ఇక ఓ ప్రైవేట్ కార్యక్రమంలో పాల్గొన్న హీరోయిన్ శ్రీలీల సినీ నటుడు అల్లు అర్జున్ అరెస్ట్ పై స్పందించారు. ఆ ఘటన జరగడం దురదృష్టకరమని అన్నారు. అల్లు అర్జున్ అరెస్ట్ అవ్వడంతో చాలా కంగారు పడ్డామని చెప్పుకొచ్చారు. ఆయన జైలు నుంచి బయటకి రావడంతో రిలీఫ్ అయ్యమని తెలిపారు. జరిగిన సంఘటనకు ఒక్కరినే బాధ్యుడిని చేస్తారా అని ఆమె ప్రశ్నించారు.
శ్రీ లీలతో పాటు కేటీఆర్, కేంద్ర మంత్రి బండి సంజయ్, గోషామహల్‌ ఎమ్మెల్యే రాజాసింగ్‌, నటి రష్మిక మందన్న, డైరెక్టర్స్ సుకుమార్, కే.రాఘవేంద్రరావు, రామ్ గోపాల్ వర్మ, హీరో రానా దగ్గుబాటి, న్యాచురల్ స్టార్ నాని మరికొందరు సినీ ప్రముఖులు, రాజకీయ నాయకులు స్టార్ హీరో అల్లు అర్జున్ అరెస్ట్ ను ఖండించారు.
నేడు ఉదయం ఐకన్ స్టార్ అల్లు అర్జున్ చంచల్‌గూడ జైలు నుంచి విడుదలైన సందర్బంగా అభిమానులు, సినీ ప్రముఖులు ఆయన నిలయానికి వచ్చి పరమర్శిస్తున్నారు. జైలు నుంచి ఇంటికి వచ్చిన అల్లు అర్జున్ కీలక వ్యాఖ్యాలు చేశారు. తాను చట్టాన్ని గౌరవిస్తానని.. విచారణకు సహకరిస్తానని అన్నారు. తనకు మద్దతు తెలిపిన అందరికి ధన్యవాదాలు తెలిపారు.తాను బాగానే ఉన్నానని.. ఆందోళన చెందాల్సిన పనిలేదని అన్నారు. కేసు కోర్టు పరిధిలో ఉందని ఐకన్ స్టార్ అల్లు అర్జున్ తెలిపారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి