోవాలి అయితే మహేష్ బాబు ఈ సినిమాలో కొత్త ఎలిమెంట్స్ యాడ్ చేసి ప్రేక్షకులను థియేటర్లకు రప్పించే లాగా చేయవచ్చు ఇది హిట్ అయితే రామ్ కెరీర్ మళ్ళీ గాడిలో పడుతుంది అతను పాన్ ఇండియా రేస్ లో చేరే అవకాశం కూడా ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి