నవంబర్ 28న సెన్సార్ బోర్డు తెలుగు వెర్షన్‌ను పరిశీలించి, కొన్ని మార్పులు చేయాలని సూచించింది. ముఖ్యంగా “r*i” అనే పదం మూడు సార్లు వచ్చిన చోట ఆ పదాన్ని తీసివేయాలని, “D*g*dd*”, “వెంకటేశ్వర్” అనే పదాలను కూడా తొలగించాలని సూచించారు. లపాకీ, భగవంతుడు వంటి పదాలతో వాటిని రీప్లే చేయాలని సూచించింది. అంతే కాదు ఒక పదానికి రీప్లేస్ చెప్పలేక దాన్ని మ్యూట్ చేయాలని సూచించారు.
అలానే సెన్సార్ బోర్డు, పుష్ప 2 సినిమాలోని రెండు హింసాత్మక దృశ్యాలను మార్చాలని సూచించింది. ఒక సన్నివేశంలో కాలు గాల్లో ఎగురుతూ ఉన్న దృశ్యాన్ని తొలగించారు. మరో సన్నివేశంలో హీరో చేతిలో కోసిన చేయి ఉండే దృశ్యంలో, ఆ చేయి కనిపించకుండా హీరోపైనే దృష్టి పెట్టాలని చెప్పారు. ఈ మార్పుల తర్వాతే సినిమాకు యు/ఎ సర్టిఫికేట్ లభించింది.
పుష్ప 2 సినిమా రన్‌టైమ్ 3 గంటలు 20 నిమిషాలు 38 సెకన్లు. అంటే, మొదటి భాగం కంటే 40 నిమిషాలు ఎక్కువ. గతేడాది విడుదలైన ‘యానిమల్’ సినిమా రన్‌టైమ్ 203 నిమిషాలు కాగా, పుష్ప 2 రన్‌టైమ్ దాదాపు అంతే ఉండటం విశేషం. పుష్ప 2 సినిమా మొదటి భాగంలాగే బాక్సాఫీస్ వద్ద విజయం సాధిస్తుందా అని ప్రేక్షకులు ఆసక్తిగా ఎదురు చూస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి