നാലടി ഉയരമുള്ള മതിൽ ചാടി, സെയ്ഫ് അലി ഖാൻ്റെ ഫ്ലാറ്റിലേക്ക് പ്രതി എത്തിയത് ഇങ്ങനെ! പുതുവത്സരത്തലേന്ന് താമസസ്ഥലമായ വോർളിയിലെ ഖോലിവാഡയിൽനിന്ന് ബാന്ദ്രയിൽ എത്തിയ പ്രതി ഓട്ടോറിക്ഷയിൽ സഞ്ചരിച്ച് ബിസിനസുകാരുടെയും സെലിബ്രിറ്റികളുടെയും വീടുകൾ മനസ്സിലാക്കിയെന്ന് പോലീസ് പറഞ്ഞു.ബോളിവുഡ് താരം സെയ്ഫ് അലി ഖാൻ്റെ ഫ്ലാറ്റിലേക്ക് കടക്കുംമുൻപ് അതേ കെട്ടിടത്തിലെ മറ്റൊരു ഫ്ലാറ്റിൽ പ്രവേശിക്കാൻ ശ്രമിച്ചതായി പ്രതി മുഹമ്മദ് ഷെരീഫുൾ ഇസ്ലാം ഷെഹ്സാദിൻ്റെ മൊഴി. എന്നാലിത് പരാജയപ്പെട്ടതോടെയാണ് സെയ്ഫ് അലി ഖാൻ്റെ വീട്ടിലേക്ക് ഡക്ട് വഴി എത്തിയതെന്ന് പ്രതി പോലീസിനോട് വെളിപ്പെടുത്തി. സിസിടിവി ദൃശ്യങ്ങൾ കേന്ദ്രീകരിച്ച് പോലീസ് നടത്തിയ അന്വേഷണമാണ് ബംഗ്ലാദേശ് പൗരനായ മുഹമ്മദ് ഷെരീഫുൾ ഇസ്ലാം ഷെഹ്സാദി (30) ലേക്ക് എത്തിയത്.
ആക്രമണത്തിന് പിന്നാലെ ഇയാൾ താനെയിലെ ലേബ‍ർ ക്യാംപിൽ ഒളിവിൽ കഴിയുകയായിരുന്നു. പ്രതിയിൽനിന്ന് ഒന്നിലധികം കുത്തേറ്റ് ഗുരുതര പരിക്കേറ്റ സെയ്ഫ് അലി ഖാൻ ബാന്ദ്രയിലെ ലീലാവതി ആശുപത്രിയിൽ ചികിത്സയിൽ തുടരുകയാണ്. വാച്ച്മാൻ മയങ്ങിയ സമയം നോക്കി സമീപത്തുള്ള കെട്ടിടത്തിൻ്റെ നാലടി ഉയരമുള്ള മതിൽ ചാടിക്കടന്ന് പ്രതി സദ്ഗുരു ഷരൺ കെട്ടിടത്തിൻ്റെ കോംപൗണ്ടിൽ പ്രവേശിച്ചു. 12 അടി മുകളിലുള്ള ഡക്ടിലേക്ക് പ്രവേശിക്കാനായി പരിസരത്ത് കിടന്ന കോവണി ഉപയോഗിച്ചു. പിന്നീട് പൈപ്പ്ലൈനിലൂടെ വലിഞ്ഞുകയറി. നാലാം നിലയിൽ ഡക്ടിൽവെച്ചിരുന്ന മെഷ് നീക്കിയ ശേഷം ഫയ‍ർ എസ്കേപ്പ് സ്റ്റെയ‍ർവെല്ലിൽ പ്രവേശിച്ച് അതുവഴി 10-ാം നിലയിൽ എത്തി. ഇതിനിടെ, ആറാം നിലയിലുള്ള സിസിടിവി കാമറയിൽ പ്രതിയുടെ മുഖം പതിഞ്ഞു.
10-ാം നിലയിൽനിന്ന് വീണ്ടും ഡക്ടിൽ പ്രവേശിച്ച് ശുചിമുറിയിലെ ജനാല വഴി സെയ്ഫ് അലി ഖാൻ്റെ ഫ്ലാറ്റിലേക്ക് പ്രവേശിച്ചു. 11-ാം നിലയിലുള്ള സെയ്ഫ് അലി ഖാൻ്റെ ഫ്ലാറ്റിൽ ആക്രമണം നടത്തിയ പ്രതി, പുലർച്ചെ 2:30ഓടെയാണ് രക്ഷപ്പെട്ടത്. ഒന്നാം നിലയിൽനിന്ന് 12 അടി താഴ്ചയിൽ നിലത്തേക്ക് ചാടിയാണ് ഇയാൾ സ്ഥലത്തുനിന്ന് കടന്നുകളഞ്ഞത്.പോലീസിനെ ഉദ്ധരിച്ചുള്ള റിപ്പോർട്ട് ഇങ്ങനെ; ജനുവരി 16ന് പുലർച്ചെ ബാന്ദ്രയിൽ എത്തിയ പ്രതി കാൽനടയായി രണ്ട് മണിക്കൂർ സഞ്ചരിച്ച് ഘർ മേഖലയിലും പിന്നീട് സെയ്ഫ് അലി ഖാൻ കുടുംബത്തോടൊപ്പം താമസിക്കുന്ന സദ്ഗുരു ഷരൺ കെട്ടിടത്തിന് സമീപവും എത്തി. സിസിടിവി കാമറകൾ ഇല്ലാത്ത റോഡുകളിലൂടെയാണ് ഇയാൾ നടന്നത്. 13 നില കെട്ടിടത്തിൻ്റെ മുകളിലത്തെ നാല് നിലകളിലാണ് സെയ്ഫ് അലി ഖാൻ താമസിക്കുന്നത്.
Find out more:
click and follow Indiaherald WhatsApp channel