ഞാൻ സന്തോഷം കണ്ടെത്തുന്നത് ഇങ്ങനെയാണ്; മഞ്ജു വാര്യരുടെ വിശേഷങ്ങൾ! സിനിമ വിട്ടാലും നൃത്തം ഒപ്പമുണ്ടാവണമെന്നായിരുന്നു അച്ഛൻ മകളോട് പറഞ്ഞത്. ഇടക്കാലത്ത് സിനിമയിൽ നിന്നും മാറി നിന്നപ്പോൾ തിരിച്ചുവരവിന് കാരണമായും നൃത്തമായിരുന്നു. ഗുരുവായൂരിലെ നൃത്തം കാണാൻ സിനിമാലോകത്തുള്ളവരും എത്തിയിരുന്നു. രണ്ടാംവരവിൽ മികച്ച സ്വീകാര്യതയും പിന്തുണയുമായിരുന്നു മഞ്ജുവിന് ആരാധകർ നൽകിയത്. വ്യക്തി ജീവിതത്തിലെ അപ്രതീക്ഷിത പ്രതിസന്ധികളിൽ ശക്തമായ സപ്പോർട്ടായിരുന്നു ആരാധകർ നൽകിയത്. വിവാഹമോചനത്തെക്കുറിച്ചും, മകളെക്കുറിച്ചുമൊക്കെയുള്ള ചർച്ചകൾ നടക്കുമ്പോഴും മഞ്ജു മൗനം പാലിക്കുകയായിരുന്നു. മഞ്ജുവുമായി പ്രണയത്തിലായിരുന്നുവെന്നും, ചിലരുടെ ഇടപെടലിലൂടെയാണ് കാര്യങ്ങളെല്ലാം മാറിമറിഞ്ഞതെന്നും ആരോപിച്ച് സംവിധായകൻ എത്തിയത് വാർത്തയായിരുന്നു.
സോഷ്യൽമീഡിയയിലൂടെയായി മഞ്ജുവിനെക്കുറിച്ച് പോസ്റ്റുകളെല്ലാം വരുന്നുണ്ടായിരുന്നു. എന്നാൽ അതേക്കുറിച്ചൊന്നും താരം പ്രതികരിച്ചിരുന്നില്ല. മലയാളത്തിന്റെ സ്വന്തം താരമാണ് മഞ്ജു വാര്യർ. കലോത്സവ വേദിയായിരുന്നു മഞ്ജുവിനെ സിനിമയിലെത്തിച്ചത്. കുട്ടിക്കാലത്ത് തന്നെ നൃത്ത പഠനവുമായി സജീവമായിരുന്നു നടി. സാക്ഷ്യം എന്ന സിനിമയിലൂടെയായിരുന്നു മഞ്ജു അഭിനയിച്ച് തുടങ്ങിയത്. സല്ലാപത്തിലൂടെയായിരുന്നു നായികയായത്. ആദ്യ ചിത്രം ശ്രദ്ധേയമായതോടെ നിരവധി അവസരങ്ങളായിരുന്നു മഞ്ജുവിന് ലഭിച്ചത്. സിനിമയിൽ അഭിനയിച്ച് തുടങ്ങിയ കാലത്ത് തന്നെ തമിഴിൽ നിന്നുള്ള അവസരങ്ങളും മഞ്ജുവിനെ തേടിയെത്തിയിരുന്നു. അടുത്തിടെയായിരുന്നു തമിഴിൽ സാന്നിധ്യം അറിയിച്ചത്.
അജിത്തിനൊപ്പം അഭിനയിച്ചപ്പോഴായിരുന്നു ബൈക്ക് റൈഡിനെക്കുറിച്ച് കൂടുതൽ മനസിലാക്കിയത്. അദ്ദേഹം നല്ലൊരു റൈഡറാണ്, അങ്ങനെയാണ് ഒപ്പം കൂടി യാത്രകൾ നടത്തിയത്. ആ വിശേഷങ്ങളും മഞ്ജു പങ്കുവെച്ചിരുന്നു. സുഹൃത്തുക്കളോടൊപ്പമുള്ള യാത്രകള് എന്നും രസകരമാണ്, സന്തോഷത്തോടെയാണ് എപ്പോഴും യാത്രകള് പോവാറുള്ളത്. വീണ്ടും മുന്നേറാനുള്ള പ്രചോദനം നല്കുന്നത് യാത്രകളാണെന്നും മഞ്ജു പറഞ്ഞിരുന്നു. യാത്രകളിലാണ് ഞാൻ സന്തോഷം കണ്ടെത്താറുള്ളത് എന്ന ക്യാപ്ഷനോടെയാണ് ചിത്രങ്ങൾ പങ്കുവെച്ചിട്ടുള്ളത്. മുടിയിൽ ചില പരീക്ഷണങ്ങൾ നടത്തിയിട്ടുണ്ട് ഇത്തവണ.
അതിന്റെ മാറ്റങ്ങൾ കാണാനുണ്ടെന്നായിരുന്നു ആരാധകർ പറഞ്ഞത്. ഇതിനകം തന്നെ ചിത്രങ്ങൾ വൈറലായിക്കഴിഞ്ഞിട്ടുണ്ട്. ജീവിതം ആസ്വദിക്കാനുള്ളതാണ്. മനോഹരം, ജീവിതത്തിൽ യാത്രകളിലൂടെ സന്തോഷം കണ്ടെത്തുന്ന ചേച്ചി. മഞ്ജു ചേച്ചി റോക്‌സ്, നിങ്ങളുടെ ഫോട്ടോഗ്രാഫറും സ്റ്റൈലിസ്റ്റും നന്നായി വർക്ക് ചെയ്യുന്നുണ്ടെന്നുമായിരുന്നു കമന്റുകൾ.വ്യക്തി ജീവിതത്തിലെ കാര്യങ്ങളെല്ലാം സ്വകാര്യമായി തന്നെ ഇരിക്കട്ടെ എന്ന നിലപാടാണ് മഞ്ജുവിന്റേത്. അത്തരം ചോദ്യങ്ങൾ കേട്ടാലും പ്രതികരിക്കാറില്ല. ഇത്തവണയും അതേ നിലപാട് തന്നെയാണ് മഞ്ജുവിന്റേത്. യാത്രകൾ ഏറെയിഷ്ടപ്പെടുന്ന ആളാണ് മഞ്ജു. വിശേഷങ്ങളെല്ലാം സോഷ്യൽമീഡിയയിലൂടെ പങ്കിടാറുണ്ട്.
Find out more:
click and follow Indiaherald WhatsApp channel