നിങ്ങൾ കാരണം ഞങ്ങളുടെ ജീവിതത്തിൽ രണ്ട് കാര്യങ്ങൾ സംഭവിച്ചിട്ടുണ്ട്; ശ്രീവിദ്യയും, ഭർത്താവും! ബിസിനസ് തിരക്കുകൾ കാരണം കഴിഞ്ഞ രണ്ട് മാസത്തോളമായി നന്ദു തിരുവനന്തപുരത്തും ശ്രീവിദ്യ കാസർകോഡുമാണ്. ആ വിഷമമാണ് ശ്രീവിദ്യ വീഡിയോയിൽ പങ്കുവയ്ക്കുന്നത്. എന്നാൽ വീഡിയോയുടെ തുടക്കത്തിലെ ബ്ലാക്ക് ആന്റ് വൈറ്റ് ഇൻട്രോയും അതിന് കൊടുത്തിരിക്കുന്ന സാഡ് ബാക്ക് ഗ്രൗണ്ട് മ്യൂസിക്കും ആളുകളെ തെറ്റിദ്ധരിപ്പിച്ചിരുന്നു. ആളുകളെ തെറ്റിദ്ധരിപ്പിച്ചു എന്ന് പറഞ്ഞ് ഈ വീഡിയോയ്‌ക്കെതിരെ പലരും റിയാക്ഷൻ വീഡിയോ ചെയ്തു. അതിനുള്ള മറുപടിയാണ് ശ്രീവിദ്യയുടെ പുതിയ വീഡിയോ.രണ്ട് ദിവസം മുൻപ് ശ്രീവിദ്യ മുല്ലശ്ശേരി പങ്കുവച്ച വീഡിയോ വൻ വൈറലായിരുന്നു. 'നന്ദുവും ഞാനും ഇപ്പോൾ ഒരുമിച്ചല്ല' എന്ന തംപ്‌നെയിലോടെ പങ്കുവച്ച വീഡിയോയെ വിമർശിച്ച് പലരും രംഗത്തെത്തി.മറുപടി നൽകിക്കൊണ്ടുള്ള പുതിയ വീഡിയോയിൽ ശ്രീവിദ്യയ്‌ക്കൊപ്പം ഭർത്താവ് നന്ദു എന്ന രാഹുൽ രാമചന്ദ്രനുമുണ്ട്.
എനിക്ക് ടെൻഷൻ ഹാന്റിൽ ചെയ്യാൻ കഴിയില്ല, അത് കാരണമാണ് നന്ദു വന്നിരുന്നത് എന്ന് ശ്രീവിദ്യ വ്യക്തമാക്കുന്നുണ്ട്. ആരെയും തെറ്റിദ്ധരിപ്പിക്കണം എന്ന് കരുതിയല്ല അങ്ങനെ ഒരു തംപ്‌നെയിൽ ഇട്ടത്. എന്റെ ഭർത്താവ് രണ്ട് മാസത്തോളമായി കൂടെ ഇല്ല എന്ന് പറഞ്ഞത് സത്യം തന്നെയാണ്, വീഡിയോ തുടർന്ന് കണ്ടിരുന്നുവെങ്കിൽ അത് വ്യക്തമാകുമായിരുന്നു. ഭർത്താവ് കൂടെയില്ല എന്ന് പറഞ്ഞ അങ്ങനെ ഒരു വീഡിയോ പങ്കുവയ്ക്കുമ്പോൾ ഞാൻ മറ്റെന്ത് തംപ്‌നെയിൽ നൽകണമായിരുന്നു എന്നാണ് ശ്രീവിദ്യയുടെ ചോദ്യം.തംപ് നെയിൽ ഞങ്ങളെ സ്‌നേഹിക്കുന്നവരെ വേദനിപ്പിച്ചുവെങ്കിൽ, തെറ്റിദ്ധരിപ്പിച്ചുവെങ്കിൽ അവരോട് ആത്മാർത്ഥമായി മാപ്പ് ചോദിയ്ക്കുന്നു. ആദ്യമായി പറ്റിയ അബദ്ധം എന്ന പേരിൽ ശ്രീവിദ്യയോടും, അങ്ങനെ ഒരു തംപ്‌നെയിൽ എന്റെ സമ്മതത്തോടുകൂടെയാണ് ഇട്ടത് എന്ന കാരണത്താൽ എന്നോടും ക്ഷമിക്കണം എന്ന് നന്ദു പറഞ്ഞു.
ശ്രീവിദ്യയും മാപ്പ് പറഞ്ഞു. ഈ വിഷയത്തിൽ ഇനി ആരൊക്കെ റിയാക്ഷൻ വീഡിയോ ചെയ്താലും അതിനുള്ള മറുപടിയുമായി ഞങ്ങൾ വരില്ല. ഇതൊരു സീരീസായി കൊണ്ടു പോകാൻ താത്പര്യമില്ല. കമന്റ് പറയുന്നവർക്ക് അത് തുടരാം- ശ്രീവിദ്യയും നന്ദുവും പറഞ്ഞു.പിന്നെ റിയാക്ഷൻ വീഡിയോ ചെയ്തവർ കാരണം ഞങ്ങളുടെ ജീവിതത്തിൽ രണ്ട് കാര്യങ്ങൾ സംഭവിച്ചിട്ടുണ്ട്. ഒന്ന് കുറച്ച് ഫോളോവേഴ്‌സ് ഞങ്ങളെ അൺ സബസ്‌ക്രൈബ് ചെയ്തു പോയി. അതിൽ വിഷമമില്ല, എന്താണ് കാര്യം എന്ന് മനസ്സിലാക്കതെ പോയവരെ കാര്യമാക്കുന്നില്ല. ഞങ്ങളെ കുടുംബാംഗങ്ങളെ പോലെ കാണുന്ന, ഇത്രയും വർഷങ്ങളായി അറിയാവുന്നവർ കൂടെയുണ്ട്. രണ്ടാമത്തെ കാര്യം, എന്നെയും ഭർത്താവിനെയും നിങ്ങൾ വീണ്ടും ഒന്നിപ്പിച്ചു. തിരക്കുകൾ കാരണം രണ്ടിടത്തായിരുന്ന ഞങ്ങൾ, എനിക്കൊരു പ്രശ്‌നം വന്നപ്പോൾ നന്ദു ഓടിയെത്തി, അതിന് നന്ദിയുണ്ട്.
കഴിഞ്ഞ അഞ്ച് വർഷമായി ഞാൻ യൂട്യൂബ് കരിയർ തുടങ്ങിയിട്ട്, തംപ് ഇടാനൊക്കെ ഒരു ടീം ഉണ്ട്, ആളുകളെ തെറ്റിദ്ധരിപ്പിക്കാനായിരുന്നുവെങ്കിൽ, അടിച്ചു പിരിഞ്ഞു എന്ന് പറഞ്ഞ് കല്യാണ ഫോട്ടോയും വച്ച് ഇതിലും നല്ല തംപ് എനിക്ക് കൊടുക്കാനറിയാം. പിന്നെ തെറ്റിദ്ധരിപ്പിക്കുന്ന തംപ്‌നെയിൽ വച്ച് കാശുണ്ടാക്കി എന്ന് പറയുന്നവരോട്, ഞങ്ങളെ വിറ്റ് ആരാണ് ശരിക്കും കാശ് ഉണ്ടാക്കിയത് എന്ന് നിങ്ങൾക്കും ഞങ്ങൾക്കും വന്ന വ്യൂവേഴ്‌സിനെ നോക്കി കണക്കെടുക്കാവുന്നതേയുള്ളൂ. ഉളുപ്പില്ലാതെ പറ്റിച്ചു കാശുണ്ടാക്കി എന്നൊക്കെയുള്ള വാക്കുകൾ ഉപയോഗിക്കുന്നതിന് മുൻപ് വീഡിയോ എന്താണ് എന്ന് മുഴുവനായി കാണാനെങ്കിലും ശ്രമിക്കണം എന്ന് ശ്രീവിദ്യയും ഭർത്താവും പറഞ്ഞു.
Find out more:
click and follow Indiaherald WhatsApp channel