జూనియర్ ఎన్టీఆర్ బాలీవుడ్ డెబ్యూ మూవీ వార్ 2. ఈ సినిమాలో ఎన్టీఆర్ తో పాటు మరో హీరోగా బాలీవుడ్ అగ్ర కథానాయకుడు హృతిక్ రోషన్ నటిస్తున్నాడు. బ్రహ్మాస్ర ఫేమ్ అయాన్ ముఖర్జీ ఈ మూవీకి దర్శకత్వం వహిస్తుండగా యష్ రాజ్ ఫిలిమ్స్ సంస్థ భారీ బడ్జెట్ తో నిర్మిస్తోంది. స్పై యూనివర్స్ లో భాగంగా ఈ సినిమా రూపుదిద్దుకుంటోంది.వార్ -2 మూవీ షూటింగ్ ఇటీవలే ప్రారంభం అయ్యింది. ఎన్టీఆర్, హృతిక్ రోషన్ లేని సన్నివేశాలను దర్శకుడు అయాన్ ముఖర్జీ చిత్రీకరించాడు. ఎన్టీఆర్, హృతిక్ రోషన్ డిసెంబర్ లేదా జనవరిలో సెట్స్ లో అడుగుపెట్టనున్నారు. కాగా, తాజాగా ఈ సినిమా రిలీజ్ డేట్ ని కూడా యష్ రాజ్ ఫిలింస్ ప్రకటించింది. 2025 ఆగస్టు 14న విడుదల చేయబోతున్నట్టు ఆ సంస్థ అధికారికంగా ప్రకటించింది.ఆ రోజు గురువారం కాగా, ఇండిపెండెన్స్ డే కలుపుకొని సుదీర్ఘమైన నాలుగు రోజుల వీకెండ్ దొరకనుంది. ఎన్టీఆర్ ప్రస్తుతం కొరటాల శివ దర్శకత్వంలో దేవర అనే సినిమాలో నటిస్తున్నాడు. ఈ సినిమా వచ్చే ఏడాది ఏప్రిల్ 5న విడుదల కానుంది. దేవర షూటింగ్ ముగిసిన తర్వాత వార్ -2తో పాటు ప్రశాంత్ నీల్ దర్శకత్వంలో చేస్తున్న సినిమాను కూడా సమాంతరంగా మొదలు పెట్టాలని ఎన్టీఆర్ భావిస్తున్నట్లు తెలుస్తోంది.ఇదిలావుండగా వార్2 సినిమాకు ఒక ఫైట్ హైలెట్ కానుందని ఇండస్ట్రీ వర్గాల్లో వినిపిస్తుండటం గమనార్హం.వార్2 సినిమాలో తారక్ హృతిక్ మధ్య 15 నినిమిషాల ఫైట్ ఉంటుందని ఈ ఫైట్ హ్యాండ్ టు హ్యాండ్ ఫైట్ అని 15 నిమిషాలు అభిమానులకు పూనకాలే అని సమాచారం అందుతోంది. వార్2 సినిమాకు అయాన్ ముఖర్జీ దర్శకుడు కాగా ఈ సినిమాలో ఇంట్రడక్షన్ సీన్ నుంచి క్లైమాక్స్ సీన్ వరకు ప్రతి సీన్ వేరే లెవెల్ లో ఉంటుందని సమాచారం అందుతోంది.ఈ నేపథ్యంలో వార్ -2లో ఎన్టీఆర్ నెగటివ్ షేడ్స్ ఉన్న పాత్ర చేస్తున్నాడనే లీక్ ఇప్పటికే చక్కర్లు కొడుతోంది. యష్ రాజ్ ఫిలిమ్స్ నిర్మించే సినిమాల్లో హీరో పాత్ర కంటే విలన్ పాత్రే పవర్ ఫుల్ గా చూపిస్తుండడంతో ఎన్టీఆర్ ని కూడా అదే రేంజ్ లో చూపిస్తారని ఫ్యాన్స్ భావిస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

waartwo

murali krishna

29/11/2024 04:00 PM