അദ്ദേഹം പറഞ്ഞത് വളരെ സത്യമാണ്! ദുൽഖറിൽ നിന്ന് കിട്ടിയ അനുഭവം പങ്കു വച്ച് നിതിൻ തോമസ്! ഒരു ഫേസ്ബുക്ക് കമന്റിലൂടെയാണ് നിതിന് സിനിമിലേക്കുള്ള വലിയ വാതിൽ തുറക്കപ്പെട്ടത്. സിനിമ കൂട്ടായ്മായ ഫേസ്ബുക്ക് പേജിൽ പുതുമുഖങ്ങളെ നായകന്മാരാക്കി സിനിമ ചെയ്താൽ വിജയ്ക്കുമോ എന്ന ചോദ്യത്തിന് നിതിൻ നൽകിയ മറുപടി ലിറ്റിൽ മാസ്റ്റർ എന്ന സിനിമയുടെ എഴുത്തുകാരൻ മഹേഷ് മിത്ര കണ്ടു. ആ കമന്റിൽ നിന്നാണ് ലിറ്റിൽ മാസ്റ്റർ എന്ന സിനിമയിലേക്ക് അവസരം വന്നത്. പിന്നീട് കിട്ടിയ അവസരങ്ങൾ എല്ലാം ഓഡിഷനിലൂടെയാണ് എന്ന് നിതിൻ പറയുന്നു.ചെറിയ ചെറിയ വേഷങ്ങളിലൂടെ മലയാള സിനിമയിൽ കാലുറപ്പിക്കുകയാണ് നിതിൻ തോമസ്. ലിറ്റിൽ മാസ്റ്റർ, നിശബ്ദം, ആഹ, സല്യൂട്ട്, ക്രിസ്റ്റഫർ, തുണ്ട് തുടങ്ങിയ നിരവധി സിനിമകളിൽ ഇതിനോടകം നിതിൻ അഭിനിച്ചു കഴിഞ്ഞു.
ഇന്ന് ചെറിയ റോളുകൾ മാത്രമേ ചെയ്യുന്നുള്ളൂ എങ്കിലും, മികച്ച റോളുകളുമായി ഞാൻ മുന്നോട്ട് വരും, നല്ല സിനിമകളുടെ ഭാഗമാകും എന്ന് ആത്മവിശ്വാസത്തോടെ നിതിൻ പറയുന്നു. സമയം മലയാളത്തിന് നൽകിയ അഭിമുഖത്തിൽ സംസാരിക്കുകയായിരുന്നു നിതിൻ. ഗ്രാഫിക് ഡിസൈനറായിരുന്നു നിതിൻ. ആ ജോലി വേണ്ട എന്ന് വച്ചിട്ടാണ് അഭിനയത്തിലേക്ക് വന്നത്. അത്രയധികം സിനിമയെയും അഭിനയത്തെയും പ്രണയിക്കുന്നു. അതുകൊണ്ട് തന്നെ തനിക്ക് എന്തെങ്കിലും നേടാൻ സാധിക്കും എന്ന് തന്നെയാണ് നിതിന്റെ വിശ്വാസം. അതിന് കുടുംബത്തിന്റെ നല്ല പിന്തുണയുമുണ്ട്. അതില്ലായിരുന്നുവെങ്കിൽ, വാശിപ്പുറത്ത് ഞാൻ എത്തിയേനെ. പക്ഷേ ഇത്രയും പോസിറ്റീവായി എനിക്ക് സമീപിക്കാൻ സാധിക്കുമായിരുന്നില്ല.
ഭാര്യ ഐടി ഉദ്യോഗസ്ഥയാണ്, അവൾ കാര്യങ്ങൾ എല്ലാം മാനേജ് ചെയ്യുന്നത് കാരണം എനിക്ക് കൂടുതൽ ഫോക്കസ് ആയി ഇതിൽ തുടരാൻ സാധിക്കുന്നു. ഇപ്പോൾ ഞാൻ തേടി പോകുന്ന അവസരങ്ങളാണ്, അവസരങ്ങൾ എന്നെ തേടി വരുന്ന രീതിയിലേക്ക് വളരണം എന്നാണ് ആഗ്രഹം- നിതിൻ തോമസ് പറഞ്ഞു. ദുൽഖറിനൊപ്പം ഒരു സിനിമ ചെയ്യാൻ കഴിഞ്ഞതും ഭാഗ്യമായി കാണുന്നു എന്ന് നിതിൻ പറയുന്നു. സല്യൂട്ട് എന്ന ചിത്രത്തിലാണ് ചെറിയ ഒരു റോൾ ചെയ്യാൻ അവസരം ലഭിച്ചത്. പ്രായത്തെക്കാൾ വളരെ ചെറുപ്പം തോന്നിക്കുന്ന മനുഷ്യനാണ് ദുൽഖർ. കൂടെ നിന്ന് ഒരു ഫോട്ടോ എടുക്കണം എന്ന ആഗ്രഹമുണ്ടായിരുന്നു.
പക്ഷേ അദ്ദേഹത്തെക്കാൾ വലിയൊരു മനുഷ്യൻ അടുത്ത് നിൽക്കുന്നത് കാരണം മടിച്ചു, അദ്ദേഹം എല്ലാവരെയും തടയുകയായിരുന്നു. പക്ഷേ പിന്നീട് ദുൽഖർ തന്നെ പറഞ്ഞിട്ട്, കൂടെ നിന്ന് ഒരു ഫോട്ടോ എടുക്കാൻ പറ്റി.ക്രിസ്റ്റഫർ എന്ന ചിത്രത്തിന്റെ ഷൂട്ടിങ് സമയത്ത് മമ്മൂട്ടി നൽകിയ ഒരു മറുപടിയെ കുറിച്ചും നിഥിൻ സംസാരിക്കുന്നുണ്ട്. മമ്മൂക്കയ്‌ക്കൊപ്പമുള്ള ഒരു ഷോട്ടിന് ശേഷം അദ്ദേഹം അടുത്ത് വന്ന് കൈ തന്നിട്ട് പേര് ചോദിച്ചു, ആർട്ടിസ്റ്റാണോ എന്നും ചോദിച്ചു. തിരിഞ്ഞ് നടന്ന മമ്മൂക്കയോട്, സ്ട്രഗിളിങ് ആക്ടറാണ് എന്ന് നിതിൻ പറഞ്ഞു. അദ്ദേഹം നമ്മൾ എല്ലാവരെയും നിരീക്ഷിക്കുന്നുണ്ട്, അതുകൊണ്ട് തന്നെ ഏതെങ്കിലും രീതിയിലുള്ള പരിഗണന കിട്ടിയേക്കുമോ എന്ന പ്രതീക്ഷയിലായിരുന്നു നിതിൻ അങ്ങനെ പറഞ്ഞത്.
Find out more:
click and follow Indiaherald WhatsApp channel