എല്ലാം സഹിച്ച്, ക്ഷമിച്ച് മുന്നോട്ട് പോവുന്നതിന് കാരണം അതാണ്; കുടുംബ ജീവിതത്തെക്കുറിച്ച് സുമ ജയറാം! ഭർത്താവ് ലല്ലുഷും ഇരട്ടക്കുട്ടികളായ ആന്റണിയും ജോജുവുമാണ് സുമയുടെ ലോകം. മക്കളുടെ വിശേഷങ്ങളും വീഡിയോയിലൂടെ കാണിക്കാറുണ്ട്്. മെയ്ഡുകളുടെ സഹായവും കൂടെയുണ്ട്. മക്കളെ നോക്കുന്നവരെയും വീഡിയോകളിൽ കാണിക്കാറുണ്ട്. 38 വയസുവരെ വിവാഹം വേണ്ടെന്ന് വെച്ചതായിരുന്നു. പിന്നീടാണ് തീരുമാനം മാറിയതെന്ന് അവർ തുറന്നുപറഞ്ഞിരുന്നു. വിവാഹ ജീവിതത്തെക്കുറിച്ചും, ഭർത്താവിനെക്കുറിച്ചുമൊക്കെയുള്ള തുറന്നുപറച്ചിൽ വൈറലായിരുന്നു. യൂട്യൂബ് ചാനലിലൂടെയായി വിശേഷങ്ങളെല്ലാം പങ്കിട്ട് സജീവമാണ് സുമ ജയറാം. ഒരുകാലത്ത് സിനിമയിൽ സജീവമായിരുന്ന നടി ഇപ്പോൾ കുടുംബിനിയായി ജീവിതം ആഘോഷമാക്കുകയാണ്. ഭർത്താവ് ലല്ലുഷും ഇരട്ടക്കുട്ടികളായ ആന്റണിയും ജോജുവുമാണ് സുമയുടെ ലോകം.
അറേഞ്ച്ഡ് മാര്യേജിലൂടെയായിരുന്നു സുമയും ലല്ലുഷും ഒന്നായത്. വിവാഹം കഴിഞ്ഞപ്പോൾ അത്ര നല്ല അനുഭവങ്ങളായിരുന്നില്ല ലഭിച്ചത്. കുട്ടിക്കാലം മുതലേ വേദന അനുഭവിച്ച് വളർന്നതാണ്. വിവാഹിതയായപ്പോഴും സമാനമായ അവസ്ഥയിലൂടെ കടന്നുപോവേണ്ടി വന്നിട്ടുണ്ട് ചില കാര്യങ്ങളിൽ മനസ് ഇപ്പോഴും വേദനിക്കാറുണ്ട്. മക്കളുടെ ജീവിതത്തിനാണ് ഇപ്പോൾ പ്രഥമ പരിഗണന. അതിനിടയിൽ എല്ലാം മറക്കും. അവരുടെ കാര്യങ്ങളും പാചക പരീക്ഷണങ്ങളും പെറ്റ്‌സുമൊക്കെയായി എല്ലാം മറന്ന് അങ്ങനെ പോവുന്നു.ലല്ലുഷിന്റെ പപ്പയോട് സ്‌നേഹവും ബഹുമാനവുമുണ്ട്. അദ്ദേഹത്തെ ഓർത്താണ് എല്ലാം സഹിച്ച് മുന്നോട്ട് പോവുന്നതെന്നും സുമ വ്യക്തമാക്കിയിരുന്നു. അദ്ദേഹം ഭാര്യയോടും മക്കളോടുമൊക്കെ പെരുമാറുന്നത് കണ്ട് ബഹുമാനം തോന്നിയിരുന്നു. ഇങ്ങനെയൊരു പപ്പയെ കിട്ടിയിരുന്നെങ്കിൽ എന്ന് വരെ ആഗ്രഹിച്ചിട്ടുണ്ട്. എന്റെ പപ്പയിൽ നിന്നും എനിക്ക് സ്‌നേഹമോ, പരിഗണനയോ ഒന്നും ലഭിച്ചിട്ടില്ല. അദ്ദേഹം പെരുമാറുന്നത് കണ്ട് പുരുഷൻമാരെല്ലാം ഇങ്ങനെയാണോ എന്ന് വരെ ചിന്തിച്ച് പോയിട്ടുണ്ട്.
കല്യാണത്തിനോട് പോലും വെറുപ്പ് തോന്നിയതിന് കാരണവും അതാണ്.ഭർത്താവിന്റെ പപ്പയെക്കുറിച്ചും സുമ ജയറാം വാചാലയാവാറുണ്ട്. മുൻപൊരിക്കൽ മമ്മി ആശുപത്രിയിലായിരുന്ന സമയത്ത് അദ്ദേഹം കാണാൻ വന്നിരുന്നു. ഭാര്യയോടുള്ള കരുതലിനെക്കുറിച്ച് അന്ന് അദ്ദേഹം സംസാരിച്ചിരുന്നു. സ്‌നേഹത്തോടെയാണ് ഞാൻ ഭാര്യയെ എടി എന്ന് വിളിക്കുന്നത്. അല്ലാതെ പേടിപ്പിച്ച് നിർത്താനല്ല എന്നായിരുന്നു പപ്പ പറഞ്ഞത്. മമ്മി അന്ന് ആശുപത്രിയിലാവാൻ കാരണം എന്റെ പപ്പയുടെ ഉപദ്രവമായിരുന്നു. മദ്യപിച്ച് കഴിഞ്ഞാൽ മമ്മിയെ ഉപദ്രവിക്കുമായിരുന്നു. വിറകുകൊള്ളിയെടുത്ത് അടിച്ചതോടെ മമ്മി ബോധംകെട്ട് വീഴുകയായിരുന്നു. അയൽക്കാരൊക്കെ കൂടിയാണ് ആശുപത്രിയിലെത്തിച്ചതെന്നും അവർ പറഞ്ഞിരുന്നു.
സുമയും ലല്ലുഷും അടുത്തിടെയായിരുന്നു വിവാഹ വാർഷികം ആഘോഷിച്ചത്. പിന്നാലെ മക്കളുടെ ബർത്ത് ഡേ സെലിബ്രേഷനും നടത്തിയിരുന്നു. വെഡ്ഡിംഗ് ആനിവേഴ്‌സറി ആഘോഷിച്ചപ്പോൾ ഭർത്താവിന്റെ ബന്ധുക്കളാരും പങ്കെടുത്തിരുന്നില്ലേ എന്ന ചോദ്യങ്ങൾ ഉയർന്നിരുന്നു. വീഡിയോയുടെ താഴെയായി വന്ന ചോദ്യങ്ങൾക്ക് മറുപടി നൽകുന്നതിനിടയിലായിരുന്നു അവർ കൂടുതൽ കാര്യങ്ങൾ വിശദീകരിച്ചത്. ഭർത്താവിന്റെ അമ്മയെ ക്ഷണിച്ചിരുന്നു, വരാൻ പറ്റില്ലെന്നായിരുന്നു മറുപടി. വേറെ ആരെയും പരിപാടിക്ക് വിളിച്ചിരുന്നില്ലെന്നും, അതിന് പിന്നിലെ കാരണം എന്താണെന്നും അവർ വിശദീകരിച്ചിരുന്നു.ഭർത്താവിന്റെ മദ്യപാനത്തെക്കുറിച്ചും, അതുകാരണമുള്ള ബുദ്ധിമുട്ടുകളെക്കുറിച്ചും അടുത്തിടെ സുമ ജയറാം തുറന്ന് സംസാരിച്ചിരുന്നു. ഇത് കണ്ടെങ്കിലും അദ്ദേഹം ആ ശീലം മാറ്റട്ടെ എന്ന് കരുതിയാണ് അഭിമുഖത്തിൽ അതേക്കുറിച്ച് പറഞ്ഞത്. എന്നാൽ ആ വീഡിയോ പോലും ആള് കണ്ടിട്ടില്ല. കല്യാണത്തിന് ശേഷമാണ് അദ്ദേഹം കുടിച്ച് തുടങ്ങിയതെന്ന് പറയുന്നത് തെറ്റാണ്.
ആ ശീലം നേരത്തെയുള്ളതായിരുന്നു. കല്യാണം കഴിഞ്ഞ് എട്ട് മാസം വരെ ആൾ മദ്യപിച്ചിരുന്നില്ലെന്നും സുമ ജയറാം വ്യക്തമാക്കിയിരുന്നു.ഇത്തവണ താൻ എങ്ങനെയാണ് വാലന്റൈൻസ് ഡേ ആഘോഷിച്ചത് എന്നും സുമ ജയറാം വ്ളോഗിലൂടെ കാണിച്ചിരുന്നു. വാലന്റൈൻസ് ഡേയ്ക്ക് ഒന്നിച്ച് പുറത്ത് പോവാനുള്ള പ്ലാനായിരുന്നു. അതിനിടയിലാണ് എസി കേടായത്. അത് നന്നാക്കാനായി ആൾ വന്നിരുന്നു. അതോടെ ലല്ലുവിന് വരാനും പറ്റിയില്ല. ആദ്യം വരാമെന്ന് പറഞ്ഞതാണ്. പിന്നെയാണ് തീരുമാനം മാറ്റിയത്. ല്ലുവിനൊരു സർപ്രൈസ് കൊടുക്കാമെന്ന് കരുതിയായിരുന്നു ഞാൻ ഇങ്ങനെയൊരു പ്ലാനിട്ടത്. അതെന്തായാലും ചീറ്റിപ്പോയി. എന്റെ വാലന്റൈൻ ഇല്ലാതെയാണ് ഞാൻ ഈ ദിവസം ആഘോഷിച്ചത്. ജാപ്പനീസ് ഫുഡും, പള്ളിയിലെ കുർബാനയും ഷോപ്പിംഗുമൊക്കെയായി ഞാൻ ഈ ദിവസം ആഘോഷിച്ചുവെന്നും താരം പറഞ്ഞു.
Find out more:
click and follow Indiaherald WhatsApp channel