మెగా పవర్ స్టార్ రామ్ చరణ్ తాజాగా గేమ్ చేంజర్ అనే సినిమాలో హీరోగా నటించిన విషయం మనకు తెలిసిందే. కియార అద్వానీ ఈ మూవీ లో హీరోయిన్గా నటించగా ... శంకర్ ఈ సినిమాకు దర్శకత్వం వహించాడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఎంతో భారీ బడ్జెట్ తో ప్రతిష్టాత్మకంగా ఈ మూవీ ని నిర్మించాడు. ఇకపోతే ఈ సినిమాలో ఎస్ జె సూర్య విలన్ పాత్రలో కనిపించనుండగా ... అంజలి , సునీల్ , శ్రీకాంత్ , నవీన్ చంద్ర , జయరాం ఈ మూవీలో ముఖ్య పాత్రాల్లో కనిపించబోతున్నారు.

ఎస్ జై సూర్య ఈ మూవీ లో ప్రధాన ప్రతినాయకుడి పాత్రలో కనిపించనున్నాడు. ఈ మూవీ ని వచ్చే సంవత్సరం జనవరి 10 వ తేదీన విడుదల చేయనున్నట్లు ఈ మూవీ మేకర్స్ కొన్ని రోజుల క్రితమే ప్రకటించారు. ఇకపోతే ఈ సినిమా విడుదల తేదీ దగ్గర పడుతున్న నేపథ్యంలో ఈ మూవీ బృందం వారు వరుసగా ప్రచారాలను నిర్వహిస్తున్నారు. అందులో భాగంగా ఇప్పటికే ఈ సినిమా నుండి మేకర్స్ మూడు పాటలను , ఒక టీజర్ను విడుదల చేసింది. వీటికి మంచి రెస్పాన్స్ జనాల నుండి లభించింది. ఈ సినిమాలో చరణ్ రెండు పాత్రలలో కనిపించబోతున్నాడు ఒక పాత్రలో తండ్రిగానూ , మరొక పాత్రలో కొడుకు గానూ కనిపించనున్నాడు. ఇక తండ్రి పాత్రలో కనిపించబోయే చరణ్ కి అంజలి జోడిగా కనిపించబోతున్నట్లు తెలుస్తోంది. వీరిద్దరి మధ్య ఒక సాంగ్ను చిత్రీకరించినట్లు , దానిని కూడా మరికొన్ని రోజుల్లోనే మేకర్స్ విడుదల చేయనున్నట్లు కొన్ని రోజుల క్రితం వార్తలు వచ్చాయి.

ఇక ప్రస్తుతం ఈ మూవీ బృందం చరణ్ , అంజలి పై చిత్రీకరించిన సాంగ్ యొక్క లిరికల్ వీడియోను విడుదల చేయకూడదు అని ఆలోచనకు వచ్చినట్లు తెలుస్తుంది. అందుకు ప్రధాన కారణం వీరిద్దరి మధ్య వచ్చే సాంగ్ రిలీజ్ చేస్తే సినిమా కథ కూడా బయటికి తెలిసే అవకాశం ఉంది అని భావించడంతో చరణ్ , అంజలి పై తెరకెక్కించిన సాంగ్ను విడుదల చేయకూడదు అనే అభిప్రాయానికి మేకర్స్ వచ్చినట్లు తెలుస్తుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Charan

Pulgam Srinivas

30/11/2024 11:24 AM