റിയാലിറ്റി ഷോ നടത്തി വിവാഹം ചെയ്ത നടൻ; ആര്യ-സയ്യേഷ ബന്ധത്തിന് 6 വയസ്സ്! 38 വയസ്സായിട്ടും നടൻ എന്താണ് വിവാഹം ചെയ്യാത്തത് എന്ന ചോദ്യത്തിന് പലപ്പോഴും തമാശയിലൂടെ ആര്യ മറുപടി നൽകി. അതിനിടയിൽ നയൻതാര അടക്കമുള്ള നടിമാർക്കൊപ്പം ചേർത്ത് ഗോസിപ്പുകളും വന്നിരുന്നു. അതിനിടയിലാണ് ആര്യ റിയാലിറ്റി ഷോയിലൂടെ തന്നെ വധുവിനെ കണ്ടെത്തുന്നു എന്ന് കേട്ടത്. കളേഴ്‌സ് തമിഴ് ചാനലിൽ സംപ്രേക്ഷണം ചെയ്തിരുന്ന എങ്ക വീട്ട് മാപ്പിള്ളൈ എന്ന ഷോ ആര്യയ്ക്ക് ജീവിത പങ്കാളിയെ കണ്ടെത്താൻ വേണ്ടി നടത്തുന്നു എന്ന പ്രമോഷനോടെയാണ് എയർ ചെയ്തത്. എന്നാൽ അതിലെ ടൈറ്റിൽ വിന്നറെ ആയിരുന്നില്ല ആര്യ പങ്കാളിയായി സ്വീകരിച്ചത്. അതിന്റെ പേരിൽ നിരവധി വിവാദങ്ങളും വിമർശനങ്ങളും ആര്യയ്ക്ക് നേരിടേണ്ടതായും വന്നു.
ആ വാർത്ത അങ്ങനെ ചൂടു പിടിച്ച് നിൽക്കുമ്പോഴാണ് ആര്യ താൻ പ്രണയത്തിലാണ് എന്ന് വെളിപ്പെടുത്തിയത്. ആര്യ ആരെ വിവാഹം ചെയ്യും എന്നത് ഒരു കാലത്ത് തമിഴ് ഇന്റസ്ട്രിയിലെ വലിയ ചർച്ചാ വിഷയം ആയിരുന്നു.ഗജിനികാന്ത് എന്ന ചിത്രത്തിൽ ഒന്നിച്ചഭിനയിച്ചതിലൂടെയാണ് ആര്യയും സയ്യേഷയും പരിചയപ്പെത്ത.് 16 വയസ്സിന്റെ പ്രായ വ്യത്യാസമുണ്ട് ഇറുവരും തമ്മിൽ, തന്റെ കൂടെ അഭിനയിച്ച നായികമാരിൽ ഏറ്റവും പ്രായ കുറഞ്ഞ നടിയും സയ്യേഷയാണെന്ന് ആര്യ പറഞ്ഞിട്ടുണ്ട്. അതുകൊണ്ട് ഒരു കൊച്ചു കുട്ടിയായിട്ടാണ് ആര്യ കണ്ടത്. അതിനപ്പുറമുള്ള ബന്ധം തങ്ങൾ തമ്മിലുണ്ട് എന്നറിഞ്ഞത് ആ സിനിമ കഴിഞ്ഞതിന് ശേഷമാണത്രെ. തുടർന്ന് കാപ്പാൻ, ഡെഡ്ഡി എന്നീ ചിത്രങ്ങളിലും ഒന്നിച്ചഭിനയിച്ചതിലൂടെ ആ പ്രണയ ബന്ധം ശക്തമായി. ഈ ചെറിയ പ്രായത്തിലും തന്നെക്കാൾ പക്വതയാണ് സയ്യേഷയ്ക്ക്.
പല കാര്യങ്ങൾക്കും എന്നെ ഉപദേശിക്കുമ്പോൾ ഞാൻ അത്ഭുതപ്പെടാറുണ്ട്, നിന്റെ പ്രായത്തിനും പെരുമാറ്റത്തിനും യാതൊരു ബന്ധവുമില്ലല്ലോ എന്ന് ഞാൻ പറയും. എല്ലാവർക്കും സയ്യേഷ നൽകുന്ന ബഹുമാനവും കരുതലും തന്നിൽ മതിപ്പുളവാക്കി എന്നും ആര്യ പറഞ്ഞിരുന്നു. പ്രായത്തെ വെറും നമ്പറായി കണക്കാക്കി പ്രണയിച്ച ബോളിവുഡ് പ്രണയ നായകൻ ദിലീപ് കുമാറും സൈറ ബാനുവും സയേഷയുടെ വല്യമ്മാവനും വല്യമ്മായിയുമാണ്. നസീം ബാനുവിന്റെ കൊച്ചുമകൾ, സുമീത് സൈഗാളിന്റെ മകൾ. ബോംബെയിൽ ജനിച്ചുവളർന്ന സയ്യേഷ നടി എന്ന നിലയിൽ ക്ലിക്കായത് തമിഴ് സിനിമാ ലോകത്താണ്. അങ്ങനെ മലയാളിയായ തമിഴ് നടൻ ആര്യയുമായി പ്രണയത്തിലാകുകയും ചെയ്തു.
പ്രായ പരിധികൾക്കപ്പുറമുള്ള പ്രണയ ബന്ധം.
2019 ഫെബ്രുവരി 14 ന് നടി സയ്യേഷയുമായി താൻ പ്രണയത്തിലാണെന്ന് ആര്യ വെളിപ്പെടുത്തി. തൊട്ടടുത്ത മാസം, മാർച്ച് 10 ന് സ്വപ്‌ന തുല്യമായ ആ വിവാഹവും നടന്നു. ഇന്ന് ആര്യ - സയ്യേഷ ദാമ്പത്യത്തിന് ആറ് വർഷം പൂർത്തിയാവുകയാണ്. 2021 ൽ ഒരു മകളും താര ജോഡികൾക്ക് പിറന്നു. വിവാഹ വാർഷികത്തോടനുബന്ധിച്ച് ഇരുവരും സോഷ്യൽ മീഡിയയിൽ പങ്കുവച്ച പോസ്റ്റും ആരാധകർ ഏറ്റെടുത്തു.
Find out more:
click and follow Indiaherald WhatsApp channel